JOHAN 13:19 - Lai (Hakha) Common Language Bible 2006

¹⁹ Thil cu a hung si taktak tikah keimah hi amah cu ka si ko, ti kha nan zumh khawh nakhnga, hi thil hi a si hlanah ka rak in chimh chung hna.

Laibaibal Thiang (BSI)

¹⁹ A cân a phâk hlan in kan chimh hna, a phâk tikah keimah hrimhrim ka si tiah nan zumh khawh nâkhnga.

JOHAN 13:19 Iomraidhean Croise

ISAIAH 41:23

Hmailei thil um ding kha kan chim tuah u — cu ti nan chim khawh ahcun pathian nan si kha kan hngalh lai. Ṭhatnak pakhat tal, chiatnak pakhat tal tuah u law cuticun thinphang awlok chong in kan um lai i cuticun ta pathian nan si le si lo cu kan hngalh fam hnga.

ISAIAH 43:10

“Israel mi hna, ka tehte cu nanmah hi nan si, tiah Bawipa nih a ti; ka sal si awkah ka thimmi cu nanmah hi nan si, cucaah cun nan ka hngalh i nan ka zumh awk a si, keimah lawnglawng hi Pathian cu ka si ti kha nan hngalh awk a si. Keimah hleiah pathian dang zeihmanh an um lo, an rak um bal lo i hmailei zongah an um bal lai lo.

ISAIAH 48:5

Nan hmailei caan cu hlanpi in ka rak chimchung cang, thil cu an hung um hlanah ka rak thanh chung cang, zeicahtiah cucu nan siasal nih an tuahmi a si nan ti nakhnga lo le nan thirdar milem nih an tluntermi a si nan ti khawh nakhnga lo caah a si.

MALAKHI 3:1

Zohhmanh, ka hmaiah ka lam a sialtu ding ka lamkal ka thlah lai. Nan kawlmi Bawipa cu chikkhatte ah a biakinn ah a ra lai; nannih nih nan duhmi biakamnak lamkaltu cu hika ah a ra cang, hika ah hin a um cang, tiah ralkapbu Bawipa nih a ti.

MATTHAI 11:3

“ ‘A ra dingmi cu nangmah hi na si maw, asiloah, midang dah kan hngah rih lai,’ tiah va hal u,” a ti hna.

MATTHAI 24:25

Ngai hmanh u. A hlankan in hihi kan chimchung hna hih.

LUKA 21:13

Cucu nan ca i Thawngṭha chimnak caan ṭha a si lai.

JOHAN 1:15

Johan nih amah kong cu a rak chim i, “ ‘Amah cu ka hnu in a rami a si, sihmanhsehlaw ka chuah hlan in a rak um cangmi a si caah keimah nakin a ngan deuh,’ tiah ka rak in chimhmi hna kha amah hi a si,” tiah a au.

JOHAN 14:29

Thil a hung si taktak tikah nan zumh khawh nakhnga, mah hihi a hlankan in ka rak in chimhchung hna.

JOHAN 16:4

Hi bantukin nan cung i an tuah caan kha a phak tikah, nannih nih a rak kan chimh cang ti kha nan lung ah a hung pem nakhnga hi bia hi kan chimh hna,” a ti. “Keimah kha nan sin i ka rak um ko caah hi bia hi a hramthawkte khan ka rak in chim hna lo.

JOHAN 4:26

Jesuh nih cun a vun leh i, “Amah cu keimah hi pei ka si cu, nangmah he bia aa ruah lengmangmi hi,” tiah a ti.

JOHAN 8:28

Cucaah Jesuh nih a thawh hna i, “Nannih nih Mi Fapa cu nan taar tikah, Keimah cu Keimah Ka Si Ko timi ka si kha nan hngalh lai; cun keimah nawl lawngin zeihmanh ka tuah lo le ka Pa nih a ka cawnpiakmi lawnglawng ka chim kha nan hngalh lai.

JOHAN 8:58

Jesuh nih cun, “Biatak kan chimh hna: Abraham hlanah ka um cang,” tiah a leh hna.