JOHAN 13:10 - Lai (Hakha) Common Language Bible 2006

¹⁰ Jesuh nih cun, “Aa kholh cangmi cu a pumpi tein a thian cang caah a ke dah ti lo cu i ṭawl ṭhan a herh ti lo. Nan dihlak in nan thiang dih — pakhat bel,” tiah a ti.

Laibaibal Thiang (BSI)

¹⁰ Jesuh nih, “Â khawlh cangmi cu an ke dah ti lo cu ṭawl a herh ti lo, a thiang dih ko, nannih cu nan thiang- nan dihlak bel si loin,” tiah a ti.

JOHAN 13:10 Iomraidhean Croise

PHUNGCHIMTU 7:20

Ṭhatnak a tuah zungzal i a sual bal lomi miding pakhat hmanh vawlei cungah hin an um hrimhrim lo.

SOLOMON HLA 4:7

Soinak um lo samthlai rem dawh tling, Lungkil ka dawt ṭha hlei cem si ci.

JEREMIAH 50:20

Cu caan a phak tikah Israel mi hna chungah sualnak hmuh a si lai lo i Judah mi hna chungah ṭhat lonak hmuh a si lai lo; zeicahtiah ka nuntermi hna cu an sualnak kha ka ngaihthiam hna lai, tiah Bawipa nih a ti.

LEVITIKAS 16:26

Azazel sinah meheh kha a thlahtu nih khan a hnipuan kha a suk lai i ti in a pum kha aa kholh lai i cu hnuah riahnak hmun chungah khan a lut lai.

LEVITIKAS 16:28

A khangtu hna nih a hnipuan kha a suk i a pum kha ti in aa kholh awk a si lai, cu hnuah riahhmun chungah a lut kho lai.

MATTHAI 6:12

Mi nih kan cungah ṭhat lonak an tuahmi kan ngaihthiam hna bangin Kan ṭhat lonak cu kan ngaithiam ve ko.

JOHAN 13:18

“Hi ka chimmi hi nan dihlak in kan ti duh hnanak a si lo; ka thimmi cu ka hngalh ko hna. Sihmanhsehlaw ‘Ka rawl a eimi kha ka ral ah a cang’ tiah cathiang nih a timi kha a tlin awk a herh.

JOHAN 13:9

Simon Peter nih cun, “Bawipa, a si ahcun, ka ke lawng ka ṭawl kun hlah, ka kut le ka lu zong ka ṭawl chih kun,” tiah a leh ve.

JOHAN 15:3

Nannih cu kan chimhmi hna bia thawngin nan thiang cang.

2 KORIN 5:17

Mi zeihmanh hi Khrih he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

1THESALON 5:23

Daihnak a kan petu Pathian nih cun amah ta ah in ser hna seh law nan sining piin, nan thlarau he nan nunnak he nan pum he, kan Bawipa Jesuh rat ni ah cun, palhnak um loin, in chia hna seh.

HEBRU 9:10

Cu laksawng le raithawinak hna nih an tuah khawhmi cu rawl kong le din awk kongkau le i thianhnak phunglam a phunphun lawng kha an si. Hi thil vialte hi lenglei phunglam lawng an si i, Pathian nih zeizong vialte a remh ṭhan caan ca tiang lawng an si.

JEIM 3:2

Kan dihlak hin palhnak kan tuah cio tawn. A biachim ah palhnak a tuah lomi cu mitling a si i a pum aa uk khomi a si.