JOHAN 13:1 - Lai (Hakha) Common Language Bible 2006

¹ Atu cu Lanhtak Puai lai ni kha a si cang. Jesuh nih hi vawlei hi kaltak i a Pa sin kal caan kha a phan cang tiah a hngalh. Hi vawlei cung i a ummi a mi kha a dawt zungzal hna i annih cu a dongh tiang hrimhrim in a dawt hna.

Laibaibal Thiang (BSI)

¹ Cuticun Lanhtâk Thô hlanah Jesuh nih vawlei hi chuah takin Pa sinah a kal cân a phâncang ti kha a hngalh, vawlei i a ummi a dawtmi ami le hna cu, a dongh tiangin a dawt hna.

JOHAN 13:1 Iomraidhean Croise

PHUNGTHLÛKBIA 8:31

Vawlei kha a ser dih tikah a cungah lente kaa celh i kaa nuamhnak cu minung hna chungah khan a si.

JEREMIAH 31:3

Lamhlat piin an sinah ka rung lang; Israel mi hna, nannih cu kan dawt zungzal hna i Dong loin kan zohkhenh zungzal ko hna.

MATTHAI 26:45

Cun a zultu hna sinah khan a ra kir ṭhan i, “Nan i hngilh i nan i din ko rih maw? Zohhmanh u, Mi Fapa cu misual mi hna kut chung i chanhnak caan kha a phan cang.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

LUKA 22:53

Nifate in pei nan sinah Biakinn ah ka um ko cu, tlaih nan ka zalh ṭung lo. Sihmanhsehlaw atu hi cu nanmah le muihnak ṭhawnnak nan caan a si,” tiah a ti hna.

LUKA 9:51

Jesuh cu vancung i laknak caan kha a nai cuahmah tikah a lung aa thlek i Jerusalem khua lei kal awkah khan aa thawh.

JOHAN 11:55

Judah mi Lanhtak Puai kha a nai i khuate khan mi tampi cu, puai hlan i thianhnak rak tuah awkah, Jerusalem khua ah khan an kal.

JOHAN 12:23

Jesuh nih cun, “Mi Fapa hi sunparnak nganpi pek ka si caan a phan cang.

JOHAN 13:29

Judas cu tangka zal tlaitu kha a si caah, a zultu a cheukhat nih cun, Jesuh nih khan Judas cu, puai ca i a herh ding changreu va cawk a fial rua, asiloah sifakmi kha zeilo va ṭhen hna a ti rua, tiah an ruah.

JOHAN 13:3

Jesuh nih cun ka Pa nih zeizong vialte kha ka kut chungah a ka pek dih i ka Pa sinin a rami ka si i ka Pa sinah ka kir ṭhan lai ti kha a hngalh caah

JOHAN 13:34

Nawlbia thar kan pek hna: pakhat le pakhat i daw u. Keimah nih kan dawt hna bantuk hin pakhat le pakhat nan i dawt awk a si.

JOHAN 14:28

‘Kan kaltak hna lai, sihmanhsehlaw nan sinah ka ra ṭhan lai,’ ka ti pei nan theih ko kha. Nan ka dawt ahcun ka Pa sin i ka kal lai hi nan i lawm lai, zeicahtiah amah cu keimah nakin a ngan deuh.

JOHAN 14:31

a si nain vawlei nih hin ka Pa ka dawt kha a hngalh khawh nakhnga ka Pa nih a ka fial bantukin ka tuah dih. “Tho u, kal u sih,” a ti hna.

JOHAN 16:28

Ka Pa sinin a rami ka si taktak i vawlei cungah hin ka ra; atu cu hi vawlei hin ka chuak lai i ka Pa sinah ka kal lai,” tiah a ti.

JOHAN 17:1

Jesuh nih bia a chim dih cun van lei kha a zoh i, “Ka Pa, a caan kha a cu cang. Na Fapa nih sunparnak kan pek ve nakhnga, na Fapa cu sunparnak ka pe ko.

JOHAN 17:16

Vawlei ta ka si lo bantuk hin annih zong vawlei ta an si ve lo.

JOHAN 17:26

Na ka dawtnak cu an chungah a um i kei zong an chungah ka um nakhnga, nangmah kong cu annih kha ka hngalhter hna i ka hngalhter ṭhan lengmang ko hna lai,” tiah a ti.

JOHAN 17:5

Cucaah Ka Pa, vawlei ser hlan i nangmah sin i ka rak ngeihmi sunparnak kha, atu ah hin na hmaika ah sunparnak ka pe tuah.

JOHAN 18:4

A cung i a tlung ding kha Jesuh nih cun a rak hngalh dih ko i cucaah cun hmailei ah a va chuak i, “Ahodah nan kawl?” tiah a ti hna.

JOHAN 19:28

Atu cu zeizong vialte kha a tling dih cang ti kha Jesuh nih cun a hngalh i Cathiang nih a rak chimmi tlinternak caah khan, “Ka ti a hal,” tiah a ti.

JOHAN 2:13

Judah mi Lanhtak Puai kha a nai dengmang cang i cucaah Jesuh cu Jerusalem khua ah khan a hung kal.

JOHAN 6:4

Judah mi Lanhtak Puai kha a nai cang.

JOHAN 7:30

Cun annih nih tlaih kha an zalh, sihmanhsehlaw ahohmanh nih an tlai kho taktak lo, zeicahtiah caan kha a rem deuh rih lo.

JOHAN 7:6

Jesuh nih cun, “Ka caah tuah caan a si deuh rih lo, nannih ca tu ah cun zei caan paoh hi a caan a si ko.

JOHAN 8:20

Hi bia Jesuh nih a chimnak hi biakinn chung, thawhlawm kuang an hun hnanak hmun i a cawnpiak hna ah khan a si. A caan a tlin rih lo caah ahohmanh nih an tlai lo.

ROM 8:37

Zeihmanh nih an kan ṭhen kho lai lo, hi thil vialte hna chung hin a kan dawtu thawngin kannih cu teitu hna nakin teitu kan si deuh.

1 KORIN 1:8

Amah nih cun a dongh tiangin fek tein an umter hna lai i kan Bawipa Jesuh Khrih Ni ah cun ahohmanh nih sual an in phaw kho hna lai lo.

HEBRU 3:14

Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

HEBRU 3:6

Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.

HEBRU 6:11

Nan i ruahchanmi cu a tlin nakhnga, bawmh duhnak lungthin nan ngeih tawnmi kha a dongh tiangin ngei cio ko u, ti kan in duh hna.

1 PETER 1:13

Cucaah nan lung in rianṭuan awkah timhcia tein um u. Ralring tein um u law, Jesuh Khrih a langh tikah nan hmuh laimi velngeihnak laksawng cungah khan nan i ruahchannak cu bunh ko u.

1JOHAN 4:19

Kannih nih Pathian kan dawt cu Pathian nih a kan dawt hmasa caah a si.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i