JOHAN 3:27 - Lai (Hakha) Common Language Bible 2006

²⁷ Johan nih cun a thawh hna i, “Pathian nih a pek hna dah ti lo ahcun ahohmanh nih zeihmanh an ngei kho lo.

Laibaibal Thiang (BSI)

²⁷ Johan nih, “Van lei in pêk an si lo ahcun, minung nih zeihmanh an cohlang kho lo,

JOHAN 3:27 Iomraidhean Croise

JEREMIAH 1:5

“Paw chung i kan ser hlanah kan hngalh i na chuah hlanah kan thianter cang; Nangmah cu miphun hna ca i profet ah kan chiah cang,” tiah a ti.

JEREMIAH 17:16

Sihmanhsehlaw Maw Bawipa, an cungah ṭhat lonak tlunter kha kan fial bal lo i An ca i harnak caan tlun kha ka duhmi a si bal lo. Nangmah nih ka ka in a chuakmi bia vialte cu na hngalh dih, Ka chimmi bia vialte cu na hnatlakmi an si ko.

AMOS 7:15

Sihmanhsehlaw saṭil ka khalh lio hna ah khan Bawipa nih a ka lak riangmang i, “Va kal law ka mi Israel mi kha va chim hna,” tiah a ka ti.

NAMBAR 17:5

Cun ka thimmipa i a ṭhiangṭhunh cu a corh lai; cu bangin Israel mi hna phunzainak, nangmah cung i an phunzainak cu, ka sinin ka daihter lai,” tiah a ti.

MATTHAI 21:25

Johan tipil peknak kha: Pathian sinin maw a si, minung sinin dah?” tiah a leh hna. Zeitindah kan leh lai, tinak caah khan pakhat le pakhat an i al lengmang i “Pathian sinin kan ti ahcun, zeicahdah nan zumh kun lo? a kan ti lai;

MATTHAI 25:15

Anmahle an thil ti khawh ning cio khan ngun tangka a pek hna: pakhat cu thong nga, pakhat cu thong hnih a pek i pakhat cu thong khat a pek. Cun khualtlawn ah cun aa thawh.

MARKA 13:34

Zei he dah aa lawh lai ti ahcun, khualtlawn ah a kal i a sinum hna kha, nan rian cio kha ṭha tein rak ṭuan u, tiah a ti i innka cawngtupa kha, ṭha tein rak cawng, tiah bia a riah tatu inn bawi he aa lo lai.

JOHAN 10:41

“Johan nih hmelchunhnak zeihmanh a tuah lo, sihmanhsehlaw hi pa kong a chimmi cu ahmaan dih,” an ti.

JOHAN 6:65

Cun aa thawh ṭhan i, “Hi ruangah hin pei, ka Pa nih an caah lam a serpiak hna lo ahcun ahohmanh ka sinah an ra kho lo, tiah ka rak in chimh hna kha a si cu,” tiah a ti.

ROM 1:5

Amah thawngin Pathian nih lamkaltu sinak kha a ka pek i miphun kip chungmi kha zumhnak le Pathian nawlngaihnak i phakter awkah a ka fial;

ROM 12:6

Cucaah laksawng phun dangdang kan hmuh ciomi cu Pathian nih a kan pekmi vel kan hmuh ning cio ah hmang hna u sih. Laksawng kan hmuhmi cu Pathian bia chim thiamnak a si ahcun, zumhnak kan ngeihmi ning khan kan hman awk a si;

1 KORIN 1:1

Pathian duhnak in Khrih Jesuh lamkaltu si dingah kawhmi keimah Paul le kan unau Sosthenes nih, Korin khua i a ummi Pathian khrihfabu kha ca kan in kuat hna.

1 KORIN 12:11

Hi thil vialte a tuahtu hi Thlarau pakhat a si, a duhning bantukin mi kha laksawng phun dangdang cio a pek hna.

1 KORIN 15:10

Sihmanhsehlaw Pathian vel thawngin atu i ka sining hi ka si, cun ka cung i vel a ka ngeihmi cu alak ka siter ve lo. Lamkaltu a dang hna nakkhan fak deuh in rian ka ṭuan, asinain a ngaingai ti ahcun keimah nih ka ṭuan ti awk a si lo, Pathian vel ka chung i rian a ṭuanmi ṭuannak tu kha a si deuh.

1 KORIN 3:5

A ngaingai ti ahcun, Apollo cu ahodah a si? Paul cu ahodah a si? Pathian sal pei kan va si ko cu, Pathian an zumhtertu hna kha. Bawipa nih a kan pekmi rian cio kha pei kan hei ṭuan ko cu:

1 KORIN 4:7

Midang nakin cungnung deuh ah aho nih dah an ser? Pathian pek a si lomi na ngeihmi zeital a um maw? Cucaah cun nan hmuhmi cu a lakin hei hmu hlah u law cu bang, zeitindah nan i porhlawt khawh?

GALATI 1:1

Galati peng Khrihfabu hna, Paul nih ca kan kuat hna. Keimah cu lamkaltu si dingah hin minung nih fialmi le minung nih thlahmi si loin, Jesuh Khrih le Jesuh Khrih thihnak in a thawhtertu Pathian kan Pa nih an ka kawhmi ka si.

EFESA 1:1

Pathian duhnak in Khrih Jesuh lamkaltu a simi keimah Paul nih, Efesa khua i a ummi Pathian mi hna, Khrih Jesuh chung i nan nunnak ah zumh awk tlak in khua a sami hna, ca kan kuat hna.

1TIMOTE 2:7

cu ruangah cun Jentail mi hna sinah lamkaltu le cawnpiaktu ah thlah ka si i zumhnak le biatak kong cu ka chim. Lih ka chim lo, biatak ka chim!

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.