JOHAN 15:16 - Lai (Hakha) Common Language Bible 2006

¹⁶ Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.

Laibaibal Thiang (BSI)

¹⁶ Nannih nih nan ka thim lo, keimah nih kan thim hna, theiṭha chuah awk le a hmunmi theitlai chuah dingin kan ruahmi hna nan si, ka min in Pa sinah nan halmi pauh an pêk hna nâkhnga.

JOHAN 15:16 Iomraidhean Croise

GENESIS 18:18

A tefa hna cu a ngan i a ṭhawngmi miphun ah an cang lai i vawlei cung miphun vialte hna nih hin Abraham thluachuahnak ka pekmi bantuk kha kan pe ve tiah an ka hal lai.

SALM 145:4

Na tuah sernak cu chan khat hnu chan khat thangṭhat a si lai, thil khuaruahhar na tuahmi cu aupi an si lai.

SALM 71:18

Atu cu a tar i a sam a par cang aipat tiin ka kaltak hlah, maw Pathian. Hmailei chan a ra ding vialte sinah na ṭhawnnak le na lianhngannak ka chimnak dingah hin nangmah nih ka umpi ko.

PHUNGTHLÛKBIA 11:30

Dinnak theitlai cu nunnak thingkung a si, sihmanhsehlaw zaang-ennak cu nunnak thah kha a si.

ISAIAH 27:6

Cu ni ah cun, Israel mi, Jakob tefa hna cu thingkung bangin hram an thla lai i an kuhkulul lai i an par lai. Vawlei cu an tlai kha a khat dih lai.

MIKAH 5:7

Israel mi chungin a tangmi hna cu, Bawipa sinin a rung tlami dap le ramhring cung i a rung surmi ruahpi bantuk an si lai; Annih nih cun minung kha i bochan loin Pathian kha an i bochan lai.

MATTHAI 21:22

Nan zumh ahcun thlacamnak in nan halmi paoh kha nan hmuh lai,” a ti.

MATTHAI 7:7

“Hal u law an in pek hna lai, kawl u law nan hmuh lai, king u law innka cu an in hunpiak hna lai.

LUKA 6:13

Khua a dei tikah a zultu kha a kawh hna i hleihnih a thim hna i lamkaltu tiah a ti hna.

JOHAN 13:18

“Hi ka chimmi hi nan dihlak in kan ti duh hnanak a si lo; ka thimmi cu ka hngalh ko hna. Sihmanhsehlaw ‘Ka rawl a eimi kha ka ral ah a cang’ tiah cathiang nih a timi kha a tlin awk a herh.

JOHAN 15:19

Vawlei ta rak si u law cu, vawlei nih cun amah ta bantukin an dawt ko hna hnga. Sihmanhsehlaw keimah nih hi vawlei chung hin kan thim hna i amah ta nan si ti lo caah an huat hnanak cu a si.

JOHAN 15:5

Mitsur ruang cu keimah hi ka si i a nge cu nanmah hi nan si. Ahohmanh ka chungah a um i kei zong a chungah ka um ahcun, amah cu thei tampi a tlai khomi cu a si; zeicahtiah keimah loin nan tuah khawhmi zeihmanh a um lo.

JOHAN 6:70

Jesuh nih cun a thawh hna i, “Nannih pahleihnih hi keimah nih kan thim hna lo mei? Asinain pakhat cu khuachia nan si ai!” a ti.

LAMKALTU 1:24

Cun thla an cam i, “Bawipa, nangmah nih minung lungthin vialte cu na hngalh dih.

LAMKALTU 1:8

Asinain Thiang Thlarau nan cung i a tlun tikah cun, ṭhawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna.

LAMKALTU 10:41

Pathian nih tehte caah a kan thimmi kanmah sin lawngah khan Pathian nih cun a langhter. Thihnak in a thawh hnuah amah he cun kan ei ṭi kan ding ṭi.

LAMKALTU 22:14

Aa thawh i, ‘Kan pupa hna Pathian nih nangmah cu a duhnak kha hngalhter awk le a dingmi a Sal kha hmuh awkah, amah aw hrim in a chimmi bia kha theih awkah an thim.

LAMKALTU 9:15

Sihmanhsehlaw Bawipa nih cun a leh i, “Va kal ko, zeicahtiah amah cu keimah rian ṭuantu dingah, Jentail mi hna le siangpahrang hna le Israel mi hna sinah ka min hngalhter awkah ka thim cang.

ROM 1:13

Ka u le ka nau hna, hihi rak ka hngalhpiak u ti kan duh hna: nanmah tlawn hi voi tampi kaa tim tawn, sihmanhsehlaw zei nih dik a ka donh zungzal. Jentail mi a dang hna lak i lungthlengmi ka umter hna bantukin nannih lak zong i lungthlengmi umter ve cu ka duh hringhranmi a si.

