JOHAN 13:18 - Lai (Hakha) Common Language Bible 2006

¹⁸ “Hi ka chimmi hi nan dihlak in kan ti duh hnanak a si lo; ka thimmi cu ka hngalh ko hna. Sihmanhsehlaw ‘Ka rawl a eimi kha ka ral ah a cang’ tiah cathiang nih a timi kha a tlin awk a herh.

Laibaibal Thiang (BSI)

¹⁸ Nan dihlak kong ka chim lo. Ka thimmi cu ka hngalh. Asinain cathiang nih, “Ka changreu â hrawmmi nih, a kedil ka cungah a chuan, tiah a chimmi tlinnâk ding caah a si.

JOHAN 13:18 Iomraidhean Croise

SALM 41:9

Ka hawi ṭha bik, ka zumh bikmi, rawl a ka hrawng lengmangmi hmanh kha ka ral ah a cang.

JEREMIAH 41:2

Nethaniah fapa Ishmael le mi pahra hna nih cun Safan fapa Ahikam i fapa Gedaliah, Babilon siangpahrang nih ram uktu bawi ah a sermi cu an thawhhnawh i vainam in an thah.

MATTHAI 10:36

nan ral ṭhalo bik hna cu nanmah innchungkhar chung mi lila an si lai.

MATTHAI 26:21

Rawl an ei lioah cun, “Nan lak i pakhat nih hin nan ka rawi lai,” tiah a ti hna.

MATTHAI 26:23

Jesuh nih cun, “Ka changreu ka hnimnak kheng i a changreu a hnim vemi nih hin a ka lei lai.

MARKA 14:17

Ni a tlak hnuah Jesuh le zultu hleihnih cu an ra.

MARKA 14:18

Cabuai i rawl an ei lioah khan Jesuh nih a thawh hna i, “Nan lak i pakhat nih hin nan ka rawi lai, ka sin i rawl a eimi nih hin,” tiah a ti.

MARKA 14:20

Jesuh nih cun a leh hna i, “Nannih hleihnih lak i pakhat hi nan si lai, kheng chung i keimah he a changreu a hnimṭitu hi nan si ko lai.

LUKA 22:21

“Sihmanhsehlaw zohhmanh u. Keimah a ka rawitu cu ka sinah cabuai ah hin a um ko.

JOHAN 13:21

Cu bia a chim dih in Jesuh nih cun lung sivang ngaingai in, “Biatak kan chimh hna: nanmah lak i pakhat nih nan ka rawi lai,” tiah a ti hna.

JOHAN 13:22

A zultu hna cu pakhat le pakhat an i zoh i, ahodah a kan chimhnawhchan hnga tiah ar koin an um.

JOHAN 13:26

Jesuh nih cun, “Mehhang ah changreu kha ka hnim lai i ka pekmipa cu a si lai,” tiah a leh. Changreu dar khat kha a lak i a hnim hnuah Simon Iskariot fapa Judas kha a pek.

JOHAN 15:16

Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.

JOHAN 15:19

Vawlei ta rak si u law cu, vawlei nih cun amah ta bantukin an dawt ko hna hnga. Sihmanhsehlaw keimah nih hi vawlei chung hin kan thim hna i amah ta nan si ti lo caah an huat hnanak cu a si.

JOHAN 15:25

Cucu a si awk a si ko, zeicahtiah cuticun pei an Phung chung i, ‘Zei ruang lo ah an ka huat,’ tiah aa ṭialmi kha a tlin khawh ding a si cu.

JOHAN 17:12

Annih sin i ka um lioah hin cun, na ka pekmi hna cu na min ṭhawnnak in ka huhphenh hna i him tein ka chiah hna. A tlau ding a rak si hrimmi dah kha ti lo cu pakhat hmanh an tlau lo — kha zong kha Cathiang a tlin nakhnga caah a si ko.

JOHAN 18:32

(Jesuh nih zei bantuk thihnak dah ka in lai tiah a rak chimchungmi a tlinnak ding caah hi bangin thil a hung um cu a si).

JOHAN 19:24

Ralkap nih cun, “Hi hi cu thlek hlah u sih, camcawhfung tu in zuk u sih,” tiah an i ti i cuticun Cathiang nih, “Ka hnipuan cu an i ṭhen i Ka angki caah camcawhfung an zuh,” tiah a timi kha a hung tling. Cuticun ralkap nih cun an tuah.

JOHAN 19:36

Cathiang nih, “A ruh pakhat hmanh khiah a si lai lo,” tiah a rak timi tlinnak caah khan a si.

JOHAN 21:17

Cun Jesuh nih cun, “Johan fapa Simon, na ka daw maw?” tiah a ti ṭhan hoi. Jesuh nih, voi thum tiang, na ka daw maw, tiah a hal caah khan Peter cu a ngaih a chia i, “Bawipa, nangmah nih zeizong vialte na hngalh dih, kan dawt cu na hngalh ko hen cu,” a ti. Jesuh nih cun, “Ka tuu kha zohkhenh hna.

JOHAN 6:70

Jesuh nih cun a thawh hna i, “Nannih pahleihnih hi keimah nih kan thim hna lo mei? Asinain pakhat cu khuachia nan si ai!” a ti.

LAMKALTU 1:16

“Ka u le ka nau hna, Jesuh a tlaitu hna lam hruaitu Judas kong ah, Thiang Thlarau nih David ka in a chimchungmi bia, Cathiang chung i aa ṭialmi kha a tlin awk a herh.

LAMKALTU 1:2

a tuahmi thil vialte le a cawnpiaknak vialte kha ka ṭial. Vancung i a kal hlanah khan a lamkaltu caah a thimmi hna kha Thiang Thlarau thawngin a cawnpiak hna.

2 KORIN 4:5

Kanmah kong kha kan chimmi a si lo, kan chimmi cu Jesuh Khrih kha Bawipa a si i kannih hi Jesuh ruangah nan sal kan si, ti hi a si.

HEBRU 4:13

Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar i amah sinah cun kan kong cu kan i chim cio lai.

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.