JOHAN 14:10 - Lai (Hakha) Common Language Bible 2006

¹⁰ Keimah cu ka Pa chungah ka um i ka Pa cu keimah chungah a um kha na zum lo maw, Filip? Nannih kan chimhmi hna bia hi keimah chungin aa thawkmi an si ṭung lo, ka chung i a ummi ka Pa rianṭuannak pei an si cu.

Laibaibal Thiang (BSI)

¹⁰ Pa i ka um le, keimah i Pa a um hi na zum lo maw? Nan sin i ka chimmi bia hna hi keimah nawlngeihnâk in ka chim lo, keimah i a ummi Pa rianṭuan a si.

JOHAN 14:10 Iomraidhean Croise

JOHAN 10:30

Ka Pa le keimah cu pakhat kan si,” tiah a ti.

JOHAN 10:38

sihmanhsehlaw ka ṭuan a si ahcun, keimah nan ka zumh lo hmanh ah ka tuahmi tal hi nan zumh awk a si. Cun nannih nih ka Pa cu ka chungah a um i kei cu ka Pa chungah ka um kha nan hngalh lai,” tiah a ti.

JOHAN 11:26

Cun ahohmanh a nung i keimah kha a ka zummi cu an thi bal lai lo. Hihi na zum maw?” a ti.

JOHAN 12:49

Zeicahtiah, keimah nawl in ka chim lo, ka chimmi cu a ka thlahtu ka Pa nih na chim lai tiah a ka fialmi kha an si.

JOHAN 14:11

Ka Pa chungah ka um i ka Pa cu ka chungah a um kha zum ko u. Cucu nan zumh khawh lo a si le hi thil ka tuahmi hna ruang tal ah hin zum ko u.

JOHAN 14:20

Cu ni a phak tikah cun kei cu ka Pa chung i ka um le nan chung i ka um bantukin nannih zong ka chung i nan um kha nan hngalh lai.

JOHAN 14:24

A ka daw lomi paoh nih ka bia kha an ngai lo. Ka chimmi bia nan theihmi hi keimah bia a si lo, a ka thlahtu ka Pa bia a si.

JOHAN 17:8

Na ka pekmi bia kha ka chimh hna i annih nih an cohlan; nangmah sinin a rami ka si kha a si taktak tiah an hngalh i nangmah i na ka thlah kha an zumh.

JOHAN 3:2

Zan khat cu Jesuh sinah khan a va kal i, “Rabbi, nangmah cu Pathian thlahmi cawnpiaktu saya na si ti kha kan hngalh. Pathian nih a umpi hna lo ahcun, hmelchunhnak na tuahmi hi ahohmanh nih an tuah kho lai lo,” tiah a ti.

JOHAN 5:17

Jesuh nih cun annih cu a thawh hna i, “Ka Pa cu rian a ṭuan zungzal i cucaah kei zong nih ka ṭuan ve awk a si,” tiah a ti.

JOHAN 5:19

Cucaah Jesuh nih annih cu a leh hna i, “Biatak kan chimh hna: Fapa nih hin keimah nawl lawngin zeihmanh ka tuahmi a um lo; ka Pa nih a tuahmi ka hmuhmi lawng kha ka tuah hna. Ka Pa nih a tuahmi cu Fapa zong nih ka tuah ve hna.

JOHAN 7:16

Jesuh nih cun, “Kan cawnpiakmi hna hi keimah cawnpiakmi a si lo, a ka thlahtu ka Pa sinin a rami cawnpiaknak a si.

JOHAN 8:28

Cucaah Jesuh nih a thawh hna i, “Nannih nih Mi Fapa cu nan taar tikah, Keimah cu Keimah Ka Si Ko timi ka si kha nan hngalh lai; cun keimah nawl lawngin zeihmanh ka tuah lo le ka Pa nih a ka cawnpiakmi lawnglawng ka chim kha nan hngalh lai.

JOHAN 8:38

Ka Pa nih a ka hmuhsakmi kong kha ka chim, sihmanhsehlaw nannih cu nan pa nih an chimhmi hna kha nan tuah,” tiah a ti hna.

JOHAN 8:40

Chimh kan zuam lengmangmi hna cu Pathian sinin ka theihmi biatak kha a si. Asinain nannih nih cun thah tu nan ka zalh. Cu bantuk cu Abraham nih zeihmanh a tuah ṭung lo.

LAMKALTU 10:38

Cu thil lianngan cu, zeitindah Pathian nih Nazareth khuami Jesuh kha Thiang Thlarau le ṭhawnnak a toih i Pathian nih a umpi caah zeitindah khuazakip ah aa chawh i khuachia ṭhawnnak tangah a ummi vialte a damter hna kha a si.

2 KORIN 5:19

Cucaah kannih kan biapi cu, Pathian nih mi vialte kha Khrih thawngin hawi ah a ser hna, ti hi a si. Pathian nih an sualnak kha anmah sual phawtnak ding caah cazin chungah a khumhpiak hna lo i kannih cu a hawi i a ser hnanak bia chim kha a kan fial.

KOLOSE 1:19

Fapa nih Pathian sinak tlamtling tein a chungah a ngeih cu Pathian biakhiahnak thawngin a si.

KOLOSE 2:9

Zeicahtiah Pathian sining cu tling khitkhet tein Khrih a minung sinak ah khan a um i

1JOHAN 5:7

Tehte a khaangtu pathum an um: