JOHAN 14:9 - Lai (Hakha) Common Language Bible 2006

⁹ Jesuh nih, “Nan sinah saupi ka um ko cang, asinain na ka hngal rih lo maw, Filip? Keimah a ka hmutu paoh nih cun ka Pa kha an hmuh ve ko, cucaah zeicahdah na Pa cu kan hmuhsak, na ka ti?

Laibaibal Thiang (BSI)

⁹ Jesuh nih, “Filip, hitluk sau nan sinah ka um nain nanka hngal lo maw? A ka hmumi pauh Pa a hmumi a si, zeitindah Pa kan hmuhter na ti khawh?

JOHAN 14:9 Iomraidhean Croise

GENESIS 26:9

Abimelek nih Isak cu ra seh tiah mi a hei thlah i, “Zohhmanh, na nupi a si hrimhrim lai. Zeicahdah ka far a si na ti kun?” a ti. Cun Isak nih cun, “Ka nupi a si ka ti ahcun an ka thah lai ti ka phan caah a si,” ti in a leh.

SALM 11:1

Ka himnak dingah Bawipa cu kaa bochan. Nang nih naa thawh i, “Va bantukin tlang ah zuang tuah,

JEREMIAH 2:23

Zeitindah, ‘Kaa thurhhnawmh lo, Baal kha ka zul hna lo,’ na ti khawh? Nelrawn i na kalnak na lam khi zoh ngat; Na thil tuahmi kha philh hlah ngat. Hrem khawh lomi kalauk-la, a tlik tik i a ping le a pang i a tlimi,

MARKA 9:19

Cun Jesuh nih cun, “Nan va zum lo hringhran dah! Zei can dah nan sinah hin ka um a herh rih lai? Zei can dah kaan in hna lai? Ngakchiapa cu ratpi u,” tiah a ti hna.

LUKA 12:56

Midepde hna, van le vawlei kha nan zoh i an sullam zeidah an si ti kha nan hngalh khawh; a si kun ahcun zeicahdah caan sullam hi nan hngalh khawh kun lo?” a ti.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

JOHAN 10:30

Ka Pa le keimah cu pakhat kan si,” tiah a ti.

JOHAN 12:45

Keimah a ka hmutu nih keimah a ka thlahtu zong kha a hmuh a si.

JOHAN 14:20

Cu ni a phak tikah cun kei cu ka Pa chung i ka um le nan chung i ka um bantukin nannih zong ka chung i nan um kha nan hngalh lai.

JOHAN 14:7

Atu cu nan ka hngalh cang caah ka Pa zong kha nan hngalh lai; atu thawk hin nannih nih amah cu nan hngalh cang; nan hmuh cang,” tiah a ti hna.

JOHAN 8:19

“Na Pa cu khuazei ah dah a um?” tiah an ti. Jesuh nih cun, “Keimah zong nan ka hngal lo, ka Pa zong nan hngal fawn lo. Keimah kha ka hngal u law cu ka Pa zong cu nan hngalh ko hnga,” tiah a leh hna.

1 KORIN 15:12

Kan chimmi cu Khrih cu thihnak in thawhter a si ti kha a si caah, zeitindah nannih a cheu nih, mithi cu nunnak ah thawhter an si lai lo, tiah nan ti khawh?

FILIPI 2:6

Pathian sinak kha a ngeih zungzalmi a si ko nain hramhram in Pathian tluk si awk kha cuh awkah a rel lo.

KOLOSE 1:15

Khrih cu hmuh khawh lomi Pathian mui a si. Khrih cu Pathian fater, sermi thil vialte hna nakin a cungnung deuhmi a si.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.