JOHAN 20:16 - Lai (Hakha) Common Language Bible 2006

¹⁶ Jesuh nih cun, “Mary,” tiah a vun ti i amah leiah cun a vun i mer i Hebru holh in “Rabboni,” tiah a ti. (A sullam cu, saya tinak a si.)

Laibaibal Thiang (BSI)

¹⁶ Jesuh nih, “Mary” tiah a ti. Anih nih a mer hnawh i, “Hebru holh in, “Rabboni” tiah a ti (cucu Cawnpiaktu tinâk a si).

JOHAN 20:16 Iomraidhean Croise

GENESIS 22:1

Cu hnu tlawmpal ah cun Pathian nih Abraham kha a hneksak i, “Abraham,” tiah a ti i Abraham nih, “Bawipa, na chimmi bia ka ngai ko,” tiah a leh.

GENESIS 22:11

Bawipa vancungmi nih vancung in a run auh i, “Abraham, Abraham!” tiah a ti. Abraham nih, “Asi, hika ah ka um ko,” tiah a leh.

GENESIS 45:12

Cun atu cu nan dihlak in, ka nau Benjamin he bia an ruahtu hna cu keimah hrimhrim ka si kha nan ka hmuh cang.

EXODUS 3:4

Bawipa nih a rat kha a hmuh tikah, burbuk chung cun Pathian nih cun a hun auh i, “Moses, Moses” tiah a ti i, “Zeidah?” tiah Moses nih cun a leh.

EXODUS 33:17

Bawipa nih Moses cu, “Na cungah ka lung a tling i nangmah cu ṭha tein kan hngalh caah, na chim bantuk tein ka tuah lai,” a ti.

SOLOMON HLA 3:4

Cu hna sin cun tlawm ka liam hnuah, Tong ai ing ee ka tum valpa cu. Zaṭial tlaih in sunghno ka nu sakhnem run toiah, Luhpi lang ṭian ti loin, Semnak ka nu sakhnem run inn dal chungah khin.

SOLOMON HLA 5:2

Ka ih le maw tlingkhandang cung ka zau zawn ah merem thiam loin, Lungkil ka tum dawh hlei valpa nih, king maw remh hlei run innkhar; “Rung lut ai lang na reikiang pawngah, ṭhuro dawhte nang hnen ah, Ka lu le maw sam sawm-ai hna cu, zan dap dor tlak bang an cin,” a ti.

ISAIAH 43:1

Israel, nangmah an sertu Bawipa nih hitihin a ti: “Na thinphang hlah, kan huhphenh lai. Nangmah cu na min in kan auh, keimah ta na si.

MATTHAI 14:27

Jesuh nih cun hmakhatte ah a hei chawnh hna i, “Nan thinphang hlah u. Keimah pei ka si ko cu. Hnangam in um ko u,” tiah a ti hna.

MARKA 10:51

Jesuh nih cun, “Zeidah in tuahpiakning law na duh?” tiah a hal. Mitcawpa nih cun, “Saya, khua hmuh ṭhan ka duh,” tiah a leh.

LUKA 10:41

Bawipa nih cun a leh i, “Martha, Martha, thil tam tuk kong ah na lungre a thei i na ing a puang,

JOHAN 1:38

Jesuh cu a hnulei ah a hun i mer i an zulh kha a hmuh hna tikah, “Zeidah nan kawl?” tiah a hal hna. Annih nih, “Rabbi, khuazei ah dah na um?” tiah an leh. (Rabbi a sullam cu cawnpiaktu saya tinak a si).

JOHAN 1:49

Nathanael nih cun, “Saya, nangmah cu Pathian Fapa na si. Israel mi Siangpahrang na si,” tiah a ti.

JOHAN 10:3

Innka cawngtu nih khan innka cu a rak hunpiak i tuu nih khan a aw cu an theih; a tuu kha an min in a auh hna i lengah a chuahpi hna.

JOHAN 11:28

Martha nih hi bia a chim dih khan a va kir i a nau Mary kha a thli tein a va auh. “Saya kha a ra cang i nangmah kha an hlam,” tiah a chimh.

JOHAN 13:13

“Nannih nih kei cu, Saya le Bawipa nan ka ti i cucu ka si taktak caah nan ka ti cu ahmaan ko.

JOHAN 20:28

Thomas nih cun, “Ka Bawipa le ka Pathian,” tiah a ti.

JOHAN 3:2

Zan khat cu Jesuh sinah khan a va kal i, “Rabbi, nangmah cu Pathian thlahmi cawnpiaktu saya na si ti kha kan hngalh. Pathian nih a umpi hna lo ahcun, hmelchunhnak na tuahmi hi ahohmanh nih an tuah kho lai lo,” tiah a ti.

JOHAN 5:2

Tuu Kutka timi pawngah khan tidil pakhat a um i a kam ah cun deu deu nga an um. Cu tidil cu Hebru holh cun Beth-zatha an ti.

JOHAN 6:25

Mi nih khan rili khattelei ral i Jesuh cu an va hmuh tikah, “Saya, zeitik ah dah hika hi na phak?” tiah an ti.

LAMKALTU 10:3

Ni khat cu zanlei suimilam pathum tluk ah khin langhnak a hmu i cu langhnak a hmuhmi ah cun Pathian vancungmi pakhat a rung luh i, “Kornelias,” tiah a rung chawnh kha fiang tein a hmuh.

LAMKALTU 9:4

Vawlei ah a tlu i aw pakhat nih, “Saul, Saul, zeicahdah na ka hrem?” tiah a ti thawng kha a theih.

1 SAMUEL 3:10

Cun Bawipa cu a ra i a rung dir i voi dang bantuk khan, “Samuel! Samuel!” tiah a auh. Cun Samuel nih, “Chim ko, zeitintiah na sal nih a theih,” tiah a ti.

1 SAMUEL 3:6

Cun Bawipa nih, “Samuel!” tiah a auh ṭhan. Cun Samuel cu a tho i Eli sinah a va kal i, “Hika ah hin ka um, na ka auh caah,” tiah a ti. Sihmanhsehlaw anih nih, “Kan au lo, ka fapa, va it ṭhan ko,” tiah a ti.