JOHAN 14:2 - Lai (Hakha) Common Language Bible 2006

² Ka Pa inn chungah khaan tampi a um ko i cuka i nan caah hmun va timh awkah ka rak kal lai. Cu bantukin si hlah seh law hitihin kan chim hna hnga lo.

Laibaibal Thiang (BSI)

² Ka Pa inah dal tampi a um, a um lo ahcun kan chimh cang hna lai, nan caah hmun timhlamh awkah ka kal lai.

JOHAN 14:2 Iomraidhean Croise

LUKA 14:22

Cun tlawmpal ah khin a sinum nih cun a thawh i, ‘Bawipa, na nawl bangin tuah a si cang, sihmanhsehlaw hmun a lawng ko rih,’ tiah a ti.

JOHAN 13:33

Ka fale hna, nan sinah sau ka um ti lai lo. Nan ka kawl lai, sihmanhsehlaw ‘Ka kalnak ah cun nan ra kho lai lo,’ tiah Judah mi ka chimh hna bang khan nannih zong kan chimh hna.

JOHAN 13:36

Simon Peter nih, “Bawipa, khuazei ah dah na kal lai?” tiah a hal. Jesuh nih, “Ka kalnak dingah cun na ka zul kho lai lo, sihmanhsehlaw hnu deuh ah na ka zulh te lai,” tiah a leh.

JOHAN 14:28

‘Kan kaltak hna lai, sihmanhsehlaw nan sinah ka ra ṭhan lai,’ ka ti pei nan theih ko kha. Nan ka dawt ahcun ka Pa sin i ka kal lai hi nan i lawm lai, zeicahtiah amah cu keimah nakin a ngan deuh.

JOHAN 16:4

Hi bantukin nan cung i an tuah caan kha a phak tikah, nannih nih a rak kan chimh cang ti kha nan lung ah a hung pem nakhnga hi bia hi kan chimh hna,” a ti. “Keimah kha nan sin i ka rak um ko caah hi bia hi a hramthawkte khan ka rak in chim hna lo.

JOHAN 17:24

“Ka Pa, na ka pekmi hna hi ka umnak ah ka sin i umter i ka sunparnak, vawlei ser hlan in na ka dawt ca i na ka pekmi kha hmu hna seh ti ka duh.

LAMKALTU 9:16

Cun keimah hrimhrim nih keimah ruangah a in lai dingmi thil vialte kha ka hmuhsak lai,” tiah a ti.

2 KORIN 5:1

Kannih kan umnak thlam, vawlei cung kan pum hi, ṭheh a si tikah, vancung ah khin kan umnak ding caah Pathian nih inn a kan pek lai ti kha kan hngalh — cu inn cu amah Pathian nih a sakmi inn, zungzal hmun dingmi inn cu a si.

1THESALON 5:9

Pathian nih a thinhunnak in awkah khan a kan thim lo, sihmanhsehlaw kan Bawipa Jesuh Khrih thawngin khamhnak hmuh awkah a kan thim;

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

HEBRU 11:10

Zungzal in a hmunmi khuapi, Pathian sermi cu, Abraham nih cun a hngah.

HEBRU 13:14

Hi vawlei ah hin kannih caah zungzal hmun ding khua a um lo, a ra laimi khua tu kha kan cuan.

HEBRU 6:20

Cuka ah cun kanmah aiawh in Jesuh kha kan hlanah a rak lut cang i Melkhizedek tlangbawi sining in zungzal Tlangbawi Ngan ah a cang.

HEBRU 9:8

Hi bantukin thil umtuning a simi kong hin Thiang Thlarau nih fiang tein a kan cawnpiakmi cu, lenglei thlam a um chung paoh kha cu Hmun Thiang Bik chung i va luhnak lam kha a awng rih lo, ti a si.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

BIAPHUAN 21:2

Cun Khua Thiang, Jerusalem thar kha Pathian sinin vancung in a rung ṭum cu ka hmuh, va ngei lai ngaknu nih a va ding ton awkah aa ṭamh bantuk khin aa ṭamh.

BIAPHUAN 3:12

Teitu a simi cu ka Pathian biaknak inn chungah khan tungpi ah ka ser lai i cu biakinn cu zeitikhmanh ah a chuahtak lai lo. Amah cungah cun ka Pathian min kha ka ṭial lai i ka Pathian khualipi, a min Jerusalem thar a simi zong kha a cungah cun ka ṭial lai. Cu khualipi cu ka Pathian sinin vancung khin a rung ṭum lai. Cun a cungah cun ka min thar zong ka ṭial fawn lai.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.