JOHAN 14:12 - Lai (Hakha) Common Language Bible 2006

¹² Biatak kan chimh hna: Keimah a ka zummi paoh nih ka tuahmi thil hi an tuah khawh ve lai — hi hna nakin a ngan deuhmi hmanh an tuah khawh hna lai, zeicah ti ahcun, ka Pa sinah ka kal lai caah a si.

Laibaibal Thiang (BSI)

¹² Biataktein, biataktein, kan chimh hna, Aka zumtu nih cun ka tuahmi thil hi a tuah ve lai; Ka Pa sinah ka kal lai caah hi nâk ngan zong a tuah te lai.

JOHAN 14:12 Iomraidhean Croise

MATTHAI 21:21

Jesuh nih cun, “Hihi philh hlah u: nan zumh i lung awṭawm lo tein nan um ahcun, hi theipi kung cung i ka tuahmi hi nan tuah khawh ve lai; cu lawng hmanh si loin hi tlang hmanh hi, ‘I ṭhial law rili chungah i paih,’ nan ti ahcun aa ṭhial lai i aa paih ko lai.

MARKA 11:13

Lamhlat nawn khin a hnah a ṭha ngaimi theipi kung pakhat a hei hmuh i a tlai a um hnga maw tiah a hei fuh; sihmanhsehlaw a hei phak tikah, cu caan cu theipi tlai tik a si lo caah, a hnahpi lawng a rak si kha a va hmuh.

MARKA 16:17

A zummi pawl cu hi ṭhawnnak hmelchuhnak hi pek an si lai: ka min in khuachia an ṭhawl khawh hna lai, holh theih loin an holh lai,

JOHAN 14:28

‘Kan kaltak hna lai, sihmanhsehlaw nan sinah ka ra ṭhan lai,’ ka ti pei nan theih ko kha. Nan ka dawt ahcun ka Pa sin i ka kal lai hi nan i lawm lai, zeicahtiah amah cu keimah nakin a ngan deuh.

JOHAN 16:7

Sihmanhsehlaw biatak kan chimh hna: ka kal hi nan caah a ṭha deuh, zeicahtiah keimah ka kal lo ahcun Bawmtu kha nan sinah a ra kho lai lo. Ka kal ahcun amah cu nan sinah ka ratter lai.

JOHAN 4:37

‘Pakhat nih a tuh i pakhat nih a zun,’ timi bia cu ahmaan ngaingaimi bia a si.

JOHAN 5:20

Zeicahtiah ka Pa nih khan a ka dawt i a tuahmi vialte kha Fapa hi a ka hmuhsak dih. Hi nakin a ngan deuhmi hmanh hi tuah awkah a ka hmuhsak lai i nan khuaruah a har lai.

JOHAN 7:33

Jesuh nih cun, “Caan tlawmpal chung cu nan sinah hin ka um rih lai i cu hnuah cun a ka thlahtu sinah ka kal lai.

JOHAN 7:39

Jesuh nih a chim duhmi cu Thlarau kong kha a si, cu Thlarau cu amah a zummi paoh nih an hmuh ding kha a si. Cu caan ah cun Thlarau cu pek an si rih lo, zeicahtiah Jesuh cu sunparnak in thawhter a si rih lo.

LAMKALTU 10:46

Zeicah ti ahcun, holhtheihlo in an holh le Pathian lianhngannak an thangṭhat kha an theih hna caah a si. Cun Peter nih cun,

LAMKALTU 16:18

Cuticun ni tampi a au lengmang hnuah Paul cu a ing a puanh i a hnulei ah aa mer i khuavang cu, “Jesuh Khrih min in amah chung khan chuak kan ti,” tiah a ti. Cu cangka cun khuachia cu a chung khan a chuak.

LAMKALTU 19:12

A pavuah le a hngawngngerh hna hmanh kha mizaw sin i an hei kalpi hna tikah an zawtnak kha a dam i an chungin khuachia kha an chuak.

LAMKALTU 2:33

Pathian orhlei kamah khan ṭhutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.

LAMKALTU 2:41

Mi tampi nih a bia cu an zumh i tipil kha an in; cu ni ah cun an bu ah mi thong thum tluk an i chap.

LAMKALTU 4:16

“Zeitindah hi mi hna hi kan tuah hna lai? Jerusalem khua chung i a ummi vialte nih, hi thil theihtlei khuaruahhar hi, hi mi hna nih hin an tuah ti cu an hngalh dihmi a si ko i kannih nih, a si lo, kan ti kho fawn ṭung lo.

LAMKALTU 4:33

Lamkaltu hna nih khan Bawipa Jesuh thihnak in a thawhṭhannak kong kha fak piin an chim i Pathian nih an dihlak in thluachuahnak tampi a pek hna.

LAMKALTU 4:4

Sihmanhsehlaw an chimmi a theimi mi tampi nih khan an zumh i an dihlak ah thong nga hrawng an hung si.

LAMKALTU 5:15

Lamkaltu hna rianṭuannak thawng cun, mizaw hna cu khuachung lam ah khan an chuahpi hna i Peter aa chawh tikah khan pakhat pahnih tal kha a thla nih tawng hna seh tiin ihkhun cung le pher cungah khan an chiah hna.

LAMKALTU 6:7

Cuticun Pathian bia cu a karh chin lengmang. Jerusalem khua chungah khan a zummi cu an tam chin lengmang i tlangbawi tampi zong nih cu zumhnak cu an pom ve.

LAMKALTU 8:7

Mi tampi chungin khuachia kha aupah in an chuak i a zengmi le a beimi mi tampi kha damnak an hmu.

LAMKALTU 9:34

Peter nih cun a thawh i, “Ainias, Jesuh Khrih nih an damter cang. Tho law na ihphah kha zual,” tiah a ti. Chikkhatte ah khin Ainias cu a tho.

LAMKALTU 9:40

Peter nih an dihlak in a chuahter hna i a khuk aa bil i thla a cam; cun miruak leiah khan a hei i mer i, “Tabitha, tho tuah,” tiah a ti. A mit kha a hun au i Peter kha a hmuh tikah a hung ṭhu.

ROM 15:19

Thiang Thlarau ṭhawnnak in siseh, Khrih nih keimah hi hmang in a tuahmi lawng cu ka chim ko lai. Cucaah Jerusalem in Illirikum tiang khual ka rak tlawn tawn ah khan Khrih kong Thawngṭha kha tlamtling tein ka chim.