JOHAN 19:1 - Lai (Hakha) Common Language Bible 2006

¹ Cun Pilat nih Jesuh kha a lak i ralkap kha a tukter hna.

Laibaibal Thiang (BSI)

¹ Pailat nih Jesuh cu a kalpi i a tukter hna.

JOHAN 19:1 Iomraidhean Croise

SALM 129:3

Ka keng cu leithuan in an thuan, leikuang rinkuar sau pipi in an tuah bantuk khin an tuah.

ISAIAH 50:6

A ka tumi kha ka keng ka chit ko hna, an ka serhsat tikah ka kham hna lo, ka khahmul an ka phawipiak i ka hmia i cil an ka chak ah khan zeihmanh ka ti hna lo.

ISAIAH 53:5

Sihmanhsehlaw hma a in cu kan sual ruangah a rak si i tuknak a huah cu kan ṭhat lo ruangah a rak si. A inmi dantatnak in luatnak kan hmu i an tuknak vual in damnak kan hmu.

MATTHAI 20:19

Jentail mi hna kut chungah an ka chanh lai. Annih nih cun nihchuak capo ah an rak ka ser lai i fung in an ka tuk lai i vailam thing cungah an ka khenhchih lai; cun a ni thumnak ni ah nunter ka si ṭhan lai,” tiah a ti hna.

MATTHAI 23:34

Hihi kan chimh hna: Profet hna le mifim hna le cawnpiaktu hna kha kan pek hna lai; a cheu cu nan rak thah hna lai, a cheu cu vailam ah thir in nan rak khenh chih hna lai, a cheu cu nan pumhnak inn ah fung in nan tuk hna lai i khua khat hnu khua khat nan dawi hna lai.

LUKA 18:33

Fung in an ka tuk lai i an ka thah lai, sihmanhsehlaw ni thum ni ah nunnak ah ka tho ṭhan lai,” tiah a ti hna.

LUKA 23:16

Cucaah ka tukter hna lai i ka thlah lai,” tiah a ti. (

LUKA 23:23

Sihmanhsehlaw an awreng chuak in, Jesuh cu vailam ah khenh chih ko, tiin an au lengmang i a donghnak ah cun an aunak nih cun a tei.

2 KORIN 11:24

Voi sawm thum le voi kua tuk timi kha Judah mi sinin voi nga ka in,

HEBRU 11:36

A cheu cu nihsawhnak le fung tuknak kha an ing i a cheu cu ṭemnak le thongthlaknak kha an ing.

1 PETER 2:24

Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.