JOHAN 2:2 - Lai (Hakha) Common Language Bible 2006

² Jesuh le a zultu hna zong kha nupi ṭhitnak puai ah khan an sawm hna.

Laibaibal Thiang (BSI)

² Jesuh le a Lamkaltu kha ṭhitumhnâk ah cun an sawm hna.

JOHAN 2:2 Iomraidhean Croise

MATTHAI 12:19

Bia kha a al len hna lai lo i a au zong a au len lai lo.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MATTHAI 25:45

Cun Siangpahrang nih khan, ‘Hihi kan chimh hna: misifak hramh nan duh hna lo paoh ah khan nan ka hramh duh lo a si,’ tiah a leh ṭhan ve lai.

JOHAN 2:12

Cu dih cun Jesuh le a nu le a naule le a zultu hna cu Kapernaum khua ah khan an kal i khika ah khan ni tlawmpal an cam.

JOHAN 2:17

Cathiang nih, “Maw Pathian, na inn ka tlaihchannak hi ka chungah mei bangin a lin,” tiah a timi kha a zultu hna cu an lung ah a hung pem.

JOHAN 2:22

Cucaah thihnak in thawhter a si tikah a zultu hna nih khan, mah hihi a rak chimmi a si, ti kha an lung ah a hung pem; cun Cathiang nih a rak chimmi le Jesuh nih a chimmi kha an zumh.

JOHAN 2:3

Mitsur zu kha a dih tikah Jesuh cu a nu nih khan, “Mitsur zu an ngei ti lo,” tiah a chimh.

JOHAN 3:22

Cu hnuah cun Jesuh le a zultu hna cu Judea ram ah khan an kal. Cuka ah cun tlawmpal a um i tipilnak kha a pek hna.

JOHAN 4:2

(A ngaingai ti ahcun Jesuh nih khan tipilnak cu pakhat hmanh a pe hna lo, a zultu hna lawng nih khan an pek hna).

JOHAN 4:33

Cucaah a zultu pawl nih cun, “Mi nih rawl an rak pek i maw a si hnga,” tiah pakhat le pakhat an i ceih.

JOHAN 4:8

A zultu hna cu rawl cawk awkah khua chungah khan an kal.

JOHAN 6:12

An khim tikah a zultu kha, “An ei bang kha char dih hna u, pakhat hmanh hlolak hna hlah u sih,” tiah a ti hna.

JOHAN 6:16

Zanlei a hung si tikah a zultu hna cu rili ah khan an vung kal i

JOHAN 6:60

Cu bia cu a zultu mi tampi nih khan an theih i, “A cawnpiaknak hi a har tuk. Ahodah cu bantuk cu a ngai kho hnga?” an ti.

JOHAN 6:66

Cu ruangah cun a zultu tampi cu an i let ṭhan i an zul ti lo.

JOHAN 6:67

Cucaah Jesuh nih zultu hleihnih kha a thawh hna i, “Nannih tah — nan kal ve lai maw?” tiah a ti hna.

JOHAN 6:70

Jesuh nih cun a thawh hna i, “Nannih pahleihnih hi keimah nih kan thim hna lo mei? Asinain pakhat cu khuachia nan si ai!” a ti.

JOHAN 6:71

A chim duhmi cu Simon Iskariot fapa Judas kong kha a si. Zeicahtiah Judas cu zultu hleihnih lak i pakhat kha a si ve ko nain amah rawitu ding kha a rak si.

JOHAN 6:8

A zultu a dang pakhat, Peter nau Andru nih khan,

JOHAN 7:3

cucaah a naule nih khan Jesuh cu, “Hika hin Judea ah va kal law na zultu hna nih khan na thil tuahmi cu rak hmu ve hna seh.

LAMKALTU 11:26

A hmuh tikah Antiok khua ah khan a ratpi i kum khat chung kha Khrihfabu chungmi hna he khan an i pum i mi tampi kha an cawnpiak hna. Antiok khua ah hin pei Jesuh zultu hna kha, “Khrihfa,” tiah an rak ti hmasa bik hna cu.

LAMKALTU 11:29

Zultu pawl nih khan anmah le an ti khawh tawk cio ah Judah ram i a ummi unau pawl bawmhnak pek awkah khan an i ceih.

1 KORIN 10:31

A si ko, sihmanhsehlaw zei nan tuah hmanh ah, nan ei ah siseh, nan din ah siseh, nan tuahmi cu a dihlak in Pathian thangṭhatnak caah siter ko u.

1 KORIN 7:39

Minu cu a va a nun chungah cun a luat lo, sihmanhsehlaw a va a thih ahcun a duhmi pa he i ṭhit awk kha a luat, amah belte an i ṭhitnak cu Khrihfa ṭhitumnak a si awk a si.

KOLOSE 3:17

Pathian kan Pa cu Khrih thawngin nan lawmh caah, nan tuahmi thil si hna seh, nan chimmi bia si hna seh, Bawipa Jesuh min in si dih ko hna seh.

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

BIAPHUAN 3:20

Ngaihmanh! innka ah ka dir i ka kingh. Ahohmanh an si ah, ka aw a thei i innka a ka hunhmi cu, a inn chungah cun ka lut lai i a sinah rawl ka dum lai i amah zong ka sinah a dum ve lai.