JOHAN 3:13 - Lai (Hakha) Common Language Bible 2006

¹³ Vancung in a rung ṭummi Mi Fapa dah ti lo cu ahohmanh vancung i a kaimi an um bal lo.”

Laibaibal Thiang (BSI)

¹³ Vanah a um i van in a rungṭummi Mi Fapa dah ti lo, ahohmanh vanah an kai bal lo.

JOHAN 3:13 Iomraidhean Croise

PHUNGTHLÛKBIA 30:4

Van ah khin ahodah a hung kai i a ṭum ṭhan? Aho nih dah a kut chungah thli kha a hum hna? Aho nih dah ti kha a puan in a fun hna? Aho nih dah vawlei cu a ramri kha a ser hna? A min cu ahodah a si i a fapa min cu ahodah a si? Na hngalh ahcun chim tuah.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

MATTHAI 8:20

Jesuh nih cun, “Cenghngia nih kua an ngei i vate cu bu an ngei, sihmanhsehlaw Mi Fapa cu riahnak hmun hmanh a ngei lo,” tiah a leh.

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

JOHAN 13:3

Jesuh nih cun ka Pa nih zeizong vialte kha ka kut chungah a ka pek dih i ka Pa sinin a rami ka si i ka Pa sinah ka kir ṭhan lai ti kha a hngalh caah

JOHAN 17:5

Cucaah Ka Pa, vawlei ser hlan i nangmah sin i ka rak ngeihmi sunparnak kha, atu ah hin na hmaika ah sunparnak ka pe tuah.

JOHAN 3:12

Hi vawlei cung thil kong ka chim hmanh ah nan ka zumh lo ahcun zeitindah vancung thil kong ka chim tikah nan ka zumh khawh kun lai?

JOHAN 3:31

Cunglei in a rungmi cu a dang vialte nakin a ngan deuh, vawlei in a rami cu vawlei ta kha a si i vawlei cung thil kong kha a chim. Cunglei in a rami cu zeizong vialte cungah a um.

JOHAN 6:33

Zeicahtiah Pathian pekmi changreu cu vancung in a run thlahmi hi a si i amah nih cun vawlei hi nunnak kha a pek,” tiah a ti hna.

JOHAN 6:38

Zeicahtiah vancung in ka rung ṭum cu keimah duhnak tuah awkah khan si loin a ka thlahtu duhnak tuah awkah khan a si deuh.

JOHAN 6:42

Cucaah an i thawh i, “Hi pa hi Josef fapa Jesuh kha a si lo hlah i? A nu kan hngalh, a pa kan hngalh, zeitindah vancung in ka rung, tiah a ti kun?” an ti.

JOHAN 6:46

Ka chim duhmi cu, Pathian a hmumi an um bal, ka ti duhnak a si lo. Pathian sinin a rung ṭum mi lawnglawng kha Pa a hmu balmi cu a si.

JOHAN 6:51

Vancung in a rung ṭummi nunnak changreu cu keimah hi ka si. Hi changreu a eimi paoh cu zungzal in an nung lai. Ka pekmi hna changreu cu ka sa hi a si, cucu zeicahdah ka pek hna ti ahcun, vawlei hi a nun nakhnga caah a si,” tiah a ti.

JOHAN 6:62

Mi Fapa hi hmasa i ka rak umnak hmun i ka kai kha ka hmu u law tah zeitindah nan um kun hnga?

JOHAN 8:42

Annih cu Jesuh nih, “Pathian kha nan Pa rak si taktak seh law cu keimah hi nan ka dawt ko hnga, zeicahtiah kei cu Pathian sinin a rami ka si i atu hika ka phan. Keimah duh in a rami ka si lo, amah nih a ka thlahmi ka si.

LAMKALTU 2:34

Zeicah kan ti ahcun amah David cu vancung ah a kai ṭung lo, aa thawh i pei: ‘Bawipa nih ka Bawipa cu, “Ka orhlei kamah hin ṭhu tuah,

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

ROM 10:6

Asinain zumhnak thawngin Pathian he i remnak kong ah cun hitihin ti a si: “Nangmah le nangmah cu, Ahodah vancung ah khin a hung kai lai?” i ti hlah (cu a sullam cu Khrih kha run ṭumpi awkah ti a si).

1 KORIN 15:47

Adam pakhatnak cu vawlei dip in sermi a si, Adam pahnihnak tu cu vancung in a rami a si.

EFESA 1:23

Khrihfabu hi Khrih pum cu a si, Khrih nih zeizong vialte kha a tlinter i amah Khrih hrimhrim a tlinnak cu a pum ah cun a si.

DEUTERONOMI 30:12

‘Kannih nih kan theih i kan tuah khawh nakhnga, ahodah kan caah van ah khin a hung kai lai i kan sinah a run ṭumpi lai,’ tiah nan ti awkin van ah khin a um lo.