ROM 1:5

Amah thawngin Pathian nih lamkaltu sinak kha a ka pek i miphun kip chungmi kha zumhnak le Pathian nawlngaihnak i phakter awkah a ka fial;

ROM 15:4

Cathiang nih lungsaunak le lungthin ṭhawnnak a kan pekmi thawngin ruahchannak kha kan ngeih khawh nakhnga Cathiang chung i aa ṭialmi vialte cu kanmah cawnpiaknak caah a si.

ROM 9:21

A ngaingai ti ahcun um a sertu nih khan tlak cu a duhduh in hmannak nawl a ngei ko, tlak hlum hlum khat chung khan um pahnih a ser khawh ko hna, pakhat cu sawhsawh men i hman lo dingah a ser i pakhat cu sawhsawh men i hman awkah a ser ko.

1 KORIN 10:11

Hi vialte an cung i a tlungmi hi midang nih i zohchunh awk caah a si i kan i ralrinnak ding caah ṭial an si. Zeicahtiah kannih kan caan hi donghnak a phak dengmangnak caan a si.

GALATI 1:15

Sihmanhsehlaw Pathian nih a ka zaangfah caah, ka chuah hlan khan a ka thim i amah rian ṭuantu dingah khan a ka auh. Cun Jentail mi hna sinah Thawngṭha cu ka chim nakhnga,

EFESA 2:10

Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si.

KOLOSE 1:23

Cucaah nan zumhnak kha fek tein nan i tlaih zungzal lai i nan dirhmun ah khan fek tein nan dir zungzal lai; nan theihmi Thawngṭha nih an phorhmi hna ruahchannak kha thlau hrimhrim hlah u. Hi Thawngṭha hi vanrang tang khuazakip ah sermi thil vialte sinah chimmi Thawngṭha kha a si i keimah Paul hi cu Thawngṭha sal cu ka si.

KOLOSE 1:6

Thawngṭha nih hin Pathian vel nan theih kate le cucu zeidah a si taktak ti nan hngalh ri in nan cungah rian a ṭuan bantuk khan, vawlei cung dihlak zongah a karh i thluachuahnak kha a pek hna.

1TIMOTE 2:7

cu ruangah cun Jentail mi hna sinah lamkaltu le cawnpiaktu ah thlah ka si i zumhnak le biatak kong cu ka chim. Lih ka chim lo, biatak ka chim!

2TIMOTE 1:11

Cu Thawngṭha thanhtu dingah Pathian nih lamkaltu le cawnpiaktu ah a ka ser i

2TIMOTE 2:2

Tehte tampi hna theih ah ka chimmi bia kha i lak law, midang a cawnpiak kho ve dingmi, na zumhmi hna kha va kenter hna.

TITAS 1:5

Krit tikulh i kan chiahtak ah khan ka rak i tinhmi cu, kan ṭuannak i kan nganh tami kha a ningcang tein na hun sersiam hna lai i khua kip ah Khrihfa upa kha na hun chiah hna lai, ti a si. Na hun zulh awkah tiin cawnpiaknak kan chiahtami kha philh hna hlah.

HEBRU 11:4

Kain nih a pekmi raithawinak nakin a ṭha deuhmi raithawinak Abel nih Pathian a pekmi cu zumhnak in a si. Zumhnak thawngin amah cu Pathian nih miding ah a cohlan i cucu Pathian nih a laksawng a cohlanpiaknak ah khan a lang; cun a thih hnu zongah, zumhnak cu bia a chim ṭhiamṭhiam ko rih.

JEIM 3:18

Cun daihnak sertu pawl nih daihnak in an tuhmi thlaici nih a thei a tlaimi cu ṭhatnak a si.

1 PETER 3:15

Sihmanhsehlaw nan lungthin chungin Khrih kha upat u law nan Bawi ah ser u. Ruahchannak nan ngeihmi kong kha, kan chim tuah u, an timi hna an um ahcun, zeitik caan paoh i chim kho dingin timhcia tein um zungzal u.

1 PETER 3:2

zeicahtiah zeitluk nun thiang in dah nan nun ti le zeitluk in dah nan upat hna kha anmah nih an hmuh ko lai.

1JOHAN 4:10

Dawtnak cu, Pathian kan rak dawt hi a si lo, amah nih a kan dawt i kan sual ngaihthiamnak caah a Fapa kan sinah a run thlah hi a si.

1JOHAN 4:19

Kannih nih Pathian kan dawt cu Pathian nih a kan dawt hmasa caah a si.