JOHAN 3:16 - Lai (Hakha) Common Language Bible 2006

¹⁶ Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai.

Laibaibal Thiang (BSI)

¹⁶ Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai.

JOHAN 3:16 Iomraidhean Croise

GENESIS 22:12

Vancungmi nih cun, “Ngakchiapa kha fahnak zeihmanh pe hlah, a cungah zeihmanh zong tuah fawn hlah. Fapa pakhat lawngte na ngeihmi hmanh pek sian loin na ka um lo caah Pathian nawl ngaih cu na duh ngaingai ti kha ka hngalh,” tiah a ti.

GENESIS 22:2

Pathian nih cun a thawh i, “Na fapa, fapa pakhat lawngte na ngeihmi Isak na dawtmi kha i lak law Moriah ram ah va kal. Cuka ah cun kan hmuhsak laimi tlang cungah khangh thawinak ah na khangh lai,” a ti.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

MATTHAI 9:13

Va kal u law, ‘Saram thawinak si loin ka duhmi cu zaangfahnak lungthin kha a si,’ tiah Cathiang chungah aa ṭialmi hi a sullam va ruat tuah u. Miding mi pawl kawh awkah ka rat ṭung lo, misual mi hna kawh awkah pei ka rat ko cu,” tiah a ti.

MARKA 12:6

Thlah dingah a taangmi cu dum ngeitu fapate a dawt ngaingaimi lawng kha a si cang. A hmanung bik ah a fapa cu dum a hlanhmi hna sinah cun a hei thlah i, ‘Ka fapa hi cu an hmaizah ṭheo lai,’ tiah a ti.

LUKA 2:14

“A sang bik van ah khin Pathian cu sunparnak hmu ko seh, Cun a dawtmi hna umnak vawlei ah hin remnak um ko seh,” tiah an ti.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

JOHAN 1:29

A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

JOHAN 10:28

Annih cu zungzal nunnak kha ka pek hna i an thi bal lai lo; cun ahohmanh nih annih cu an ka chut kho fawn lai lo.

JOHAN 3:15

Cucaah cun amah a zummi paoh nih zungzal nunnak an ngei lai.

JOHAN 3:18

“Fapa kha a zummi paoh cu sual biaceihnak a ing lo, sihmanhsehlaw a zum lomi cu sualphawt a si ko cang; zeicahtiah Pathian Fapa ngeihchun kha a zum lo.

JOHAN 3:36

Fapa a zummi paoh cu zungzal nunnak an ngei, Fapa nawl a ngai lomi paoh cu nunnak an ngei bal lai lo i Pathian thinhunnak cu an cungah a um zungzal ko lai.

JOHAN 6:40

Zeicahtiah Fapa kha a ka hmu i a ka zummi paohpaoh cu ni hmanung bik ni ah nunnak i thawhter kha ka Pa nih a duhmi cu a si,” a ti.

ROM 5:10

Kannih cu Pathian ral kan rak si, sihmanhsehlaw a Fapa thihnak thawngin a hawi ah a kan ser cang. Atu cu Pathian hawikom kan si cang caah Khrih nunnak nih cun zeitluk in dah a kan khamh chinchin lai.

ROM 5:8

Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi.

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?

EFESA 2:4

Sihmanhsehlaw Pathian nih a kan zaangfahnak cu a tam tuk i a kan dawtnak cu a ngan tuk hringhran caah

2 THESALON 2:16

Kannih a kan daw i vel a kan ngeih caah hnangamnak le ruahchannak a ṭhami a kan pe zungzaltu Bawipa Jesuh Khrih le Pathian kan Pa nih cun

TITAS 3:4

Sihmanhsehlaw kan Khamhtu Pathian dawtnak le zaangfahnak cu vawlei cungah a hung langh tikah, thil ṭha kan tuahmi ruangah si hin loin amah nih a kan zaangfah ca lawnglawng ah kannih cu a kan khamh i

HEBRU 2:9

A sullam cu Jesuh ah khan kan hmuh. Caan tawite chung cu vancungmi nak niam deuh ah khan a ser taktak i cucu Pathian vel thawngin mi vialte kan ca i a thihnak ding caah khan a si. Cun thihnak a inmi ruangah khan atu cu sunparnak le upatnak kha luchin ah chinh a si cang ti kha kan hmuh.

1JOHAN 3:1

Pathian nih zeitluk in dah a kan dawt hi ruat hmanh u! A kan dawtnak kha a ngan tuk caah Pathian fa tiah ti kan si — Pathian fa ti lawng hmanh si loin, a si in kan si hrimhrim. Hi ruangah hin vawlei nih a kan hngalh lonak cu a si, Pathian zong kha a hngal lo.

1JOHAN 4:19

Kannih nih Pathian kan dawt cu Pathian nih a kan dawt hmasa caah a si.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i