JOHAN 12:43 - Lai (Hakha) Common Language Bible 2006

⁴³ Minung sinin mithmai ṭha hmuh kha Pathian sin i hmuh nakkhan an duh deuh.

Laibaibal Thiang (BSI)

⁴³ Zeitintiah Pathian thangṭhatmi sinâk in minung thangṭhatmi si kha an thaihchan deuh.

JOHAN 12:43 Iomraidhean Croise

SALM 22:29

Miporhlaw vialte kha a hmaiah an kun lai, a thi khomi minung, a thi ding a si komi vialte hna kha a hmaiah an kun lai.

PHUNGTHLÛKBIA 29:25

Midang nih zeitindah an ka ruah hnga ti hi thil ṭihnung a si, sihmanhsehlaw Bawipa i bochan hi himnak a si.

MATTHAI 6:2

“Cucaah mi kha thil an herhmi nan pek hna tikah, mi depde pawl nih pumhnak inn le zatlang lam ah an tuah bantukin nan tuahmi cu vaa uangthlar hlah u. Annih nih cun, mi nih kan thangṭhat hna seh, tiin an tuah. Hihi philh hlah u! An tuah man cu tling tein pei an hmuh cang cu!

LUKA 16:15

Jesuh nih a thawh hna i, “Nannih hi minung mithmuh i miding aa lawhtermi pawl nan si, sihmanhsehlaw Pathian nih cun nan lungthin cu a hngalh ko. Zeicahtiah minung nih man sung ngai i an ruahmi cu Pathian mithmuh ah cun pakpalawng a si ko.

LUKA 19:17

Aa thawh i, ‘A ṭha, nangmah cu sal ṭha na si. Thil hmete ah zumhawktlak na si caah khua pahra uktu ah kan chiah lai,’ a ti.

JOHAN 12:26

Ahohmanh ka rian ṭuantu si nan duh ahcun keimah kha nan ka zulh hrimhrim lai, cucaah ka rian a ka ṭuanpiaktu cu ka umnak ah a um ve lai. Ka rian a ka ṭuanpiaktu cu ka Pa nih upatnak a pek hna lai,” tiah a leh hna.

JOHAN 5:41

“Mi sinin thangṭhatnak hmuh ding kha ka kawl lo.

JOHAN 5:44

Nannih cu pakhat nih pakhat sinin thangṭhatnak hmuh nan duh, asinain Pathian sinin thangṭhatnak hmuh cu nan i zuam lo; cucaah cun zeitindah zumhnak cu nan ngeih khawh bal hnga.

JOHAN 7:18

Mah duhning in mi a cawnpiak lengmangmi cu mah thangṭhatnak a kawlmi an si. Sihmanhsehlaw a thlahtu thangṭhatnak tu a duhmi cu lih chim lo tein a um i a chungah hrokhrawlnak zeihmanh a um lo.

JOHAN 8:54

Jesuh nih cun, “Keimah le keimah kaa upat a si ahcun kaa upatnak kha zeihmanh man a ngei lai lo. Keimah a ka upattu cu ka Pa kha a si — nanmah nih kan Pathian a si nan timi hrimhrim kha.

ROM 2:29

chunglei in Judah mi a si i a lung chungin cuarpar aa tanmi kha Judah mi taktak cu a si. Cucu ṭialmi Nawlbia rian ṭuannak kha si loin Pathian Thlarau rianṭuannak kha a si. Cu bantuk mipa cu minung sinin si loin Pathian sinin thangṭhatnak kha a hmu.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

2 KORIN 10:18

Zeicahtiah mi cu amah le amah kha ka ṭha tiin aa ruah tikah hin Pathian nih a cohlan a si lo i Bawipa nih a ṭha ti in a ruah lawngah hin a cohlan a si.

1THESALON 2:6

Khrih lamkaltu kan si bantukin a hnek zong kan in hnek kho ko hna hnga nain, ahohmanh nanmah zong midang zong, nan sinin thangṭhatnak hmuh kan i zuam lo. Nu nih a fale a zohkhenh hna bantuk tu in nan sinah khan nem tein kan um.

1 PETER 3:4

nan i dawhnak cu nan chung muru ah a um awk a si i cu nan i dawhnak cu a tar kho lomi nemnak le daihnak lungthin, Pathian mithmuh i a sung bikmi thil a simi kha a si.

1 SAMUEL 15:30

Cun amah nih khan, “Ka sual ko cang; sihmanhsehlaw atu cu ka mi hna i an upa hna hmai le Israel mi hmaiah hin upatnak ka pe law ka kirpi ko. Bawipa na Pathian cu ka biak nakhnga,” tiah a ti.

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.