JOHAN 17:13 - Lai (Hakha) Common Language Bible 2006

¹³ Atu cu kei cu nangmah sinah ka ra lai; sihmanhsehlaw hi vawlei cung i ka um lioah hi bia ka chimnak cu ka lunglawmhnak kha an lung chungah tlamtling tein an ngeih nakhnga caah a si.

Laibaibal Thiang (BSI)

¹³ Atu na sinah ka ra cang lai. Kâ lomhnâk hi anmah ah a tlin khawh nâkhnga, hihi vawlei ah ka chimmi a si.

JOHAN 17:13 Iomraidhean Croise

NEHEMIAH 8:10

Cun annih cu a thawh hna i, “Va kal u law, rawl thawthaw kha va ei u law mitsur hang thlumthlum kha va ding u; cun zeihmanh aa ngeih kho ve lomi hna kha va hrawm ve hna u; zeicahtiah nihin hi kan Bawipa caah ni thiang a si. Bawipa ah nan i lawmhnak cu nan thazang a si caah nan ngaihchia hlah u,” tiah a ti.

SALM 126:5

Mitthli he thlaici a tuhmi nih, lunglawmh aunak he an zun lai;

SALM 43:4

Cun Pathian, nangmah nih lunglawmhnak le thanuamnak na ka pek caah, na biakṭheng ah cun ka hung kal lai; ka tingtang cu kaa tum lai i nangmah thangṭhatnak cu hla in ka sa lai, Maw Pathian, ka Pathian.

JOHAN 13:3

Jesuh nih cun ka Pa nih zeizong vialte kha ka kut chungah a ka pek dih i ka Pa sinin a rami ka si i ka Pa sinah ka kir ṭhan lai ti kha a hngalh caah

JOHAN 15:11

“Ka lunglawmhnak kha nan chung-ah a um i nan i lawmhnak cu a tlin nakhnga, hi bia cu kan chimh hna.

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

JOHAN 17:11

Atu cu kei cu na sinah ka ra cang lai; vawlei ah hin ka um ti lai lo; sihmanhsehlaw annih cu an um rih lai. A Thiangmi ka Pa, nangmah le keimah cu pakhat kan si bantuk hin pakhat an si khawh ve nakhnga, na ka pekmi hna cu na min ṭhawnnak in huppheng ko hna.

JOHAN 3:29

Ṭhitmi ngaknu cu a ṭhitu tlangval ta pei a si cu. Nupi ṭhitu tlangval kawi cu a pawng khan a dir i nupi ṭhitu aw a theih tikah khan a lung aa lawm. Kei ka lunglawmhnak tlinter a sining zong cuticun a si ko.

JOHAN 7:33

Jesuh nih cun, “Caan tlawmpal chung cu nan sinah hin ka um rih lai i cu hnuah cun a ka thlahtu sinah ka kal lai.

LAMKALTU 13:52

Antiok khua i a ummi zultu hna cu lunglawmhnak le Thiang Thlarau in an khat.

ROM 14:17

Zeicahtiah Pathian Pennak cu ei le din menmen hi a si lo, Thiang Thlarau pekmi dinnak le daihnak le lawmhnak tu hi a si deuh.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

1JOHAN 1:4

Hi ca kan in kuat hna cu kan i lawmhnak kha a tlin nakhnga caah a si.

2 JOHAN 1:12

Chimh awk tampi kan ngei ko hna, sihmanhsehlaw ca le cahang in si loin a tlawn tu in ka rak in tlawn hna lai i kan i lawmhnak kha a tlin naklai kan pum in bia kan i ruah lai.