JOHAN 2:25 - Lai (Hakha) Common Language Bible 2006

²⁵ Minung kong ah hin aho chimh hmanh a herh lo, zeicahtiah an lung chungah zeidah a um ti kha a hngalh dih ko.

Laibaibal Thiang (BSI)

²⁵ ahohmanh chimhfian hau loin, minung lungthin i a ummi kha a hngalh dih.

JOHAN 2:25 Iomraidhean Croise

1 SIANGPAHRANG 8:39

khi tikah nang nih na umnak van khin rak theihpiak hna law ngaithiam hna law, tuah law an zulhmi lam vialte ning cio ah an lungthin nangmah nih na hngalh ko mi hna cu pe ko hna (zeitintiah nangmah, nangmah lawnglawng nih minung fa vialte hna an lung cu na hngalh);

ISAIAH 11:3

Cun Bawipa rian ṭuan kha aa lawmhnak a si lai. Leng lang men le mi chim chin bia men in bia a khiak lai lo;

MATTHAI 9:4

Jesuh nih an ruahmi kha a hngalh i, “Zeicahdah cu bantuk thil ṭhalo cu nan ruah?

JOHAN 1:42

Cun Simon cu Jesuh sinah khan a kalpi. Jesuh nih cun a rak zoh i, “Nangmah cu Johan Fapa Simon na si. Na min cu Sefas a si cang lai,” tiah a ti. (Sefas ti cu Peter ti he khan aa khat i a sullam cu “lungpi” tinak a si).

JOHAN 1:47

Jesuh nih cun Nathanael cu amah lei i a rat kha a rak hmuh i, “Israel mi taktak a simi khi zoh hmanh u; amah khi hlenthawinak lungthin zeihmanh a ngei lomi a si,” tiah a ti.

JOHAN 13:11

(Jesuh nih ahodah a ka leitu a si lai ti kha a rak hngalh diam cang caah, “Nan dihlak in nan thiang ko, pakhat dah ti lo cu,” tiah a rak tinak kha a si).

JOHAN 6:61

A zultu pawl kha cu kong ah cun an zai lengmang ti kha Jesuh nih a lungchung in a hngalh i cucaah a thawh hna i, “Hi bantukin kan cawnpiakmi hna nih hin nan thin an hunter hna maw?

JOHAN 6:64

Asinain a cheu nih cun nan zum lo,” tiah a ti. (Jesuh nih khan a hramthawkte in ahodah a zumtu an si lai i ahodah a ka leitu a si lai ti kha a hngalh ko.)

DEUTERONOMI 31:21

Cun ṭhat lonak le harnak tampi an cungah a tlun tikah, hi hla nih hin hmaitonh in a chimtu hna biahngaltu a si lai zeitintiah an tefa hna kaa chungah khan philh lo awkin a nung lai. Pek awkah chiat ka sermi ram chungah ka luhpi hna hlan hmanh ah khan, an tumtahmi cu zeidah a si lai ti kha ka hngalh cang,” tiah a ti.