JOHAN 19:6 - Lai (Hakha) Common Language Bible 2006

⁶ Tlangbawi upa hna le palik pawl nih khan Jesuh cu an hmuh tikah, “Vailam ah khenh chih ko! Vailam ah khenh chih ko!” tiah an au. Pilat nih cun annih cu, “Nanmah nih kalpi u law vailam ah cun va khenh chih u. Kei cu a sualnak ka hmu lo,” tiah a ti hna.

Laibaibal Thiang (BSI)

⁶ Tlângbawi hna le kilvengtu-hotu hna nih an rak hmuh le cângkâ, an au ṭi i khenhchih ko, khenhchih ko, tiah an ti. Pailat nih, “I kalpi ulaw, va khenhchih u. Kei cu a sualnâk ka hmu lo,” tiah a ti.

JOHAN 19:6 Iomraidhean Croise

MATTHAI 26:58

Peter nih lamhlat nawn khin a zulh i Tlangbawi Ngan inntual tiang kha a va kal. Inntual chungah khan a va lut i zeitindah thil a hung umtuning a si lai ti hngalh duh ah ralveng pawl sinah khan a ṭhu.

MATTHAI 27:22

Cun Pilat nih cun, “Khrih timi Jesuh cu zeitindah ka tuah kun lai?” tiah a hal hna. Annih nih, “Vailam ah khenh chih ko,” tiah an leh.

MATTHAI 27:24

Pilat nih cu ti i ti lengmang cu zeihmanh san a tlai ti lo i mizapi nih hnahnawhnak lam an chuahter lai ti kha a hmuh tikah, ti kha aa lak i mizapi hmaiah cun a kut aa ṭawl i, “Hi misual lopa thihnak kong ah hin kei cu ka thiang, nanmah tuahmi a si,” tiah a ti.

LUKA 23:4

Khi tikah Pilat nih cun tlangbawi upa pawl hna le mizapi cu, “Hi pa hi a sualnak zeihmanh ka hmu lo,” tiah a ti hna.

JOHAN 18:3

Judas cu dum ah cun a va kal i tlangbawi upa hna le Farasi mi hna nih an fialmi ralkap tlawmpal le biakinn cawngtu palik nih khan an zulh; hriamnam kha an i put i meiinn le meifar zong kha an i vanh.

JOHAN 18:31

Pilat nih cun a thawh hna i, “I kalpi u law nan phung ningin va ceih ko ngat u,” tiah a ti hna. Judah mi hna nih cun, “Ahohmanh thah khawhnak nawl kan ngeih lo cu ta,” tiah an leh.

JOHAN 18:38

“Zei cu dah biatak cu a si?” tiah Pilat nih a hal. Cun Pilat cu lengah a va chuak ṭhan i, Judah mi hna cu, “Kei nih cun a sualnak zeihmanh ka hmu lo.

JOHAN 19:15

An au i, “That ko! That ko! Vailam ah khenh chih ko!” an ti. Pilat nih cun, “Nan siangpahrang cu vailam ah ka khenh chih ko lai maw?” tiah a hal hna. Tlangbawi upa hna nih cun, “Sizar dah ti lo cu ahohmanh siangpahrang dang kan ngei lo,” tiah an leh.

JOHAN 19:4

Pilat cu a va chuak ṭhan i Judah mi hna cu, “Zohhmanh u, amah hi! Amah cu a sualnak zeihmanh ka hmu lo ti kha hngalhter kan duh hna caah ka rak chuahpi hih,” tiah a ti hna.

LAMKALTU 2:23

Pathian nih Jesuh cu nan sin i pek awkah khan a rak ruah ciami le a rak khiah ciami a si bangin nannih nih amah cu nan thah, misual mi hna kha amah cu vailamtahnak thing cungah thir in nan khenhter hna.

LAMKALTU 7:52

Nan pupa hna nih an rak hrem lomi profet an um maw? Pathian Sal a rat lainak hlanpi in a rak chim chungtu Pathian lamkaltu hna kha an rak thah hna. Cun atu cu nannih nih amah kha nan rawi i nan nawn.