JOHAN 15:21 - Lai (Hakha) Common Language Bible 2006

²¹ Sihmanhsehlaw hi vialte cu keimah mi nan si ruangah nan cungah an tuah lai; zeicahtiah a ka thlahtu kha an hngal lo.

Laibaibal Thiang (BSI)

²¹ Sihmanhsehlaw hi thil vialte hna hi ka min ruangah nan cungah an tuah lai, Aka thlah tu an hngalh lo caah.

JOHAN 15:21 Iomraidhean Croise

SALM 69:7

Nangmah ruangah nihsawhnak ka hmuh hi a si i nangmah ruangah ningzahnak nih a kan khuh hi a si.

ISAIAH 66:5

Nannih Bawipa kha a ṭih i a nawl a ngaimi hna, Bawipa nih a chimmi kha ngai tuah u. “Ka cungah zumh awk tlak in nan um ruangah nanmah mi lila a cheu nih an in huat hna i an in hlawt hna. An in nihsawh hna i, ‘Lunglawm in nan um kha hmuh kan duh, cucaah cun Bawipa nih a lianhngannak kha langhter seh law in khamh tuah hna seh,’ an ti. Sihmanhsehlaw ningzahnak a hmumi cu anmah kha an si lai.

MATTHAI 10:18

Uktu bawi hna hmai le siangpahrang hna hmaiah keimah ruangah an in chuahpi hna lai i annih cu le Jentail mi hna kha Thawngṭha kha nan chimh hna lai.

MATTHAI 10:22

Mi kip nih nannih cu keimah ruangah an in huat hna lai, sihmanhsehlaw a dongh tiangin aa tlaih pengmi cu khamhnak nan hmu lai.

MATTHAI 10:39

Ahohmanh a nunnak humhak a duhmi nih cun a nunnak cu a sung lai i keimah ruangah a nunnak a sungmi nih cun a nunnak cu a hmuh lai.

MATTHAI 24:9

“Cun mi nih an in tlaih hna lai i dantat awkah an in chanh hna lai i an in thah hna lai. Keimah ruangah mi vialte nih an in huat hna lai.

MATTHAI 5:11

“Nannih cu ka zultu nan si ruangah mi nih an in nihsawh hna i an in hrem hna i lih a phunphun an in puh hna tikah, nan caah lunglawmh awk a va si dah!

MARKA 13:13

Keimah ruangah mi kip nih an in huat hna lai. Sihmanhsehlaw a dongh tiang a hmunmi cu khamh nan si lai.

LUKA 21:12

“Hi thil vialte an tlun hlanah hin nannih cu tlaihkhih nan tong lai i hremnak nan ing lai; pumhnak inn ah khan biaceih awkah an in chuahpi hna lai i thong ah an in thlak hna lai; keimah ruangah siangpahrang hna hmaiah le uktu bawi hna hmaiah an in chuahpi hna lai.

LUKA 21:17

Keimah ruangah mi kip nih an in huat hna lai.

LUKA 6:22

Mi Fapa ruangah mi nih an in huat hna i an in hlawt hna i an in serhsat hna i miṭhalo an in ti hna tikah i lawm ko u.

JOHAN 15:24

Ahohmanh nih an tuah bal lomi ka tuahmi hi an lakah tuah loin rak um ning law cu an cungah sualnak a um hnga lo, asinain atu ning ah cun ka tuahmi kha an hmuh ko i keimah he ka Pa he an kan huat.

JOHAN 16:3

Ka Pa zong, keimah zong an kan hngalh lo caah hi bantukin nan cungah an tuah lai.

JOHAN 17:25

A dingmi ka Pa, vawlei nih cun an hngal lo, sihmanhsehlaw kei nih cun kan hngalh i hi hna nih hin na ka thlah hi an hngalh.

