JOHAN 15:2 - Lai (Hakha) Common Language Bible 2006

² Thei a tlai lomi ka nge vialte kha a tan dih hna i thei a tlaimi nge vialte kha an tlai chinchin nakhnga a thianh hna.

Laibaibal Thiang (BSI)

² Keimah i â pehmi nge, thei a tlai lomi pauh a hlawnh tawn i thei a tlaimi nge pauh a tlai a tam chinchin nâkhnga a thenh tawn.

JOHAN 15:2 Iomraidhean Croise

JOB 17:9

Hmaizah awk tlak ka si, aa timi hna nih cun, Kanmah hi kan hmaan, tiah an i ruat chin lengmang ko.

SALM 92:14

an tar tik hmanh ah thei a tlai lengmang i a zungzal in hring dildel in a um i a ṭhawng ngaimi bantuk an si.

PHUNGTHLÛKBIA 4:18

Sihmanhsehlaw miding mi hna lam cu zingka ceunak, chun laicer tiangin a ceu chin lengmangmi bantuk a si.

ISAIAH 27:9

Pathian bia lomi biakṭheng kha thungrang bantukin rial an si hlan le tung thiang le zihmui khanghnak biakṭheng hna kha hlonh dih an si hlanah cun, Israel sualnak cu ngaihthiam a si kho lai lo.

ISAIAH 29:19

Misifak le mirethei hna nih, Israel Pathian thiang nih a pekmi hna lawmhnak kha an hmuh ṭhan lai.

DANIEL 11:35

Hi hruaitu hna lakah hin a cheu cu thah an si lai i annih cu hneksak cikcek le thianh an si lai i a vaar in an vaar lai. Asinain caan khiahmi cu a donghnak a phan ṭhiamṭhiam ve lai.

HOSEA 6:3

Bawipa hngalh cu i zuam u sih, Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding ṭhal ruah a sur hrimhrim lai bantukin kan sinah a ra hrimhrim lai.

MALAKHI 3:3

Levi mi kha a thianh hna lai i ngun le sui an ṭawl hna bantukin a ṭawl hna lai i cucaah Bawipa sin i laksawng a rak putu dingah khan an i tlak lai.

MATTHAI 13:12

Zeicahtiah a ngeimi cu hawi hleihvuanh awk a ngeih tiangin chap chin a si lai i a ngei lomi cu a ngeihmi hnihchunte hmanh kha lakpiak a si lai.

MATTHAI 13:33

Jesuh nih tahchunhnak bia a dang a chimh hna. “Vancung Pennak cu thilnu he aa lo. Cu thilnu cu nu pakhat nih aa lak i changvut rel khat chungah a phulhmi nih cun changvut cu a ning piin a thawhter,” tiah a ti.

MATTHAI 15:13

Jesuh nih cun, “Vancung khua i a ummi ka Pa nih a phun lomi kung paoh cu phawi an si ko lai.

MATTHAI 21:19

Lam pawngah khan theipi kung a hei hmuh i a hei fuh, asinain a hnah lawng a rak si ai. Cucaah thingkung cu aa thawh i, “Zeitikhmanh ah thei tlai ti hlah,” tiah a ti. Hmakhatte ah theipi kung cu a car ko.

MATTHAI 25:29

Zeicahtiah a ngeimi cu chap chin an si lai i a hleivuang an ngeih tiangin an ngei lai; sihmanhsehlaw zeihmanh a ngei lomi cu a ngeihmi hnihchunte hmanh kha chuh a si lai.

MATTHAI 3:10

Hreitlung nih thingkung cu an hram in a hau dengmang cang hna; thei ṭha a tlai lomi paoh cu hau an si lai i mei chungah paih an si lai.

MATTHAI 3:12

A kut in facang zahnak sisiap cu aa put i rawl cu a zah dih hna lai; a fang cu buk ah a rawn hna lai i a hi cu a mit lomi mei in a khangh hna lai,” tiah a ti.

MATTHAI 7:19

Thei ṭha a tlai lomi cu hau i mei chung i paih an si tawn.

MARKA 4:20

Sihmanhsehlaw mi a cheu cu vawlei ṭha i a tlami thlaici bantuk an si. Pathian bia kha an theih i an cohlan i thei an tlai: a cheu cu a let sawm thum in, a cheu cu a let sawm ruk in, a cheu cu a let za khat in,” tiah a ti.

LUKA 8:13

Lung lakah a tlami thlaici cu bia kha a thei i lunglawm ngaiin a cohlang i sihmanhsehlaw an chung i thuk a pil lomi kha an si. Caan tlawmte chung lawng kha an zumh i tukforhnak a rat tikah an tlu ṭhan.

JOHAN 15:1

“Mitsur ruang taktak cu keimah hi ka si i dum ngeitu cu ka Pa a si.

JOHAN 15:16

Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.

JOHAN 15:3

Nannih cu kan chimhmi hna bia thawngin nan thiang cang.

JOHAN 15:6

Ka chungah a um lomi cu mitsur nge car bantukin lengah hlonh an si ko. Cu bantuk nge cu an pumh hna i mei ah an paih hna i cuka ah cun an kang dih.

JOHAN 15:8

Nannih nih thei tampi nan tlai thawngin ka Pa sunparnak kha nan langhter i cuticun ka zultu i nan i canning cu a si.

JOHAN 17:12

Annih sin i ka um lioah hin cun, na ka pekmi hna cu na min ṭhawnnak in ka huhphenh hna i him tein ka chiah hna. A tlau ding a rak si hrimmi dah kha ti lo cu pakhat hmanh an tlau lo — kha zong kha Cathiang a tlin nakhnga caah a si ko.

ROM 11:17

Cinmi oliv kung a nge cheukhat cu tan an si i ramlak oliv kung a nge kha cinmi kung ah cun peh a si. Cu bantuk cu nannih Jentail mi hi nan si; atu cu oliv kung a hrampi kha nan i hrawm ve cang.

ROM 11:22

Hika ah hin zeitluk in dah Pathian nih mi a zaangfah hna ti le zeitluk in dah Pathian cu ṭih a nun ti kha kan hmuh. A tlumi hna caah cun ṭih a nung ngaingai ko, sihmanhsehlaw nannih cungah cun zaangfahnak a ngei — a zaangfahnak chung i nan um paoh ahcun an zaangfah ko hna lai, sihmanhsehlaw nan um lo ahcun nannih zong khiah nan si ve ko lai.

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

1 KORIN 13:1

Minung holh a phunphun in ka hei holh kho ko hnga i vanmi holh hmanh ka hei thiam ko hnga, sihmanhsehlaw dawtnak ka ngeih lo ahcun ka holh cu darkhuang hnachet thawng le sumsel tum thawng bantuk men a si ko.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

HEBRU 12:15

Pathian vel kha ahohmanh nih nan mertak sual nakhnga lo i ralring u. A khami thingkung, a hung ṭhang i mi tampi harnak a petu bantuk kha ahohmanh si sual hlah u.

1JOHAN 2:19

Hi hna hi kan bu chungmi ngaingai an rak si bal lo, cucaah an kan chuahtaknak cu a si; kan bu chung mi ngaingai kha rak si hna seh law cu, kan sinah hin an um peng ko hnga. Annih cu pakhat hmanh kan bu chung mi ngaingai an rak si lo ti kha a fian nakhnga annih nih khan an kan chuahtak.

BIAPHUAN 3:19

Ka dawtmi cu ka chimhhrin hna i dan ka tat tawn hna. Cucaah cun i biatak law na sualnak kha mertak hna.