JOHAN 13:4 - Lai (Hakha) Common Language Bible 2006

⁴ rawl an ei lioah cun cabuai khan a tho i a puan aa chiah hnuah kut hnawhnak puan kha a lak i a tai ah aa menh i

Laibaibal Thiang (BSI)

⁴ zanriah an ei khawh in a tho i angki fual phoih in hmaihmawhnâk puan a lak i â venh.

JOHAN 13:4 Iomraidhean Croise

2 SIANGPAHRANG 3:11

Cun Jehoshafat nih a thawh i, “Hika ah hin Bawipa a kan halpiaktu ding Bawipa profet aho tal an um lo maw?” tiah a ti. Cu tikah Israel siangpahrang sinum pakhat nih a leh i, “Elijah kut i ti a rak toihtu Elisha, Shafat fapa kha hika ah hin a um ko,” tiah a ti.

LUKA 12:37

An bawipa nih inn a phak tikah i hlau le ralring tein a rak ummi a sal hna caah cun lunglawmh awk a va si dah! Hihi kan chimh hna: a taisawm kha aa sawmh lai i a ṭhutter hna lai i a bultawl hna lai.

LUKA 17:7

“Abiana ah sinum pakhat hei ngei u law, cu nan sinum cu lei hei thuang seh law, asiloah, tuu hei khal seh law, lo in inn i a hung tlun tikah, ‘I rianranh law rawl kha ei,’ nan ti lai maw?

LUKA 17:8

Ti hlah. Nan i thawh lai i, ‘Ka zanriah kha hei tim, cun rawl ka ei lio le ka din lioah na angki leng kha i hruk law ka bultawl, cu hnuah cun na ei ve te lai i na din ve te lai,’ nan ti deuh lai.

LUKA 22:27

Ahodah a ngan deuh? Rawl ei awkah a ṭhumi kha maw rawl a petu kha dah? Chim hau loin a ṭhumi kha a ngan deuh. Sihmanhsehlaw kei cu nan lakah rawl petu bantukin ka um.

JOHAN 13:12

An ke a ṭawl dih hna cun Jesuh nih a puan kha aa aih ṭhan i cabuai i a ṭhutnak ah khan a ṭhu ṭhan. “Atu i kan tuahpiakmi hna kha a sullam nan hngal maw?” tiah a hal hna.

2 KORIN 8:9

Nannih nih kan Bawipa Jesuh Khrih vel kha nan hngalh ko: a rum nain nanmah ruangah sifak ah a cang, cuti a can cu a sifahnak khan nannih kha rumter an duh hna caah a si.

1JOHAN 3:11

A hramthawk tein nan rak theih lengmangmi bia cu hihi a si: pakhat le pakhat kan i daw lai, ti hi.