JOHAN 3:6 - Lai (Hakha) Common Language Bible 2006

⁶ Pumsa lei in ti ahcun mi cu a nu le a pa chungin a chuakmi a si, sihmanhsehlaw thlarau hrin si awkah cun Thlarau in a chuakmi a si awk a si.

Laibaibal Thiang (BSI)

⁶ Taksa in hrin cu taksa a si, Thlarau in hrin cu thlarau a si.

JOHAN 3:6 Iomraidhean Croise

GENESIS 5:3

Adam cu kum za le sawm thum a si tikah amah bantuk a simi fapa pakhat a ngei i a min ah Seth a sak.

GENESIS 6:12

Pathian nih vawlei cu a zoh tikah a ṭha hrimhrim lo ti kha a hmuh, zeicahtiah minung kha an dihlak in sual in an nung.

GENESIS 6:5

Bawipa nih minung cu khuazakip ah an ṭhat lo tuk hringhran le an lungchung cu ruahnak ṭhalo lawnglawng a khah kha a hmuh tikah,

JOB 14:4

Cu bantukin a thiang lomi minung chung cun a thiangmi zeihmanh a chuak kho bal lai lo.

JOB 25:4

A si ahcun, zeitindah Pathian hmaiah minung cu a din khawh lai? Nu chungin a chuakmi cu zeitindah a thian khawh lai?

SALM 51:10

Maw Pathian, ka chungah hin lungthin thar ka serpiak law a thar le zumhtlak a simi ruahnak ka chungah chia ko.

JOHAN 1:13

Pathian fa an can cu minung phung ningin a si lo; vawlei cung i hrinsor ningin a si lo, Pathian hrimhrim kha an Pa cu a si.

JOHAN 3:7

‘Hrin ṭhan nan si hrimhrim awk a si,’ ka ti tikah na khuaruahhar hlah.

ROM 7:18

Ka chungah hin — ka minung sining ah hin — ṭhatnak a um lo ti kha ka hngalh. Zeicahtiah ṭhatnak tuah duhnak kha ka chungah um hmanh seh law ṭhatnak cu ka tuah kho lo.

ROM 7:25

Pathian cu lawm ko u sih. Cucaah ka sining cu hihi a si ko: keimah lawngin ti ahcun, ka lung lawng in Pathian nawl cu ka zulh khawh, ka minung sining tu cu sualnak phung kha a zul ko.

ROM 7:5

Kan minung sining in kan rak nun lioah khan Nawlbia nih a cawlcanghtermi kan pumsa duhnak hna kha kan pum chungah hin rian an rak ṭuan i an theitlai cu thihnak a si.

ROM 8:13

Nan mihring sining in nan nun ahcun nan thi ko lai; sihmanhsehlaw sualnak nan tuahmi kha Thlarau in nan thah ahcun nan nung lai.

1 KORIN 6:17

Sihmanhsehlaw Bawipa he aa pehmi cu Bawipa he thlarau in pakhat an si.

2 KORIN 5:17

Mi zeihmanh hi Khrih he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang.

GALATI 5:24

Cun Khrih Jesuh ta a simi nih cun a minung sinak kha tuah a duh tawnmi thil le a pumsa duhnak he khan a thah.

EFESA 2:3

A ngaingai ti ahcun, kan dihlak hin anmah bantuk cu kan rak si i kan i chuahkehpimi kan pumsa duhnak zulh khan khua kan rak sa i kan pum le kan lungthin duhnak he aa tlakmi paoh kha kan rak tuah. Midang cio bantukin kannih zong Pathian thinhunnak ing ding kan rak si.

KOLOSE 2:11

Amah he nan i pehtlaihnak ah hin nannih cu cuarpartannak kha nan hmu, minung tuahmi cuarpartannak kha si loin Khrih cuarpartannak hrimhrim kha nan hmu i cucu hi a sualmi kan pum chungin luatnak kha a si.

1JOHAN 3:9

Pathian fa a simi paoh nih cun sualnak an tuah peng lo, zeicahtiah Pathian thlaici kha an chungah a um; cun Pathian cu an Pa a si caah an sual kho peng lo.