JOHAN 21:15 - Lai (Hakha) Common Language Bible 2006

¹⁵ Rawl an ei dih hnuah Jesuh nih Simon Peter cu a thawh i, “Johan fapa Simon, hi hna nih an ka dawtnak hin nang nih na ka daw deuh maw?” tiah a ti. “Asi, Bawipa, kan dawt kha na hngalh,” tiah a leh. Jesuh nih, “Ka tuufa tete kha cawm hna,” tiah a ti.

Laibaibal Thiang (BSI)

¹⁵ Thaithawh ei dih ah, Jesuh nih Simon Peter sinah, “Simon, Jonah fapa, hi hna nâk in naka daw deuh maw? tiah a ti. Anih nih,” A si, Bawipa, kan tlaihchan kha na hngalh,” tiah a ti. Anih nih, “Ka tuu fale kha cawm hna” tiah a ti.

JOHAN 21:15 Iomraidhean Croise

GENESIS 33:13

Jakob nih cun, “Bawipa, ngakchia cu thazang an ngeih lo le kan tuu le kan caw kha an fale hna he ka ruah hna awk a herh kha na hngalh. Fak tuk in kan kalpi hna ahcun, ni khat hmanh a si ah, a run ningin an thi ko lai.

2 SAMUEL 7:20

Cun David nih na sinah zei hlei dah a chim khawh ti lai? Zeitintiah, maw Bawipa Pathian, nangmah nih na sal cu na hngalh ko!

2 SIANGPAHRANG 20:3

‘Maw Bawipa, zeitindah nangmah hmaiah zumhawktlak le lungcheubang loin ka kal tawn i nangmah mithmuh ah a ṭhami ka tuah kha na cinken nakhnga, kan nawl,” tiah a ti. Cun Hezekiah cu a ṭap thluahmah ko.

ISAIAH 40:11

A tuurun kha tuukhal nih an tuu an zohkhenh hna bangin a zohkhenh hna lai; tuufa tete kha a pumh hna lai i a kut in a cawi hna lai; an nule kha nem tein a hruai hna lai.

JEREMIAH 23:4

Anmah khaltu dingah tuukhal ka chiah hna lai, ṭihnak siseh, hnabei donghnak siseh, dantatnak siseh, an tong ṭhan ti lai lo, tiah Bawipa nih a ti.

JEREMIAH 3:15

Cun ka lung a ka tongmi tuukhal kan pek hna lai i Fimnak le hngalhthiamnak in an in cawm hna lai.

EZEKIEL 34:23

Cun annih zohkhenhtu dingah tuukhal pakhat kha an cungah ka chiahpiak hna lai i cucu ka sal David kha a si lai;

EZEKIEL 46:24

A ka thawh i, “Hi hmun hna hi innpi a zohkhenhtu hna nih mizapi raithawinak an chuannak rawlchuan inn an si lai,” a ti.

MATTHAI 10:37

“Ahohmanh a nu siseh, a pa siseh, keimah nakin a daw deuhmi cu ka mi si awk aa tlak lo; ahohmanh a fapa siseh, a fanu siseh, keimah nakin a daw deuhmi cu ka mi si awk aa tlak lo.

MATTHAI 16:17

Jesuh nih cun, “Johan fapa Simon, mi vanṭha ngaingai na si! Zeicahtiah hi biatak cu minung sinin na hngalhmi a si lo i vancung i a ummi ka Pa nih an pekmi a si.

MATTHAI 18:10

“Hi ngakchia tete hi pakhat hmanh zawmhtaih hna hlah u. Annih a vengtu hna an vancungmi kha vancung khua ah ka Pa hmaika ah an um zungzal ko.

MATTHAI 26:33

Peter nih khan Jesuh cu a hun thawh i, “Midang vialte nih in zamtak hna hmanh seh law, kei cu kan zamtak bal lai lo,” tiah a ti.

MATTHAI 26:35

Peter nih cun, “Na sin i ka thih ve ding a si hmanh ah, amah cu ka hngal lo, kan ti bal lai lo,” tiah a leh. Cu bantuk cun zultu dang vialte zong nih khan an ti cio.

