JOHAN 2:19 - Lai (Hakha) Common Language Bible 2006

¹⁹ Jesuh nih cun, “Hi Pathian biakinn hi ṭhet u law ni thum chungah ka sak ṭhan ko lai,” tiah a leh hna.

Laibaibal Thiang (BSI)

¹⁹ Jesuh nih, “Hi inn hi ṭhet ulaw, nithum ah ka sak ṭhân lai,” tiah a leh hna.

JOHAN 2:19 Iomraidhean Croise

MATTHAI 12:40

Ngapi chungah Jonah cu ni thum le zan thum a um bantuk khan Mi Fapa zong cu vawlei chungah ni thum le zan thum a um ve lai.

MATTHAI 16:21

Cu caan thawk cun Jesuh nih a zultu hna cu, “Jerusalem ah ka kal lai i upa hna le tlangbawi ngan upa pawl hna le Phungbia cawnpiaktu saya hna nih harnak tampi an ka pek lai. An ka thah lai i ni thum ni ah nunter ṭhan ka si lai,” tiah fiang tein a chimh hna.

MATTHAI 27:40

“Biakinnpi hmanh pei ka ṭheh lai i ni thum ah ka sak ṭhan dih lai, na rak ti kha. Pathian Fapa na si ahcun nangmah cu i khamh kun ngat. Vailamtahnak cung khan ta, na rung ṭum kun,” an ti.

MATTHAI 27:63

“Bawipa, hi milihchim pa nih hin a nun lioah, ‘Ni thum hnuah thawhter ka si ṭhan lai,’ a rak ti kha kan hngalh.

MARKA 14:58

“ ‘Minung sakmi Biakinn hi ka ṭheh lai i minung nih sakmi a si lomi biakinn ni thum chungah ka sak ṭhan lai,’ tiah a chim kan theih,” tiin lih an puh.

MARKA 15:29

Aa chawkmi hna nih khan Jesuh cu an lu an thinhnawh i an nihsawh: “Biakinn cu na ṭheh dih i ni thum chungah na sak dih ṭhan taktak hi ta!

MARKA 8:31

Jesuh nih cun a zultu kha a cawnpiak hna i, “Mi Fapa nih hin temhinnak tampi ka huah lai, upa hna le tlangbawi upa pawl hna le Phungbia cawnpiaktu saya hna nih an ka hlawt lai. Thihnak ka huah lai i ni thum hnuah ka tho ṭhan lai,” tiah a chimh hna.

JOHAN 11:25

Jesuh nih Martha cu, “Keimah hi thawhṭhannak le nunnak cu ka si. Keimah a ka zummi paoh cu a thih hmanh thi seh law a nung lai;

JOHAN 5:19

Cucaah Jesuh nih annih cu a leh hna i, “Biatak kan chimh hna: Fapa nih hin keimah nawl lawngin zeihmanh ka tuahmi a um lo; ka Pa nih a tuahmi ka hmuhmi lawng kha ka tuah hna. Ka Pa nih a tuahmi cu Fapa zong nih ka tuah ve hna.

LAMKALTU 2:24

Sihmanhsehlaw Pathian nih amah cu mithi hna sin khan a thawhter ṭhan, thihnak nih amah cu a tlaih peng khawhnak ding zeihmanh a um lo.

LAMKALTU 2:32

Pathian nih hi Jesuh hrimhrim hi mithi hna sin cun a thawhter i hi thil tehte a khangtu cu kanmah hi kan si.

LAMKALTU 3:15

Cucaah nunnak lam ah mi a hruaitu cu nan thah. Sihmanhsehlaw amah cu Pathian nih mithi hna sinin a thawhter i cu a thawhternak tehte cu kanmah hi kan si.

LAMKALTU 3:26

Cucaah Pathian nih a Sal cu a thim i nan sinah a hmasa bik ah a rak thlah, cuti in a rak thlahnak cu, nan ziaza ṭhalo kha nan mertak hna i thluachuahnak an pek hna nakhnga caah a si,” tiah a ti.

LAMKALTU 6:14

Cun hi Nazareth khuami Jesuh nih hin biakinn hi a ṭheh dih lai i Moses nih a kan pekmi kan phunglam vialte hi a thlen dih lai, a ti kha kan theih,” tiah an ti.

ROM 4:24

Jesuh kan Bawipa thihnak in a thawhtertu a zummi, miding in cohlan ding kanmah ca zongah hin ṭial a si ve.

ROM 6:4

Cucaah tichung i tipilnak kan vung in ah khan amah he vui ṭi kan si i a thihnak ah khan kan thi ve; cu bantuk ṭhiamṭhiam in Khrih cu Pa sunparnak ṭhawnnak nih a thawhter bang khan kannih zong nunnak thar ah kan nung ve lai.

ROM 8:11

Jesuh kha thihnak in a thotu Pathian Thlarau cu nan chungah a um ahcun, Khrih cu thihnak in a thawhtertu Pathian nih khan a Thlarau cu nan chungah a umter caah nannih zong thih hmangmi nan pum kha nunnak an pekpiak ve hna lai.

1 KORIN 15:12

Kan chimmi cu Khrih cu thihnak in thawhter a si ti kha a si caah, zeitindah nannih a cheu nih, mithi cu nunnak ah thawhter an si lai lo, tiah nan ti khawh?

KOLOSE 2:12

Zeicahtiah tipil nan in tikah Khrih sinah nan i vui, cun tipil nan innak ah cun, thihnak in a thawhtertu Pathian ṭhawnnak nan zumhnak thawngin Khrih sinah cun a thawh zong nan tho fawn.

1 PETER 3:18

zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i