JOHAN 2:12 - Lai (Hakha) Common Language Bible 2006

¹² Cu dih cun Jesuh le a nu le a naule le a zultu hna cu Kapernaum khua ah khan an kal i khika ah khan ni tlawmpal an cam.

Laibaibal Thiang (BSI)

¹² Cu hnu ah Kapernaum khua ah a vung kal, anu le anau le hna le a lamkaltu hna he cuka ah cân tlawmpal an um.

JOHAN 2:12 Iomraidhean Croise

MATTHAI 11:23

Cun nang Kapernaum khua. Van ah i hlorhning ti na duh. Sihmanhsehlaw hell chungah vun hlonh na si lai. Zeicahtiah na chungah ka tuahmi khuaruahharnak vialte hi Sodom khua chungah khan tuah rak si hna seh law, nihin ni tiang hin a hmun ve ko rih hnga.

MATTHAI 12:46

Jesuh cu mizapi sinah bia a chim lengmang lioah khan a nu le a naule kha an ra. Lengah khan an dir i chawnh kan duh, tiah an ti.

MATTHAI 4:13

Nazareth khua ah khan um loin Kapernaum khua tu ah khan a um; Kapernaum khua cu Zebulun le Naftali phun hna ram chung i a ummi khua, Galilee Rili pawng i a ummi kha a si.

MARKA 6:3

Mary fapa, lehtama kha a si lo maw? Jeim le Joses le Judas le Simon hna u kha a si lo maw? A farle zong kha hika ah an um ko lo maw?” an ti. Cucaah cun zei ah an rel lo.

JOHAN 2:2

Jesuh le a zultu hna zong kha nupi ṭhitnak puai ah khan an sawm hna.

JOHAN 4:46

Cucaah Jesuh cu Galilee ram Kana khua, ti mitsur zu i a rak canternak ah khan a va kal. Cuka ah cun cozah bawi pakhat a rak um i Kapernaum khua i a ummi a fapa cu a zaw.

JOHAN 6:17

lawng kha an i cit i Kapernaum khua leiah khan rili cung cun an kal. Khua a hung mui i sihmanhsehlaw Jesuh cu an sinah khan a ra hlei lo.

1 KORIN 9:5

Lamkaltu dang hna le kan Bawipa naule hna le Peter nih, khualtlawnnak ah an nupile kha an i ṭhit hna bantukin kei zong nih Khrihfa nupi kaa tlawnpi ve awk a si lo maw?

GALATI 1:19

Kan Bawipa nau Jeim dah ti lo cu, lamkaltu dang ahohmanh kha ka chawn hna lo.