JOHAN 12:29 - Lai (Hakha) Common Language Bible 2006

²⁹ Cuka i a ummi mibupi nih khan cu aw cu an theih i, “Khua a ri,” an ti. A cheu nih, “Vancungmi nih bia a chimh,” an ti.

Laibaibal Thiang (BSI)

²⁹ A pawng i a dirmi zapi hna nih an theih i khuari a si tiah an ti. Midang nih, ‘Vanmi nih Amah a rak chawnh a si cu,’ tiah an ti.

JOHAN 12:29 Iomraidhean Croise

JOB 40:9

Pathian kut bantuk kut na ngei maw? Amah aw bantukin khuarit in na ri kho maw?

EXODUS 19:16

Ni thumnak ni zingka ah cun tlang cungah cun khuari le ṭektla a um i khuadawm chahpi kha a um; tuukawng ki muko kha fak piin an tum. Riahhmun i a ummi vialte kha an thin a phang i an ther dih.

EXODUS 20:18

Mi zapi nih khan khuari thawng le tuukawng ki muko aw thawng kha an theih i nimtlau le tlang cung meikhu kha an hmuh hna tikah, a ther in an ther i lamhlat piin an dir.

EZEKIEL 10:5

Cherubim hna thla khawn thawng cu lenglei tual tiang khan aa thei kho i Lianngan Bik Pathian nih bia chim seh law cu bantuk cun a thang.

LAMKALTU 9:7

Saul he a kal ṭimi hna cu cipkhap ti loin an dir ko; aw cu an theih, sihmanhsehlaw ahohmanh an hmu hna lo.

BIAPHUAN 11:19

Vancung i a ummi Pathian biakinn cu a hun i a chung i biakamnak an chiahnak kuang kha a lang. Cun nimtlau a lek, ṭek a tla, khua a ri, li aa hnin i fak piin rial a tla.

BIAPHUAN 14:2

Cun tisor nganpi thawng bantuk le khuari thawng bantuk a simi aw pakhat kha vancung in ka theih. Cu ka theihmi aw cu tingtang tum thiammi nih tingtang in aw dawh an tummi bantuk a si.

BIAPHUAN 6:1

Cun Tuufa nih cakhenh pasarih chung i pakhatnak a phoih kha ka hmuh. Cun saram nung pali hna lak i pakhat nih khan khuari thawng bantuk a simi aw in, “Ra,” a ti kha ka theih.

BIAPHUAN 8:5

Cun vancungmi nih khan zihmui um cu aa lak i biakṭheng cung i a ummi mei kha a chungah cun a rawn i vawlei cungah a hlonh. Khua a ri; ṭek a tla, nimtlau a lek i li aa hnin.