JOHAN 19:7 - Lai (Hakha) Common Language Bible 2006

⁷ Judah mi nih cun, “Amah nih Pathian Fapa ka si tiah a ti caah kan phung bantukin thih awk a si,” an ti.

Laibaibal Thiang (BSI)

⁷ Judah mi nih, “Nawlbia kan nei. Cu nawlbia ningin Pathian Fapa ah â canter ruangah a thih awk a si,” tiah an ti.

JOHAN 19:7 Iomraidhean Croise

ISAIAH 53:4

“Asinain zawtnak a inmi cu kanmah nih kan rak in hngami kha a si i nganfahnak a tuarmi cu kanmah nih kan rak tuar hngami kha a si. Temhnak a inmi cu, Pathian nih a cungah dantatnak a tluntermi a si, tiin kan rak ruah zungzal.

LEVITIKAS 24:16

Bawipa min a vawlpammi cu thah a si lai; aa pummi vialte nih lung in an cheh lai: mipem a si zongah, laikhat mi a si zongah, Min cu a vawlhpamh ahcun thah a si ko lai, tiah chim hna,” a ti.

MARKA 15:39

Vailamtahnak hmai i a dirmi ralbawipa nih khan, Jesuh a au le a cah kha a hmuh tikah, “Hi pa cu Pathian Fapa a si hrimhrim ko,” tiah a ti.

JOHAN 19:8

Cu bia an chim cu Pilat nih a theih tikah a thin a phang chinchin.

JOHAN 5:18

Cu a chimmi ruangah cun Judah upa pawl cu amah thah kha a duhter chinchin hna; Sabbath ni a buar lawng kha si loin Pathian cu ka Pa tiah a kawh caah khan, Pathian tluk ah aa ser tiah an ti.

LAMKALTU 18:13

An i thawh i, “Hi pa nih hin phung ning in si loin Pathian biak awkah khan mi a lem lengmang hna,” an ti.

ROM 1:4

thlarau lei in le a thiannak kong in ti ahcun, ṭhawnnak nganpi in thihnak in thawhter a sinak nih khan Pathian Fapa a si kha a langhter.

DEUTERONOMI 18:20

Sihmanhsehlaw chim awkah keimah nih ka pek lomi bia ka min in a chim hramtu profet siseh, pathian dang hna min in a chimtu siseh cu profet hrimhrim cu a thi lai,’ tiah a ti.