JOHAN 18:20 - Lai (Hakha) Common Language Bible 2006

²⁰ Jesuh nih cun, “Langhngan in mizapi kha ka chimh zungzal ko hna; ka cawnpiak hnanak cu a dihlak in Judah mi an i pumhnak inn le biakinn ah a si ko. A thli in zeihmanh ka chim bal lo.

Laibaibal Thiang (BSI)

²⁰ Jesuh nih, “Vawlei theih in langhngan in ka cawnpiak tawn; Sinagog le ṭempal zongah, Judah mi an i butnâk hmunah ka cawnpiak tawn. A thlithup in zeihmanh ka chim lo.

JOHAN 18:20 Iomraidhean Croise

SALM 22:22

Na tuahmi kha ka mi cu ka chimh hna lai, an i pumhnak ah kan thangṭhat lai.

SALM 40:9

Bawipa na mi an i pumhnak ah, na kan khamhnak thawng ṭha kha ka chim. A chim cu a ngol in ka ngol bal lai lo, ti kha na hngalh.

ISAIAH 45:19

A thlithup in bia ka chim lo, kaa tinhmi zong kha ka thup lo. Thil aa tuaitamnak hmun ah khan ka kawl u, tiah Israel mi kha ka ti hna lo. Keimah hi Bawipa cu ka si i biatak kha ka chim; a hmaanmi kha ka langhter,” a ti.

ISAIAH 48:16

Cucaah ka naih u law ka chimmi kha ngai tuah u. A hramthawk tein hlangfang in kan chimh hna i ka bia cu ka tlinter zungzal,” a ti. (Atu cu Bawipa Pathian nih a ṭhawnnak kha a ka pek i a ka thlah.)

MATTHAI 24:26

“Cun mi nih, ‘Ramlak ah a um,’ an in ti hna ahcun va kal hlah u; ‘Hika ah aa thup ko,’ an in ti hna zongah vaa lun hlah u.

MATTHAI 26:55

Cun Jesuh nih mibupi cu a thawh hna i, “Kei cu damiah hei si ning law cu bang, zeicahdah tlaih awkah nam le thingtan he nan ka fuh? Nifate in pei Biakinn ah ka ṭhu i kan cawnpiak lengmang ko hna cu, nan ka tlaih ṭung lo.

MATTHAI 26:65

Cu bia a theih tikah cun Tlangbawi Ngan nih khan a puan kha a thleh i, “Cucu Pathian thangchiat a si. Tehte dang ahohmanh kan herh ti hna lo. Pathian thangchiatnak bia a chimmi cu nanmah nih nan theih ko cang.

MATTHAI 4:23

Jesuh cu Galilee ram dihlak ah khan aa chawk i pumhnak inn ah khan a cawnpiak hna i pennak Thawngṭha kha a chimh hna i zawtnak le fahnak a ingmi a phunphun kha a damter hna.

MATTHAI 9:35

Cuticun Jesuh cu khuapi he khuate he a tlawng duahmah hna. An pumhnak inn ah khan a cawnpiak hna i Vancung Pennak kong Thawngṭha kha a chimh hna i a zaw a fakmi kip kha a damter hna.

MARKA 8:32

Hihi fiang tein a chimh hna caah Peter nih kaa dang deuh ah khin a hei i kalpi i a mawhchiat.

LUKA 21:37

Cu hrawng vialte cu Jesuh cu Biakinn ah khan mi kha a cawnpiak hna i zanlei paoh ah khan lengah a chuak i Oliv Tlang ah khan a va riak tawn.

LUKA 4:15

An i pumhnak inn ah khan a cawnpiak hna i a mi kip nih an thangṭhat.

JOHAN 18:21

Cucaah zeicahdah keimah cu na ka hal? Ka bia a theimi kha ta na hal ko hna. Anmah kha ka chimhmi hna cu hal ko hna — ka chimmi cu an hngalh ko khah,” tiah a ti.

JOHAN 6:59

Cu bia cu Kapernaum khua pumhnak inn i a cawnpiak hna ah khan Jesuh nih a chim.

JOHAN 7:14

Cu puai cu a canceo tluk a dih dengmang tikah khin Jesuh cu biakinn ah khan a va kal i a cawnpiak hna.

JOHAN 7:26

Asinain, zohhmanh u, langhngan in bia a chim len ko i ahohmanh nih zei an ti fawn ṭung lo. Kan upa pawl nih amah hi Messiah cu a si ko ti kha an hngalh taktak cang caah a si hnga maw?

JOHAN 7:28

Jesuh nih biakinn chung i a cawnpiak hna ah cun aw thang piin “Keimah cu nan ka hngalh taktak i khuazei in dah ka rat kha nan hngalh taktak. Sihmanhsehlaw kei cu keimah nawl in a rami ka si lo. A ka thlahtu cu ahmaan taktakmi kha a si i amah cu nan hngal lo.

JOHAN 7:4

Mi nih ka hngal hna seh ti a duhmi paoh nih cun an tuahmi kha an thup bal lo. Hi thil hi nangmah i na tuahmi pei an si cu, vawlei cung dihlak nih na kong hi thei hna ngat seh!” an ti.

JOHAN 8:2

A thaizing zingkate ah biakinn ah cun a kal ṭhan. Mizapi nih cun an pumhhnawh i a cawnpiak hna.

JOHAN 8:26

Nanmah kong ah hin bia chim awk tampi ka ngei — nanmah sual phawt zong hi. Sihmanhsehlaw a ka thlahtu nih cun biatak kha a chim i vawlei ka chimhmi hi amah sinin ka theihmi bia cu a si,” tiah a leh hna.

LAMKALTU 26:26

Siangpahrang Agrippa, na sinah hi bantukin ralṭha ngaiin bia ka chim khawhnak cu, hi thil cu na hngalh dihmi an si caah a si. Hi thil hi a thlithup in a kenne ah tuahmi an si lo caah hngal loin na um lai tiah ka zum lo.