JOHAN 15:5 - Lai (Hakha) Common Language Bible 2006

⁵ Mitsur ruang cu keimah hi ka si i a nge cu nanmah hi nan si. Ahohmanh ka chungah a um i kei zong a chungah ka um ahcun, amah cu thei tampi a tlai khomi cu a si; zeicahtiah keimah loin nan tuah khawhmi zeihmanh a um lo.

Laibaibal Thiang (BSI)

⁵ Keimah hi misur ruang cu ka si, nannih a nge nan si. Keimah ah a um peng i kei zong a mah i ka um pengnâk cu tampi in theitlai a chuah tawn; keimah lo in zeihmanh nan tuah kho lo.

JOHAN 15:5 Iomraidhean Croise

PHUNGTHLÛKBIA 11:30

Dinnak theitlai cu nunnak thingkung a si, sihmanhsehlaw zaang-ennak cu nunnak thah kha a si.

HOSEA 4:8

Ka mi hna an sualnak kha rumnak ah nan hman i sual chin lengmang hna seh ti nan duh.

MATTHAI 13:21

Sihmanhsehlaw an chungah hram a thlak lo caah saupi an rau lo. Cu kong i harnak le hremnak an hun ton tikah an i ngol zau.

JOHAN 12:24

Biatak kan chimh hna: facang ci pakhat cu vawlei ah tuh a si i a thih ta lo ahcun pakhat lawng a si peng ko. A thih ta lawngah facang mu dang tampi a chuahter khawh.

JOHAN 15:16

Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.

JOHAN 5:19

Cucaah Jesuh nih annih cu a leh hna i, “Biatak kan chimh hna: Fapa nih hin keimah nawl lawngin zeihmanh ka tuahmi a um lo; ka Pa nih a tuahmi ka hmuhmi lawng kha ka tuah hna. Ka Pa nih a tuahmi cu Fapa zong nih ka tuah ve hna.

JOHAN 9:33

Hi pa hi Pathian sinin a rat dah ti lo ahcun cu bantuk thil cu zeihmanh a tuah kho hnga maw?” tiah a leh hna.

LAMKALTU 4:12

Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo,” tiah a ti.

ROM 12:5

Cu bantuk cun, kannih zong hi mi tampi kan si nain Khrih he kan i pehtlaihnak thawngin pum khat kan si i pum nge dangdang cu pakhat le pakhat an i pehtlaih dih bantukin kannih zong pakhat le pakhat kan i pehtlai dih ve.

ROM 6:22

Sihmanhsehlaw atu cu sualnak chung khan luatter nan si cang i Pathian sal nan si cang; nan miakmi cu Pathian sinah pekchanhmi nunning a si i cu nih a chuahpimi cu zungzal nunnak a si.

ROM 7:4

Cu bantuk cu nannih zong nan si ve, ka naule hna. Nawlbia lei in ti ahcun nannih cu a thimi nan si cang, zeicahtiah Khrih pum chungah nan i tel cang; cun Pathian rian ah santlaimi kan si nakhnga, atu cu thihnak in thawhtermipa ta kha nan si cang.

1 KORIN 10:16

Thluachuahnak hrai ca i Pathian kan lawmh tikah, hi hrai kan din tikah hin Khrih thi kha kan i hrawm a si lo maw? Cun changreu kan ei ṭimi hi tah: hi changreu kan ei ah hin Khrih pum kan i hrawm a si lo maw?

1 KORIN 12:12

Khrih hi nge tampi a ngeimi pum bantuk a si; nge cu tampi an si ko nain pum cu pakhat a si ko.

1 KORIN 12:27

Cucaah nannih cu nan dihlak in Khrih pum kha nan si i pumpak cio ah a nge kha nan si.

2 KORIN 13:8

Biatak cu a ṭanh in dah kan ṭanh ko ti lo ahcun, a doh cun kan do kho hrimhrim lo a si ko.

2 KORIN 9:10

Cun thlaici tuhtu thlaici a petu le ei awk rawl a petu Pathian nih cun nan herhmi thlaici vialte kha an pek hna lai, nan siannak chung khan theipar tampi chuahter awkah amah nih cun a ṭhanter lai.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

EFESA 5:9

Zeicah ti ahcun ṭhatnak a phunphun le dinnak a phunphun le biatak a phunphun a chuahtertu cu, ceunak cu a si.

FILIPI 1:11

Jesuh Khrih lawng nih a kan pek khawhmi ziaza ṭha taktak in nan nunnak cu a khat lai i cucu Pathian sunparnak le thangṭhatnak caah a si lai.

FILIPI 4:13

Ṭhawnnak a ka petu Khrih thawngin thil zeipaoh ka tuah khawh ko hna.

FILIPI 4:17

Nan laksawng hmuh ka duh lawng cu a si lo, nan cazin zongah miaknak i ṭial chap ve seh ti ka duh.

KOLOSE 1:10

Cuticun Bawipa duhning in nan nung kho lai i amah duhnak kha nan tuah zungzal khawh lai. Thil ṭha tuahnak kip ah nan nunning cu zumh awk tlak a si lai i Pathian nan hngalhnak ah khan nan ṭhang lai.

KOLOSE 1:6

Thawngṭha nih hin Pathian vel nan theih kate le cucu zeidah a si taktak ti nan hngalh ri in nan cungah rian a ṭuan bantuk khan, vawlei cung dihlak zongah a karh i thluachuahnak kha a pek hna.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

1 PETER 2:4

Cucaah Bawipa sinah khan ra tuah u; amah cu a nungmi Lung, minung nih hlaw hmanh hna seh law Pathian nih a sungmi ah a relmi kha a si.

2 PETER 3:18

Kan Bawipa le kan Khamhtu Jesuh Khrih vel le hngalhnak ah khan ṭhang ko u. Atu le zungzal tiang khin sunparnak cu amah ta si ko seh! Amen.