JOHAN 4:11 - Lai (Hakha) Common Language Bible 2006

¹¹ Minu nih cun, “Bawipa, ti thannak thawl na ngeih ṭung lo. Tikhor tiah a thuk fawn. Khuazei ah dah nunnak ti cu na hmuh lai?

Laibaibal Thiang (BSI)

¹¹ Minu nih, “Kapu, tikhor le a thûk, thlainâk le na ngei lo, cu tinnung cu khuazeiindah na hmuh?

JOHAN 4:11 Iomraidhean Croise

JEREMIAH 2:13

Zeicahtiah ka mi hna nih hin ṭhat lonak pahnih an tuah: Ti nung a chuahnak cerh keimah cu an ka hlawt i Tikuang, a chungah ti a zawi kho lomi, a zutmi tikuang kha an i ser.

JOHAN 3:4

Nikodemu nih cun, “Zeitindah patling a si cangmi cu hrin ṭhan cu a si khawh lai? A nu paw chungah cun lut ṭhan in hrin ṭhan cu a si kho bal lai lo,” tiah a leh.

JOHAN 4:14

sihmanhsehlaw keimah nih ka pekmi ti a dingmi paoh cu zeitikhmanh ah an ti a hal ṭhan ti lai lo. Ka pekmi ti cu a chungah zungzal nunnak petu cerhtiput ah a cang lai,” tiah a ti.

JOHAN 7:37

Puai donghnak ni kha a biapi bik ni a si. Cu ni ahcun Jesuh cu a dir i aw thang piin, “A ti a halmi paoh cu ka sinah ra u law ra ding u.

LAMKALTU 10:14

Sihmanhsehlaw Peter nih a thawh i, “Ka ei lai lo, Bawipa. Thurhhnawmhmi thil le a thiang lomi thil cu zeihmanh ka ei bal lo,” tiah a ti.

1 KORIN 2:14

Sihmanhsehlaw Thlarau a ngei lomi nih cun Pathian Thlarau sinin a rami laksawng cu an hmu kho lo. Fiang in an hngal kho ngaingai hna lo; laksawng a sunning kha thlarau lei lawngin hngalh khawh a si caah annih caah cun pakpalawng men a si ko.

BIAPHUAN 21:6

Cun aa thawh i, “Rian ka lim dih cang. Kei cu Alfa le Omega, hramthawknak le donghnak ka si. Tihal paoh nunnak tiput ti kha man loin ka dinter hna lai.

BIAPHUAN 22:1

Vancungmi nih cun nunnak tiva zong a ka hmuhsak, cu tiva cu Pathian le Tuufa bawiṭhutdan hram in khuapi laifang ah a rung luangmi a si i thlalang bantukin a fiim.

BIAPHUAN 22:17

Thlarau le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.

BIAPHUAN 7:17

Zeicahtiah bawiṭhutdan laifang i a ummi Tuufa kha an tuukhal a si lai i nunnak tiput cerhkam ah a kalpi hna lai. Cun Pathian nih an mitthli vialte kha a hnawhpiak dih hna lai,” a ti.