JOHAN 13:13 - Lai (Hakha) Common Language Bible 2006

¹³ “Nannih nih kei cu, Saya le Bawipa nan ka ti i cucu ka si taktak caah nan ka ti cu ahmaan ko.

Laibaibal Thiang (BSI)

¹³ Nannih nih Cawnpiaktu le Bawipa nan ka ti, a ṭha ko, zeitintiah ka si taktak ko.

JOHAN 13:13 Iomraidhean Croise

JEREMIAH 1:12

Cun kei nih, “Tuan tein a parmi almond kung ka hmuh,” tiah ka ti. “Na hmaan, zeitintiah kaa tinhmi kha tlinter awkah tuan tein ka tho,” tiah a ti.

MATTHAI 20:28

Cuticun pei Mi Fapa hi a si cu, rian ṭuanpiak dingah ka rat ṭung lo, mi tampi an rian ṭuanpiak awk le annih tlanhnak ca i ka nunnak pek awkah pei ka rat cu,” tiah a ti hna.

LUKA 10:28

Jesuh nih cun, “Na bialehnak ahmaan; cucu va tuah law na nung lai,” tiah a ti.

LUKA 6:46

“Zeicahdah nannih nih, ‘Bawipa, Bawipa,’ nan ka ti len ko i kan chimhmi hna cu nan tuah ṭung lo?

LUKA 7:43

Simon nih cun a thawh i, “Ka ruahnak ah, tam deuh a ngaihthiammi nih khan ta a dawt deuh lai,” tiah a leh. “Na hmaan,” tiah Jesuh nih a ti.

JOHAN 11:2

(Cu Mary cu Bawipa ke ah zihmui a toih i a sam in a hnawttu kha a si; a zawmi Lazaruh cu amah ṭa cu a si).

JOHAN 11:28

Martha nih hi bia a chim dih khan a va kir i a nau Mary kha a thli tein a va auh. “Saya kha a ra cang i nangmah kha an hlam,” tiah a chimh.

JOHAN 11:3

Cu unau pahnih hna nih cun Jesuh cu bia an hei cah i, “Bawipa, na dawtmi na hawi kha a zaw,” an ti.

1 KORIN 12:3

Cucaah cun Pathian Thlarau i a hruaimi hna nih cun, “Jesuh cu chiat ko seh,” an ti kho bal lo i, Thiang Thlarau i a hruai hna dah ti lo ahcun, “Jesuh cu Bawipa a si,” an ti kho bal pek lo.

1 KORIN 8:6

sihmanhsehlaw kannih caah cun Pathian cu pakhat lawnglawng a um i amah cu kan Pa, zeizong vialte Sertu kha a si i kannih hi amah ca i a nungmi kan si; cun Bawipa cu pakhat lawnglawng a um i cucu Jesuh Khrih kha a si i amah thawng cun zeizong vialte kha ser an si i amah thawng cun kannih zong hi kan nung.

EFESA 6:9

Nannih bawi pawl, cu bantuk ṭhiamṭhiam in nan salle cungah khan um ve u, tlerh le khawnh kha hmang ti hlah u. Nanmah he nan salle he vancung i a ummi Bawi pakhat ta nan si kha hngal zungzal u, cu Bawi nih cun ahohmanh duhdanh loin bia a ceih hna ti kha philh hlah u.

FILIPI 2:11

Pathian kan Pa sunparnak caah cun lei vialte nih Jesuh cu Bawipa a si, an ti lai.

FILIPI 3:8

Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.

JEIM 2:19

Pathian cu pakhat lawng a si ti nan zumh. A ṭha ko. Khuachia zong nih cucu an zumh ve ko — an zumh ve ko i an ṭih caah a ther in an ther.