JOHAN 18:4 - Lai (Hakha) Common Language Bible 2006

⁴ A cung i a tlung ding kha Jesuh nih cun a rak hngalh dih ko i cucaah cun hmailei ah a va chuak i, “Ahodah nan kawl?” tiah a ti hna.

Laibaibal Thiang (BSI)

⁴ Jesuh nih a cung i thil a tlung dingmi vialte hna kha a hngalhchung dih hna i hmai ah tlawmpal ava kal i an sinah, “Ahodah nan kawl?” tiah a ti hna.

JOHAN 18:4 Iomraidhean Croise

1 SIANGPAHRANG 18:10

Bawipa, na Pathian a nun bangin, ka bawipa nih hin nangmah kawl ah mi a thlah lonak ram le miphun a um ti lo; cun annih nih, ‘Hika ah a um lo,’ tiah an rak ti tikah, cu ram cu siseh, cu miphun cu siseh, kan hmu lo tiin, chiat a serter hna.

NEHEMIAH 6:11

Sihmanhsehlaw kei nih ka thawh i, “Keimah bantuk hi a zam ding maw ka si hnga? Keimah bantuk hi biakinn chungah lut in nun khawh a si hnga maw? Ka lut hrimhrim lai lo,” tiah ka ti.

SALM 27:3

Ralkapbu nganpi nih ka kulh hna hmanh seh law ka thin a phang lai lo; ka ral nih ka doh hna hmanh seh law Pathian cu kaa bochan ṭhiamṭhiam ko lai.

SALM 3:6

A ka kulhtu ka ral thong tampi hi ka ṭih hna lo.

PHUNGTHLÛKBIA 28:1

Miṭhalo cu ahohmanh nih dawi loin an zam, sihmanhsehlaw miding mi cu chiandeih bantukin an ral a ṭha.

MATTHAI 16:21

Cu caan thawk cun Jesuh nih a zultu hna cu, “Jerusalem ah ka kal lai i upa hna le tlangbawi ngan upa pawl hna le Phungbia cawnpiaktu saya hna nih harnak tampi an ka pek lai. An ka thah lai i ni thum ni ah nunter ṭhan ka si lai,” tiah fiang tein a chimh hna.

MATTHAI 26:2

“Nan hngalh bantukin, hi hnu ni hnih ah, Lanhtak Puai kha a si cang lai, cun Mi Fapa cu vailam tahnak i khenhchih awkah tlaihter a si lai,” tiah a ti hna.

MATTHAI 26:21

Rawl an ei lioah cun, “Nan lak i pakhat nih hin nan ka rawi lai,” tiah a ti hna.

MATTHAI 26:31

Jesuh nih annih cu a thawh hna i, “Cathiang nih, ‘Pathian nih tuukhal kha a thah lai i tuurun chung tuu kha an i ṭhek dih lai,’ a ti caah, tuzan hrimhrim ah hin nan dihlak in nan ka zamtak lai.

LUKA 24:44

Cun annih cu a thawh hna i, “Nan sin i ka rak um lio i kan chimhmi hna kha mah hi hrimhrim hi pei an si cu: Moses Phungbia chung le profet hna nih an ṭialmi chung le Salm chungah keimah kong an rak ṭialmi vialte cu a tlin dih awk a si,” tiah a ti.

JOHAN 13:1

Atu cu Lanhtak Puai lai ni kha a si cang. Jesuh nih hi vawlei hi kaltak i a Pa sin kal caan kha a phan cang tiah a hngalh. Hi vawlei cung i a ummi a mi kha a dawt zungzal hna i annih cu a dongh tiang hrimhrim in a dawt hna.

JOHAN 13:11

(Jesuh nih ahodah a ka leitu a si lai ti kha a rak hngalh diam cang caah, “Nan dihlak in nan thiang ko, pakhat dah ti lo cu,” tiah a rak tinak kha a si).

JOHAN 18:5

“Nazareth khuami Jesuh,” tiah an leh. “Keimah hi amah cu ka si,” tiah a ti hna. Leitu Judas kha an sinah cun a dir ko.

JOHAN 18:7

Jesuh nih cun, “Ahodah nan kawl?” tiah a hal ṭhan hna. “Nazareth khuami Jesuh,” tiah an ti.

JOHAN 19:28

Atu cu zeizong vialte kha a tling dih cang ti kha Jesuh nih cun a hngalh i Cathiang nih a rak chimmi tlinternak caah khan, “Ka ti a hal,” tiah a ti.

JOHAN 6:64

Asinain a cheu nih cun nan zum lo,” tiah a ti. (Jesuh nih khan a hramthawkte in ahodah a zumtu an si lai i ahodah a ka leitu a si lai ti kha a hngalh ko.)

LAMKALTU 2:28

Nunnak lei kalpitu lam kha na ka hmuhsak i Nangmah cu ka sinah na um caah lawmhnak in ka khat,’ a rak ti.

1 PETER 4:1

Khrih zong nih khan a pum in a rak in caah nannih zong nih cu bantuk thinlung le lungput cun nan tha nan i ṭhawnter ve awk a si. Cu bantukin temhinnak a ingmi hna cu sualnak chungah khan an i tel ti lo.