JOHAN 17:3 - Lai (Hakha) Common Language Bible 2006

³ Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

Laibaibal Thiang (BSI)

³ Hihi zungzal nunnâk a si, nang Pathian taktak hngalh le, na thlahmi Jesuh Krih hngalh hi.

JOHAN 17:3 Iomraidhean Croise

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

2 CHANRELNAK 15:3

Caan saupi chung Israel cu Pathian ngaingai ngei lo le cawnpiaktu tlangbawi ngei lo le phungbia loin an um;

SALM 9:10

Maw Bawipa, nangmah an hngalmi nih cun an in bochan lai, nangmah sinah a rami cu ahohmanh na dawn bal hna lo.

PHUNGTHLÛKBIA 8:35

Zeicahtiah keimah a ka hmutu nih cun nunnak kha a hmuh i Bawipa sinin duhdawtnak kha a hmuh;

ISAIAH 48:16

Cucaah ka naih u law ka chimmi kha ngai tuah u. A hramthawk tein hlangfang in kan chimh hna i ka bia cu ka tlinter zungzal,” a ti. (Atu cu Bawipa Pathian nih a ṭhawnnak kha a ka pek i a ka thlah.)

ISAIAH 53:11

Fahnak a in hnuah lunglawmhnak a hmuh ṭhan lai, ka inmi cu pakpalawng a si lo, ti kha a hngalh lai. Amah cu a dingmi ka sal a si; mi tampi nih an in dingmi dantatnak cu a in lai i annih cu zumh awk tlak a simi ka mi ah a ser hna lai.

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

JEREMIAH 10:10

Sihmanhsehlaw Bawipa cu Pathian taktak a si, Pathian nung le zungzal Siangpahrang a si. A thin a hun ciammam ah vawlei aa hnin i Miphun hna nih a thinhunnak kha an ing kho lo.

HOSEA 6:3

Bawipa hngalh cu i zuam u sih, Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding ṭhal ruah a sur hrimhrim lai bantukin kan sinah a ra hrimhrim lai.

MARKA 9:37

“Ka min in hi bantuk ngakchia pakhat khat a cohlangmi paoh cu keimah a ka cohlan a si; cun keimah a ka cohlangmi paoh cu keimah lawng kha a ka cohlan si loin a ka thlahtu zong kha a cohlan a si,” tiah a ti hna.

LUKA 9:48

annih cu, “Ka min in hi ngakchiate tluninn a onhtu nih keimah tluninn a ka onh a si, cun keimah tluninn a ka onhtu nih keimah a ka thlahtu tluninn a onh kha a si. Zeicahtiah nan lak i a hme bikmi cu a ngan bikmi a si,” tiah a ti.

JOHAN 10:36

Pa nih a thim i vawlei ah a run thlahmi keimah nih, ‘Pathian Fapa ka si,’ ka ti ruangah Pathian na serhsat tiah zeitindah nan ka ti khawh?

JOHAN 11:42

Ka bia na ka theihpiak zungzal ti cu ka hngalh ko, sihmanhsehlaw hi ka chimnak cu hika i a ummi hna caah hin a si, annih nih keimah cu nangmah thlahmi ka si kha an ka zumh khawh nakhnga caah a si,” tiah a ti.

JOHAN 14:26

sihmanhsehlaw ka Pa nih ka min in a run thlah laimi Bawmtu, Thiang Thlarau nih cun zeizong vialte kha an cawnpiak hna lai i kan chimhmi vialte hna kha nan lung an pemter hna lai.

JOHAN 17:18

Vawlei ah na ka thlah bantukin kei zong nih vawlei ah ka thlah ve hna.

JOHAN 17:21

An dihlak in pakhat an si nakhnga thla ka cam. Ka Pa, keimah cu nangmah chungah ka um i nangmah cu keimah chungah na um bantuk hin annih zong kan chungah um ve hna seh.

JOHAN 17:23

Kei an chungah um in nang ka chungah um law, annih cu pakhat taktak an si lai; cun pakhat an sinak thawng cun vawlei nih cun keimah cu nangmah thlahmi ka si le nangmah nih annih cu keimah na ka dawt bantukin na dawt hna kha a hngalh lai.

JOHAN 17:25

A dingmi ka Pa, vawlei nih cun an hngal lo, sihmanhsehlaw kei nih cun kan hngalh i hi hna nih hin na ka thlah hi an hngalh.

JOHAN 17:8

Na ka pekmi bia kha ka chimh hna i annih nih an cohlan; nangmah sinin a rami ka si kha a si taktak tiah an hngalh i nangmah i na ka thlah kha an zumh.

