JOHAN 16:25 - Lai (Hakha) Common Language Bible 2006

²⁵ “Atu caan tiang cu tahchunhnak bia in kan cawnpiak lengmang hna, asinain ka Pa kong kha tahchunhnak hmang ti loin biapiang in kan chimh hna lai caan a phan lai.

Laibaibal Thiang (BSI)

²⁵ “Cu bia hna cu nan sin ah bianabia in ka chim tawn, asinain fang hlang tein ka chim cân a phân lai. Cu cân ah cun fiang tein Pa kong kan chimh cang hna lai.

JOHAN 16:25 Iomraidhean Croise

SALM 49:4

Bia thuk kha ka ruat hna lai i tingtang tum pah in a sullam kha ka fianter hna lai.

SALM 78:2

Nan sinah bia ka chim lai i hlanlio thil khuaruahhar kha a sullam kan chimh hna lai.

PHUNGTHLÛKBIA 1:6

Phungthluk bia hna le tahchunhnak bia hna le Mifim mi hna an bia le an biahar kha an hngalh khawh hna lai.

EZEKIEL 20:49

Cun kei nih, “Aa, a si kho lo! Maw Bawipa Pathian, an ka thawh i, ‘Anih tham cu bianabia lawng pei a chim lengmang ko cu,’ an ka ti,” tiah ka au.

MARKA 4:13

Cun Jesuh nih annih cu, “Hi bianabia hi nan hngal kho lo maw? Hi hmanh nan hngalh khawh lo ah zeitindah bianabia dang cu nan hngalh khawh kun lai?

MARKA 4:34

Annih cu tahchunhnak hmang loin a chim hna lo, sihmanhsehlaw a zultu he lawng an um tikah cun zeizong vialte kha an sullam fiang tein a chimh hna.

MARKA 8:32

Hihi fiang tein a chimh hna caah Peter nih kaa dang deuh ah khin a hei i kalpi i a mawhchiat.

JOHAN 10:24

Judah mi nih khan an fuh i, “Zei can dah lungawṭawm in na kan chiah lai? Biafiang kan chim: Messiah cu na si maw?” an ti.

JOHAN 10:6

Jesuh nih hi tahchunhnak cu a chimh hna, sihmanhsehlaw a kan chimhmi hi zei a si ti awk an hngal lo.

JOHAN 16:12

“Tampi chimh awk kan ngei ko rih hna, sihmanhsehlaw atu ah cun nan i cinken khawh cawk ding a si lo.

JOHAN 16:2

An pumhnak inn in an in ṭhawl hna lai. Cun nanmah thah hi Pathian rian ṭuan a si tiah mi nih an ruah caan a phan lai.

JOHAN 16:32

Asinain nan dihlak in ṭhek nan si i nanmahle nan inn cio ah nan kal i keimah lawngte nan ka nganh lai caan kha a ra lio i atu hi a phan cang. Sihmanhsehlaw keimah lawng ngaingai cu ka si lo, zeicahtiah ka Pa nih a ka umpi ko.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.