JOHAN 13:34 - Lai (Hakha) Common Language Bible 2006

³⁴ Nawlbia thar kan pek hna: pakhat le pakhat i daw u. Keimah nih kan dawt hna bantuk hin pakhat le pakhat nan i dawt awk a si.

Laibaibal Thiang (BSI)

³⁴ Nawlpêk thar kan pêk hna; pakhat le pakhat i daw u, keimah nih kan dawt hna bantukin pakhat le pakhat i daw u.

JOHAN 13:34 Iomraidhean Croise

SALM 119:63

Na rian a ṭuanmi hna cu ahohmanh an si ah ka hawikom an si, na phunglam a zulmi hna i an hawikom ka si.

SALM 16:3

Bawipa mi, zumhawktlak a simi hna cu, zeitluk in dah an ṭhat! Anmah he um ṭi cu kaa lawmhnak ngan bik a si.

LEVITIKAS 19:18

Nangmah na phun hawi cungah phu na hlam lai lo, na lung chungin huatnak zong na pawi lai lo, sihmanhsehlaw na innpa cu nangmah naa dawt bantukin na dawt lai: keimah hi Bawipa cu ka si.

LEVITIKAS 19:34

Nannih an pemmi hna khual cu nannih lak i nanmah rammi bantuk a si lai i nangmah naa dawt bantukin na dawt lai; zeitintiah nannih zong Izipt ram ah khual nan rak si: kei cu Bawipa nan Pathian ka si.

MATTHAI 5:44

Sihmanhsehlaw kei nih cun, hitihin kan ti hna: nan ral kha va daw hna u law an hremtu hna kha thla va campiak hna u,

JOHAN 15:17

Cucaah nawl kan pekmi hna cu hihi a si: pakhat le pakhat i daw u,” a ti.

JOHAN 17:21

An dihlak in pakhat an si nakhnga thla ka cam. Ka Pa, keimah cu nangmah chungah ka um i nangmah cu keimah chungah na um bantuk hin annih zong kan chungah um ve hna seh.

ROM 12:10

Pakhat le pakhat kha Khrih ah u le nau bantukin i daw cikcek u law pakhat le pakhat kha i hmaizah u.

ROM 13:10

A innpa a dawmi nih cun a innpa cungah ṭhat lonak a tuah bal lo. Cucaah Nawlbia tling tein zulh cu dawt hi a si ko.

ROM 13:8

Ahohmanh lei i ba hlah u — nan i batmi cu pakhat le pakhat i dawt lawng kha si ko seh. A minung hawi a dawmi paoh nih cun Nawlbia kha a zulh a si ko.

GALATI 5:22

Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

GALATI 6:10

Cucaah a caan kan ngeih fate, mi cungah ṭhatnak tuah kha i zuam u si law zumhnak lei i kan rualchan a simi hna cungah khan i zuam khun u sih.

GALATI 6:2

Pakhat le pakhat nan thilrit kha i chawng u law cuticun Khrih nawlbia kha nan zulh a si lai.

EFESA 5:2

Khrih nih a kan dawt i a nunnak kha kan caah a pek bantukin, kannih zong kan nunnak cu dawtnak nih a uk ve awk a si. Khrih nih kan ca i a pekmi a nunnak cu Pathian duhmi raithawinak le pekchanhmi rimhmui cu a si.

KOLOSE 1:4

Zeicahtiah Khrih Jesuh nan zumhnak le Pathian mi nan dawtnak hna kong kha kan rak theih.

1THESALON 3:12

Bawipa nih pakhat le pakhat nan i dawtnak le mi vialte nan dawtnak hna kha ṭhanter seh law kanmah nih kan in dawtnak hna tlukin nganter seh.

2 THESALON 1:3

U le nau hna, nanmah ruangah Pathian cu a zungzal in kan lawmh. Nannih nan zumhnak kha a ṭhan i pakhat le pakhat nan i dawtnak le midang nan dawt hnanak kha a ngan chinchin caah, cu ti Pathian kan lawmh cu ahmaanmi thil a si.

HEBRU 13:1

Khrih chungah unau nan si bantukin pakhat le pakhat i daw zungzal u.

JEIM 2:8

Cathiang chungah a ummi Pennak nawlbia kha nan zulh ahcun ahmaanmi thil nan tuah a si. Cu nawlbia cu, “Na innpa kha nangmah naa dawt bantukin na dawt lai,” ti a si.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

2 PETER 1:7

Pathian ṭihzahnak ah khan unau bantukin i dawtnak i chap u law unau bantukin i dawtnak ah khan zawnruahnak i chap u.

1JOHAN 3:11

A hramthawk tein nan rak theih lengmangmi bia cu hihi a si: pakhat le pakhat kan i daw lai, ti hi.

1JOHAN 3:23

Cun nawl a kan pekmi cu: A Fapa Jesuh Khrih min zumh le Khrih nih nawl a kan pek bantukin pakhat le pakhat i dawt hi a si.

1JOHAN 4:21

Cucaah Khrih nih a kan fialmi cu hihi a si: Pathian a dawmi nih cun nan unau kha nan dawt hrimhrim hna lai.

2 JOHAN 1:5

Cucaah cun ka dawtmi Bawinu, pakhat le pakhat i daw hna u sih. Hihi nawlbia thar kan kuatmi a si lo, a hramthawk tein kan rak ngeih cangmi nawlbia kha a si ko.