JOHAN 2:4 - Lai (Hakha) Common Language Bible 2006

⁴ Jesuh nih cun, “Ka nu, zeidah tuah awk ti kha, na ka chimh awk a si lo, ka caan pei a phan rih lo cu,” tiah a ti.

Laibaibal Thiang (BSI)

⁴ Jesuh nih, “Minu, nang nih na rak ka ruah piak len a herh maw? Ka cân a tling rih lo,” tiah a ti.

JOHAN 2:4 Iomraidhean Croise

2 SAMUEL 16:10

Sihmanhsehlaw siangpahrang nih cun a thawh i, “Nannih Zeruiah fapa hna, nannih nan i thlaknak zeidah a um? Bawipa nih amah cu, ‘David kha chiat va serh,’ tiah a ti i chiat a ka serh a si ahcun, ‘Zeicahdah mah cuticun na ti?’ tiah aho nih dah a ti khawh lai?” tiah a ti.

2 SAMUEL 19:22

Sihmanhsehlaw David nih, “Nannih Zeruiah fapa hna, nannih nan i thlak awk zeidah a um, nihin i keimah caah ral bantuk nan si hnga cu? Nihin ah hin Israel mi ahohmanh thah awk a si hnga maw? Zeitintiah nihin ah hin Israel mi cungah siangpahrang ka si kha hngal loin maw ka um?” tiah a ti.

1 SIANGPAHRANG 17:18

Cun anih nih Elijah cu a thawh i, “Maw Pathian mipa, ka cungah lung si lonak zeidah na ngeih? Ka sualnak kha hngalhter ṭhan awk le ka fapa kha thihter awkah pei na rat ko hi!” tiah a ti.

PHUNGCHIMTU 3:1

Zeizong vialte caah hin caan a um cio i vanrang tang i a ummi thil vialte nih hin caan an ngei dih:

MATTHAI 15:28

Cucaah Jesuh nih cun, “Nangmah cu zumhnak ṭhawng ngaingai a ngeimi na si. Na duhmi cu kan tuahpiak ko lai,” tiah a ti. Cu caan hrimhrim ah cun a fanu cu a rak dam.

MATTHAI 8:29

Hmakhatte ah khin an ai i, “Pathian Fapa, zeidah na kan duhnak a um? A caan a tlin hlanah kannih dantat awkah na ra maw?” tiah an ti.

LUKA 2:49

Annih cu “Zeicahdah nan ka kawl? Ka Pa inn ah ka um awk a si ti kha nan hngal lo maw?” tiah a ti hna.

JOHAN 12:23

Jesuh nih cun, “Mi Fapa hi sunparnak nganpi pek ka si caan a phan cang.

JOHAN 13:1

Atu cu Lanhtak Puai lai ni kha a si cang. Jesuh nih hi vawlei hi kaltak i a Pa sin kal caan kha a phan cang tiah a hngalh. Hi vawlei cung i a ummi a mi kha a dawt zungzal hna i annih cu a dongh tiang hrimhrim in a dawt hna.

JOHAN 2:3

Mitsur zu kha a dih tikah Jesuh cu a nu nih khan, “Mitsur zu an ngei ti lo,” tiah a chimh.

JOHAN 20:13

“Zeicahdah na ṭah len ko?” tiah an hal. Anih nih, “Ka Bawipa kha an kalpi i khuazei i an chiah ka hngal lo,” tiah a leh hna.

JOHAN 20:15

Jesuh nih cun, “Zeicahdah na ṭah len ko? Ahodah na kawl?” tiah a hal. Mary nih cun dum cawngtu pa kha a si rua tiah a ruah i, “Bawipa, nangmah nih na lak a si ahcun na chiahnak kha ka chim tuah, ka va kal lai i ka va lak lai,” tiah a ti.

JOHAN 7:30

Cun annih nih tlaih kha an zalh, sihmanhsehlaw ahohmanh nih an tlai kho taktak lo, zeicahtiah caan kha a rem deuh rih lo.

JOHAN 7:6

Jesuh nih cun, “Ka caah tuah caan a si deuh rih lo, nannih ca tu ah cun zei caan paoh hi a caan a si ko.

JOHAN 7:8

Puai ah cun nannih cu hung kal ko uh, kei tu cu ka kal lai lo, ka caan a si rih lo,” tiah a ti i

JOHAN 8:20

Hi bia Jesuh nih a chimnak hi biakinn chung, thawhlawm kuang an hun hnanak hmun i a cawnpiak hna ah khan a si. A caan a tlin rih lo caah ahohmanh nih an tlai lo.

2 KORIN 5:16

Cucaah ahohmanh hi, minung rel in kan tah ti hna lo. Voi khat cu Khrih kha minung rel in kan rak tah ve, sihmanhsehlaw atu cu cu bantuk cun kan tah ti lo.

DEUTERONOMI 33:9

A nu le a pa hna le An unau hna le A fale hna nakin Nangmah kha an in ṭanh deuh, Zeitintiah na nawlbia kha an ngaih i na biakamnak kha an zulh.