JOHAN 17:23 - Lai (Hakha) Common Language Bible 2006

²³ Kei an chungah um in nang ka chungah um law, annih cu pakhat taktak an si lai; cun pakhat an sinak thawng cun vawlei nih cun keimah cu nangmah thlahmi ka si le nangmah nih annih cu keimah na ka dawt bantukin na dawt hna kha a hngalh lai.

Laibaibal Thiang (BSI)

²³ Kei an sinah, Nang keimah ah, annih pumkhat an si i an tlamtlin khawh nâkhnga, Nangmah nih naka thlah ti le, naka dawt bangin annih zong na dawt hna ti hi vawlei nih an hngalh khawh nâkhnga.

JOHAN 17:23 Iomraidhean Croise

JOHAN 10:38

sihmanhsehlaw ka ṭuan a si ahcun, keimah nan ka zumh lo hmanh ah ka tuahmi tal hi nan zumh awk a si. Cun nannih nih ka Pa cu ka chungah a um i kei cu ka Pa chungah ka um kha nan hngalh lai,” tiah a ti.

JOHAN 13:35

Pakhat le pakhat nan zawn nan i ruah ahcun mi vialte nih, hi hna hi amah a zultu kha an si, tiah an in hngalh hna lai,” tiah a ti hna.

JOHAN 14:10

Keimah cu ka Pa chungah ka um i ka Pa cu keimah chungah a um kha na zum lo maw, Filip? Nannih kan chimhmi hna bia hi keimah chungin aa thawkmi an si ṭung lo, ka chung i a ummi ka Pa rianṭuannak pei an si cu.

JOHAN 14:23

Jesuh nih cun, “A ka dawmi paoh nih cun ka bia kha an ngaih lai. Annih cu ka Pa nih a dawt hna lai i ka Pa le keimah cu kan ra lai i an sinah kan um lai.

JOHAN 15:9

Ka Pa nih a ka dawt bantukte in kei zong nih kan dawt ve hna; kan dawtnak hna chungah hin um ko uh.

JOHAN 16:27

zeicahtiah ka Pa nih cun amah hrimhrim nih an dawt hna. Nannih nih nan ka dawt caah le Pathian sinin a ra ti kha nan ka zumh caah an dawt hna.

JOHAN 17:11

Atu cu kei cu na sinah ka ra cang lai; vawlei ah hin ka um ti lai lo; sihmanhsehlaw annih cu an um rih lai. A Thiangmi ka Pa, nangmah le keimah cu pakhat kan si bantuk hin pakhat an si khawh ve nakhnga, na ka pekmi hna cu na min ṭhawnnak in huppheng ko hna.

JOHAN 17:21

An dihlak in pakhat an si nakhnga thla ka cam. Ka Pa, keimah cu nangmah chungah ka um i nangmah cu keimah chungah na um bantuk hin annih zong kan chungah um ve hna seh.

JOHAN 17:24

“Ka Pa, na ka pekmi hna hi ka umnak ah ka sin i umter i ka sunparnak, vawlei ser hlan in na ka dawt ca i na ka pekmi kha hmu hna seh ti ka duh.

JOHAN 17:26

Na ka dawtnak cu an chungah a um i kei zong an chungah ka um nakhnga, nangmah kong cu annih kha ka hngalhter hna i ka hngalhter ṭhan lengmang ko hna lai,” tiah a ti.

JOHAN 17:3

Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

JOHAN 17:8

Na ka pekmi bia kha ka chimh hna i annih nih an cohlan; nangmah sinin a rami ka si kha a si taktak tiah an hngalh i nangmah i na ka thlah kha an zumh.

JOHAN 3:17

Zeicah ti ahcun Pathian nih a Fapa cu vawlei cungah hin vawlei biaceihtu si awkah a run thlah ṭung lo, vawlei khamhtu si awkah pei a run thlah cu.

JOHAN 6:56

Ka sa a ei i ka thi a dingmi paoh cu ka chungah an nung i kei zong an chungah ka nung ve.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

GALATI 3:28

Cucaah Judah mi le Jentail mi, sal le luatmi, nu le pa karah zeihmanh thleidannak a um ti lo, Khrih Jesuh he nan i pehtlaihnak thawngin pakhat nan si dih cang.

FILIPI 3:15

Kannih thlarau lei in nutling patling a si cangmi hna nih cun, hitihin kan lungputning cu a si awk a si. Asinain ruahning phun dang a ngeimi nan um ahcun, Pathian nih cucu an fianterpiak ko hna lai.

KOLOSE 1:28

Cucaah Khrih kong cu mi vialte kha ka chimh hna. Cucaah a mi kip kha kan fimnak nih a phanh khawh chungin ralrinnak kha kan pek hna i kan cawnpiak hna, cucu zeicahdah kan tuah ti ahcun Khrih he i pehtlai in ahopaoh kha nutling patling in Pathian hmaika ah chuahpi hna u sih ti kan duh caah a si.

KOLOSE 2:2

Cu bantukin ka ṭuan cu, an lungthin kha ralṭhatnak in a khah i dawtnak in pakhat le pakhat an i komh i hngalhnak hmaan nih a chuahpimi hnangamnak tampi kha an ngeihnak hnga ka duh caah a si. Cun annih nih Pathian biathli cu an hngalh lai i cu biathli cu Khrih kha a si ko.

KOLOSE 3:14

Cun hi thil vialte cungah hin dawtnak kha chap u law dawtnak cu zeizong vialte, i rem ṭhipṭhep tein a funtomtu cu a si.

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.

1JOHAN 1:3

Kannih nih kan hmuhmi le kan theihmi cu nannih zong kha kan in chimh hna, zeicahtiah Pa le a Fapa Jesuh Khrih he hawikomhnak kan ngeihmi chungah khan nan i tel khawh ve nakhnga kan duh.

1JOHAN 3:1

Pathian nih zeitluk in dah a kan dawt hi ruat hmanh u! A kan dawtnak kha a ngan tuk caah Pathian fa tiah ti kan si — Pathian fa ti lawng hmanh si loin, a si in kan si hrimhrim. Hi ruangah hin vawlei nih a kan hngalh lonak cu a si, Pathian zong kha a hngal lo.

1JOHAN 4:19

Kannih nih Pathian kan dawt cu Pathian nih a kan dawt hmasa caah a si.

BIAPHUAN 3:9

Ngai hmanh! Judah mi kan si tiah aa ti i a si ṭung lomi, milihchim pawl, Satan ta a simi kha, na hmaiah ka ratter hna lai i na ke hramah ka kunter hna lai. Annih nih an dihlak in, kan dawt kha, an hngalh lai.