JOHAN 17:24 - Lai (Hakha) Common Language Bible 2006

²⁴ “Ka Pa, na ka pekmi hna hi ka umnak ah ka sin i umter i ka sunparnak, vawlei ser hlan in na ka dawt ca i na ka pekmi kha hmu hna seh ti ka duh.

Laibaibal Thiang (BSI)

²⁴ Kapa, naka pêkmi hna hi ka umnâk i ka sinah umter ka duh hna, naka pêkmi sunparnâk kha an hmuh khawh nâkhnga. Vawlei umhlan hmanh in Nangmah nih naka dawt cang.

JOHAN 17:24 Iomraidhean Croise

GENESIS 45:13

Ka pa cu, zeitluk nawl ngei dah Izipt ram chungah hin ka si kha va chim u law nan hmuhmi thil zong kha va chim u. Cun khulrang in amah cu hika ah hin ratpi u,” a ti.

MATTHAI 25:21

A bawipa nih cun, ‘Sal ṭha, zumhawktlak sal, na tuahmi cu a ṭha ngaingai. Tangka tlawmte na lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

MATTHAI 25:23

A bawipa nih cun, ‘Salṭha, sal zumhawktlak, tangka tlawmte lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

MATTHAI 25:34

Cun a orhlei i a ummi cu Siangpahrang nih cun a thawh hna lai i, ‘Nannih, ka Pa nih thluachuah a pekmi hna, ra tuah u. Ra u law vawlei ser ri in nan caah timh a simi pennak cu ra co tuah u.

MATTHAI 26:29

Hihi kan chimh hna: Ka Pa Pennak chungah nanmah he a thar in ka din ṭhan hlantiang hi mitsur hang hi ka ding ti lai lo,” tiah a ti.

LUKA 12:37

An bawipa nih inn a phak tikah i hlau le ralring tein a rak ummi a sal hna caah cun lunglawmh awk a va si dah! Hihi kan chimh hna: a taisawm kha aa sawmh lai i a ṭhutter hna lai i a bultawl hna lai.

LUKA 23:43

Cun Jesuh nih cun, “Mah hihi kan chimh: nihin ah Paradis ah keimah sinah na um lai,” a ti.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

JOHAN 12:26

Ahohmanh ka rian ṭuantu si nan duh ahcun keimah kha nan ka zulh hrimhrim lai, cucaah ka rian a ka ṭuanpiaktu cu ka umnak ah a um ve lai. Ka rian a ka ṭuanpiaktu cu ka Pa nih upatnak a pek hna lai,” tiah a leh hna.

JOHAN 14:3

Cun ka va kal lai i nan ca i ka va timh dih hnuah ka ra kir ṭhan lai i ka sinah kan lak hna lai, cun ka umnak ah nannih zong nan um ve lai.

JOHAN 15:9

Ka Pa nih a ka dawt bantukte in kei zong nih kan dawt ve hna; kan dawtnak hna chungah hin um ko uh.

JOHAN 17:2

Na ka pekmi vialte hna cu zungzal nunnak ka pek hna nakhnga mi vialte cung i nawl ngeihnak cu na ka pek cang.

JOHAN 17:22

Nangmah le keimah cu pakhat kan si bantuk hin pakhat an si khawh ve nakhnga, sunparnak na ka pekmi kha ka pek hna.

JOHAN 17:5

Cucaah Ka Pa, vawlei ser hlan i nangmah sin i ka rak ngeihmi sunparnak kha, atu ah hin na hmaika ah sunparnak ka pe tuah.

JOHAN 6:37

Ka Pa i a ka pekmi paohpaoh cu ka sinah an ra lai i ka sin i a rami paohpaoh cu ahohmanh ka dawn hna lai lo.

JOHAN 6:39

A ka thlahtu nih tuah seh ti a ka duhmi cu hihi a si: a ka pekmi vialte kha pakhat hmanh thlau loin, ni hmanung bik ni ah nunnak i an dihlak in thawhter dih kha a si.

JOHAN 8:58

Jesuh nih cun, “Biatak kan chimh hna: Abraham hlanah ka um cang,” tiah a leh hna.

1 KORIN 13:12

Atu i kan hmuhmi hi cu, thlalang fiang lo chung i kan mui maw chialchual in kan hmuhmi bantuk khi a si, sihmanhsehlaw cu tikah cun hmaitonh tein kan hmuh lai. Atu i ka hngalhmi hi cu a cheuchum lawnglawng a si, sihmanhsehlaw cu tikah cun Pathian nih a ka hngalhnak a tlin bantukin ka hngalhnak zong a tling ve lai.

2 KORIN 3:18

Kannih caah hmai khuhnak puan kha a um ti lo caah kan dihlak in Bawipa sunparnak cu thlalang chung i kan mui a langh bang khin kan langhter; cuticun sungpar chin lengmang in amah lo chin lengmang ah thlen kan si i cucu Thlarau a simi Bawipa rianṭuannak cu a si.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

2 KORIN 5:8

Cucaah ralṭha ngaiin kan um i hi pum kan inn hi kaltak i Bawipa sin i um cu kan i thim deuh suaumau hnga.

FILIPI 1:23

Thil pahnih karlak ah kaa tenh: hi nunnak hi kaltak i Khrih he um cu ka duh hringhran, cucu a ṭha deuh suaumaumi a si;

1THESALON 4:17

cu caan i a nung rihmi kannih pawl cu khuadawm lakah khin Bawipa cu van i hung ton awkah pumh kan si dih lai. Cun Bawipa sinah cun zungzal in kan um lai.

1 PETER 1:21

Amah thawngin Pathian cu nan zumh i Pathian nih cun thihnak in a thawhter i sunparnak a pek; cucaah nan zumhnak le ruahchannak cu Pathian cungah aa bunhmi an si.

1JOHAN 3:2

Ka dawtmi ka fale hna, atu hin kannih cu Pathian fa kan si cang, asinain zei kan lawh lai cu a fiang rih lo. Sihmanhsehlaw Khrih a langh tikah, amah Khrih bantuk cu kan si lai ti kha kan hngalh, zeicahtiah a sining taktak tein kan hmuh lai.

BIAPHUAN 21:22

Khuapi chungah cun biakinn ka hmu lo, zeicahtiah a biakinn cu Lianngan Bik Bawipa Pathian le Tuufa kha a si.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.