MARKA 14:29

Peter nih, “A dang nih an dihlak in in zamtak hna hmanh seh law, kei cu kan zamtak hrimhrim lai lo,” tiah a hun leh.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

LUKA 22:32

Sihmanhsehlaw Simon, na zumhnak a pur nakhnga lo nangmah caah thla ka cam. Cun keimah lei ah na hon i mer ṭhan tikah na unaule kha thazang na pek ve hna lai,” tiah a ti.

JOHAN 1:42

Cun Simon cu Jesuh sinah khan a kalpi. Jesuh nih cun a rak zoh i, “Nangmah cu Johan Fapa Simon na si. Na min cu Sefas a si cang lai,” tiah a ti. (Sefas ti cu Peter ti he khan aa khat i a sullam cu “lungpi” tinak a si).

JOHAN 13:37

Peter nih, “Bawipa, zeicahdah atu ah cun kan zulh khawh lai lo? Na caah thih ka ngamh ko dahkaw?” tiah a ti.

JOHAN 16:27

zeicahtiah ka Pa nih cun amah hrimhrim nih an dawt hna. Nannih nih nan ka dawt caah le Pathian sinin a ra ti kha nan ka zumh caah an dawt hna.

JOHAN 21:12

Jesuh nih cun, “Ra u law ra ei u,” tiah a ti hna. A zultu ahohmanh nih khan, “Ahodah na si?” tiah an hal ngam lo, zeicahtiah Bawipa a si kha an hngalh.

JOHAN 21:7

Jesuh dawtmi zultu nih khan Peter cu, “Bawipa dahkaw a si,” tiah a chimh. Bawipa a si ti kha Peter nih cun a theih tikah a puan kha aa menh i ti chungah a zuang (a puan kha a rak i phoih caah a si).

JOHAN 8:42

Annih cu Jesuh nih, “Pathian kha nan Pa rak si taktak seh law cu keimah hi nan ka dawt ko hnga, zeicahtiah kei cu Pathian sinin a rami ka si i atu hika ka phan. Keimah duh in a rami ka si lo, amah nih a ka thlahmi ka si.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

LAMKALTU 20:29

Ka kal hnuah ṭih a nungmi cenghngia kha an ra lai i tuurun kha an ngan hna lai lo ti kha ka hngalh.

ROM 14:1

Zumhnak lei i thazang a dermi kha nan bu chungah rak cohlang ko hna u, an pumpak ruahnak kha rak al len hna hlah u.

ROM 15:1

Zumhnak ah thazang a ṭhawngmi kannih nih a dermi kha an thilrit phorh kan bawmh hna awk a si. Kanmah duhnak kha kan kawl awk a si lo.

1 KORIN 8:11

Cucaah hi miderthawmpa, Khrih nih a thihhnawh vemi nan unaupa hi, nanmah “hngalhnak” ruangah cun a rawk lai!

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

EFESA 4:14

Midang a palhter tawntu hlenthiammi hna cawnpiaknak tilet le thlichia bantuk a simi nih a kenkip ah a choihmi ngakchia bantuk hna si ti loin,

EFESA 6:24

A thi kho lomi dawtnak in kan Bawipa Jesuh Khrih a dawmi nan dihlak cungah Pathian vel cu um ko seh.

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

HEBRU 4:13

Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar i amah sinah cun kan kong cu kan i chim cio lai.

1 PETER 1:8

Jesuh cu nan hmu naloin nan dawt, cun nan hmu ṭhiamṭhiam lo nain amah cu nan zumh.

1 PETER 2:2

Ngakchia chuakka bantuk si u law thlarau hnuk kha duh u, cu thlarau hnuk nan din thawngin nan ṭhang lai i khamhnak nan hmuh lai.

1 PETER 2:25

Tuu a tlaumi bantukin nan tlau cang, sihmanhsehlaw atu cu nan nunnak Khaltu a simi le nan nunnak Cawngtu a simi leiah khan nan kir cang.

1JOHAN 4:19

Kannih nih Pathian kan dawt cu Pathian nih a kan dawt hmasa caah a si.

1JOHAN 5:1

Jesuh cu Messiah a si tiah a zummi paoh cu Pathian fa an si; pa a dawmi paoh nih cun a fa zong kha an dawt tawn.

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.