JOHAN 8:19

“Na Pa cu khuazei ah dah a um?” tiah an ti. Jesuh nih cun, “Keimah zong nan ka hngal lo, ka Pa zong nan hngal fawn lo. Keimah kha ka hngal u law cu ka Pa zong cu nan hngalh ko hnga,” tiah a leh hna.

JOHAN 8:54

Jesuh nih cun, “Keimah le keimah kaa upat a si ahcun kaa upatnak kha zeihmanh man a ngei lai lo. Keimah a ka upattu cu ka Pa kha a si — nanmah nih kan Pathian a si nan timi hrimhrim kha.

JOHAN 8:55

Nannih nih cun nan hngal bal lo, sihmanhsehlaw kei nih cun ka hngalh. Ka hngal lo ti ning law, nanmah bantuk milihchim ka si ve hnga. Sihmanhsehlaw ka hngalh taktak ko i a bia kha ka ngaih.

LAMKALTU 17:23

Zeicahtiah nan khua chung i kaa chawh i nan biaknak hmun kha ka zoh hna tikah biakṭheng pakhat cu a cungah “Hngalh lomi Pathian Caah” tiin aa ṭial kha ka hmuh. Cu nan biakmi cu, a hngalh cu hngal hmanh hlah u law, nan sin i kan thanhmi hna hi a si.

LAMKALTU 26:9

“Nazareth khuami Jesuh min dohnak caah hin ka tuah khawh chungin ka tuah lai tiah keimah hrimhrim nih hin ka rak ruah i

LAMKALTU 3:17

“Ka u le ka nau hna, Jesuh cung i nanmah le nan haotu hna nih nan rak tuahmi kha zei a si ti awk nan rak hngalh lo ruangah a si ti kha fiang tein ka hngalh.

LAMKALTU 4:17

Sihmanhsehlaw hi thil hi mizapi sinah a karh chin lengmang nakhnga lo, hi mi hna hi Jesuh min in aho sin hmanh ah bia chim ti hlah u, tiah kan thlauh hna lai,” tiah an ti.

LAMKALTU 5:41

Khawngsil pumhnak cun lamkaltu pawl cu an chuak i Jesuh min ruangah Pathian nih ningzah in awk nan i tlak tiah a ruah hna caah an i lawm ngaingai.

LAMKALTU 9:14

Cun Damaskas khua i a rat zongah hin na min an komi hna paoh kha tlaih awkah tlangbawi upa hna sin in nawlngeihnak ca a run i phorh fawn,” tiah a ti.

LAMKALTU 9:16

Cun keimah hrimhrim nih keimah ruangah a in lai dingmi thil vialte kha ka hmuhsak lai,” tiah a ti.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

1 KORIN 15:34

Nan lung i fim ṭhan u law nan sualnak kha ngol hna u. A cheu cu Pathian nan hngal lo, hi ti ka chim hi nan ningzak seh ti ka duh caah a si.

1 KORIN 2:8

Hi vawlei a uktu hna nih hin, cu fimnak cu an rak hngal lo. Rak hngal hna seh law cu, sunparnak Bawi kha vailam ah an rak khenh hnga lo.

2 THESALON 1:8

meizik he, Pathian a hngal lomi hna le Bawipa Jesuh kong Thawngṭha a ngai duh lomi hna dantat awkah, a rung ṭum tikah ding tein a tuah lai.

1JOHAN 3:1

Pathian nih zeitluk in dah a kan dawt hi ruat hmanh u! A kan dawtnak kha a ngan tuk caah Pathian fa tiah ti kan si — Pathian fa ti lawng hmanh si loin, a si in kan si hrimhrim. Hi ruangah hin vawlei nih a kan hngalh lonak cu a si, Pathian zong kha a hngal lo.

3 JOHAN 1:7

Zeicahtiah Khrih rian ṭuan awk khualtlawn ah khan, a zum lomi sinin bawmhnak zeihmanh la loin, an i thawh.

BIAPHUAN 2:3

Na lung a sau, keimah ruangah harnak na in i na lung a dong lo.