JOHAN 3:17

Zeicah ti ahcun Pathian nih a Fapa cu vawlei cungah hin vawlei biaceihtu si awkah a run thlah ṭung lo, vawlei khamhtu si awkah pei a run thlah cu.

JOHAN 3:34

Pathian nih a thlahmipa kha a Thlarau cu tling tein a pek caah, Pathian bia cu a chim.

JOHAN 5:44

Nannih cu pakhat nih pakhat sinin thangṭhatnak hmuh nan duh, asinain Pathian sinin thangṭhatnak hmuh cu nan i zuam lo; cucaah cun zeitindah zumhnak cu nan ngeih khawh bal hnga.

JOHAN 6:57

A nungmi Pa nih keimah hi a ka thlah i ka nun hi Amah ruangah a si bantukin, keimah a ka eimi zong cu keimah ruangah a nung ve lai.

JOHAN 7:29

Kei nih cun ka hngalh, zeicahtiah kei cu a sinin a rami ka si i a ka thlahtu cu amah kha a si,” tiah a ti hna.

JOHAN 8:19

“Na Pa cu khuazei ah dah a um?” tiah an ti. Jesuh nih cun, “Keimah zong nan ka hngal lo, ka Pa zong nan hngal fawn lo. Keimah kha ka hngal u law cu ka Pa zong cu nan hngalh ko hnga,” tiah a leh hna.

1 KORIN 15:34

Nan lung i fim ṭhan u law nan sualnak kha ngol hna u. A cheu cu Pathian nan hngal lo, hi ti ka chim hi nan ningzak seh ti ka duh caah a si.

1 KORIN 8:4

Cucaah bawlnak sa ei kong ah cun hitihin ka ruah: siasal cu pakpalawng men an si ko, pathian an si lo, Pathian cu pakhat lawnglawng a si ti kha kan hngalh.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

FILIPI 3:10

Ka duhmi cu amah Khrih hngalh le a thawhṭhan ṭhawnnak hmuh ve le temhinnak a inmi in ve le amah thih bantukin thih ve lawng hi a si cang,

FILIPI 3:8

Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.

1THESALON 1:9

anmah tu nih khan nanmah kan in tlawn hna ah khan zeitindah nan kan conglawmh ti kha an chim ko.

2 THESALON 1:8

meizik he, Pathian a hngal lomi hna le Bawipa Jesuh kong Thawngṭha a ngai duh lomi hna dantat awkah, a rung ṭum tikah ding tein a tuah lai.

HEBRU 3:1

Pathian nih a kawh vemi Khrihfa u le nau hna, kan i lakmi phung ca i Tlangbawi Ngan si awkah Pathian nih a thlahmi Jesuh kong kha ruat hmanh u.

2 PETER 1:2

Pathian nan hngalhnak thawng le kan Bawipa Jesuh nan hngalhnak thawngin vel le daihnak cu tlamtling tein nan ta si ko hna seh.

2 PETER 1:3

Pathian sunparnak le ṭhatnak i hrawm ve awkah a kan kotu kan hngalhnak thawngin Pathian ṭihzah in nun awkah kan herhmi thil vialte cu amah Pathian ṭhawnnak lila nih cun a kan pek.

2 PETER 1:8

Hi thil hi nan herhmi an si i tam piin nan ngeih hna ahcun Bawipa Jesuh Khrih nan hngalhnak ah khan ṭhawnnak an pek hna lai i rian tampi an ṭuanter khawh hna lai.

1JOHAN 1:2

Cu nunnak cu hmuh khawhmi i a hung can tikah kannih nih khan kan rak hmuh; cucaah cu kong cu kannih nih kan chim i Pa he a rak um ṭimi zungzal nunnak, kannih sinah langhter a simi kong kha kan in chimh hna.

1JOHAN 1:3

Kannih nih kan hmuhmi le kan theihmi cu nannih zong kha kan in chimh hna, zeicahtiah Pa le a Fapa Jesuh Khrih he hawikomhnak kan ngeihmi chungah khan nan i tel khawh ve nakhnga kan duh.

1JOHAN 2:23

Fapa a hlawmi nih cun Pa zong kha an hlawt, Fapa a cohlangmi nih cun Pa zong kha an cohlan.

1JOHAN 4:6

Sihmanhsehlaw kannih cu Pathian mi kan si. Pathian a hngalmi paoh nih cun kan bia kha an ngaih, Pathian mi a si lomi paoh nih cun an ngai lo. Cucaah hihi biatak Thlarau le palhnak thlarau kan thleidan khawhnak lam cu a si.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.