JOHAN 4:14 - Lai (Hakha) Common Language Bible 2006

¹⁴ sihmanhsehlaw keimah nih ka pekmi ti a dingmi paoh cu zeitikhmanh ah an ti a hal ṭhan ti lai lo. Ka pekmi ti cu a chungah zungzal nunnak petu cerhtiput ah a cang lai,” tiah a ti.

Laibaibal Thiang (BSI)

¹⁴ asinain an sin i ka pêkmi ti a dingmi pauh cu an ti a hal ti lai lo. An sin i ka pêkmi ti cu anmah ah ti hna a um lai i zungzal nunnâk tiangin a luanglan lai,” tiah a ti.

JOHAN 4:14 Iomraidhean Croise

ISAIAH 49:10

zeitikhmanh ah an ti a hal lai lo i an rawl a ṭam lai lo. Ni lin le thetse lin nih retheihnak a pe hna lai lo, zeicahtiah annih cu anmah a dawtu hna nih khan a hruai hna lai. Cerhti umnak hmun ah khan a hruai hna lai.

ISAIAH 55:1

Bawipa nih aa thawh i, “Ti a halmi paoh ra tuah u, hika ah hin ti a um. Tangka zeihmanh a ngei lomi hna ra tuah u, rawl kha i cawk u law ei tuah u. Ra u law mitsur zu le cawhnuk kha i cawk hna u — a man zeihmanh pek a hau lai lo.

ISAIAH 58:11

Cun nannih cu keimah nih lam kan hmuhsak zungzal hna lai i thil ṭha in nan paw kan khimter zungzal hna lai. Ngandam le thazang ṭhawng in kan umter hna lai. Ti tampi a ngeimi dum bantuk nan si lai; a kao bal lomi cerhti bantuk nan si lai.

JEREMIAH 2:13

Zeicahtiah ka mi hna nih hin ṭhat lonak pahnih an tuah: Ti nung a chuahnak cerh keimah cu an ka hlawt i Tikuang, a chungah ti a zawi kho lomi, a zutmi tikuang kha an i ser.

JEREMIAH 31:25

A bami cu ka hrimhter ṭhan hna lai i rawlṭam in thazang a tlawmmi cu rawl khim tein ka pek hna lai.

EZEKIEL 47:9

Hi ti a luannak hmun paoh ah khan sermi thilnung zeipaoh nih nunnak an hmuh lai. Nga cu rel cawk lo an si lai; zeicahtiah hi ti cu tithlum a si caah hi ti a luannak paoh ah zeizong vialte an nun nakhnga caah a si.

LEVITIKAS 11:36

Sihmanhsehlaw cerhti siseh tikuang a chung i ti a ummi cu siseh a thiang lai, asinain zeipaoh an ruak a tawngtu paoh cu thianglo an si lai.

MATTHAI 25:46

Hi hna cu zungzal hremhmun ah khan kalter an si lai: a dingmi cu zungzal nunnak ah khan an kal lai,” tiah a ti.

MATTHAI 5:6

Pathian duhnak tuah kha nan duhnak ngan bik i a chiami cu lunglawmmi nan va si dah! Pathian nih nan duhnak cu a tlinter lai.

JOHAN 10:10

Mifir cu fir duh le thah duh le hrawh duh lawngah an ra. Kei cu nunnak kha an ngeih i duhdim tein an ngeih nakhnga caah ka ra.

JOHAN 11:26

Cun ahohmanh a nung i keimah kha a ka zummi cu an thi bal lai lo. Hihi na zum maw?” a ti.

JOHAN 4:10

Jesuh nih cun, “Pathian nih pek an duhmi laksawng kha zeidah a si ti le, cun ti din awk an haltu hi ahodah a si ti kha hei hngal law cu, amah tu hi na hal hnga i nunnak ti kha an pek ko hnga,” tiah a ti.

JOHAN 4:11

Minu nih cun, “Bawipa, ti thannak thawl na ngeih ṭung lo. Tikhor tiah a thuk fawn. Khuazei ah dah nunnak ti cu na hmuh lai?

JOHAN 4:13

Jesuh nih cun, “Hi ti a dingmi paoh cu an ti a hal ṭhan lai;

JOHAN 4:36

Rianṭuantu nih a ṭuan man kha a hmuh lio cang i zungzal nunnak caah khan rawl kha a pum lio hna, cucaah a tuhtu le a zuntu kha an pahnih in hmunkhat ah an i lawm ṭi lai.

JOHAN 6:27

Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

JOHAN 6:35

Jesuh nih cun, “Nunnak changreu cu keimah hi ka si. Ka sin i a rami cu ahohmanh an rawl a ṭam lai lo i keimah a ka zummi cu ahohmanh an ti a hal lai lo.

JOHAN 6:58

Cucaah vancung in a rungmi changreu cu hihi a si; nan pupa hna nih an rak eimi changreu bantuk kha a si lo, annih cu an thi, sihmanhsehlaw hi changreu a eimi cu zungzal in an nung lai,” tiah a ti hna.

JOHAN 7:37

Puai donghnak ni kha a biapi bik ni a si. Cu ni ahcun Jesuh cu a dir i aw thang piin, “A ti a halmi paoh cu ka sinah ra u law ra ding u.

ROM 5:21

Cucaah sualnak nih cun thihnak kha hmang in a kan uk bantukin Pathian vel nih cun dinnak kha hmang in a kan uk i Jesuh Khrih kan Bawipa thawngin zungzal nunnak ah a kan kalpi.

ROM 6:23

Zeicahtiah sualnak man cu thihnak a si, sihmanhsehlaw Pathian laksawng cu zungzal nunnak a si i cu nunnak cu kan Bawipa Jesuh Khrih he aa pehtlaimi nunnak a si.

2 KORIN 1:22

Pathian nih cun amah ta kan sinak hmelchunhnak kha kan cungah a khenh i kan ca i a kan chiahpiakmi a dihlak aamahkhan caah khan kan lung chungah Thiang Thlarau kha a kan pek.

EFESA 4:30

Cun Pathian Thiang Thlarau kha a ngaihchiatter hlah u; zeicahtiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu a si.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.

BIAPHUAN 7:16

Annih cu an ti a hal in an rawl a ṭam ti lai lo; ni nih a linh ti hna lai lo i thlanhri puak in zeihmanh nih a umter ti hna lai lo.

BIAPHUAN 7:17

Zeicahtiah bawiṭhutdan laifang i a ummi Tuufa kha an tuukhal a si lai i nunnak tiput cerhkam ah a kalpi hna lai. Cun Pathian nih an mitthli vialte kha a hnawhpiak dih hna lai,” a ti.