JOHAN 12:26 - Lai (Hakha) Common Language Bible 2006

²⁶ Ahohmanh ka rian ṭuantu si nan duh ahcun keimah kha nan ka zulh hrimhrim lai, cucaah ka rian a ka ṭuanpiaktu cu ka umnak ah a um ve lai. Ka rian a ka ṭuanpiaktu cu ka Pa nih upatnak a pek hna lai,” tiah a leh hna.

Laibaibal Thiang (BSI)

²⁶ Ka rian a ṭuanmi pauh nih ka zul seh. Ka umnâk hmun pauh ah ka rianṭuantu zong a um awk a si. Ka rian a ṭuntu pauh cu ka Pa zong nih a thangṭhat ve lai.

JOHAN 12:26 Iomraidhean Croise

SALM 17:15

Kei tu nih cun ka sual lo caah na hmai kha ka hmuh lai i cun ka hun i hlauh tikah nangmah ka sin i na um caah lunglawmhnak in ka khat lai.

SALM 91:15

An ka auh tikah ka leh hna lai i harnak an in tikah ka umpi hna lai. Ka chuah hna lai i ka upat hna lai.

PHUNGTHLÛKBIA 27:18

Theipi kung a zohkhenhtu nih a thei a ei lai. A bawipa a kilvengtu nih upatnak a hmuh lai.

NAMBAR 14:24

Sihmanhsehlaw ka sal Kaleb cu lungthin dang a ngei i tling tein a ka zulh caah, a va kalnak ram ah khan ka luhpi lai i a tefa hna nih an co lai.

NAMBAR 32:11

‘Izipt ram in a chuakmi, kum kul in a cunglei paohpaoh nih, an ka zulh taktak lo caah, Abraham, Isak, le Jakob sinah pek awk i chiat ka sermi ram cu an hmu hrimhrim lai lo;

MATTHAI 16:24

Cun Jesuh nih a zultu cu a thawh hna i, “Ahohmanh nih zulh nan ka duh ahcun, nanmah le nanmah nan i philh i nan vailamtahnak nan i put i nan ka zulh a herh.

MATTHAI 25:21

A bawipa nih cun, ‘Sal ṭha, zumhawktlak sal, na tuahmi cu a ṭha ngaingai. Tangka tlawmte na lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiah a ti.

MARKA 8:34

Cun Jesuh nih mizapi le a zultu hna kha a auh hna i, “Zulh a ka duhmi paoh cu mah zawn aa ruat lomi nan si lai. Cun nan vailamtahnak kha nan i put lai i nan ka zulh lai.

LUKA 12:37

An bawipa nih inn a phak tikah i hlau le ralring tein a rak ummi a sal hna caah cun lunglawmh awk a va si dah! Hihi kan chimh hna: a taisawm kha aa sawmh lai i a ṭhutter hna lai i a bultawl hna lai.

LUKA 6:46

“Zeicahdah nannih nih, ‘Bawipa, Bawipa,’ nan ka ti len ko i kan chimhmi hna cu nan tuah ṭung lo?

LUKA 9:23

Cun annih cu an dihlak in a thawh hna i: “Ahohmanh nih zulh nan ka duh ahcun mah zawnruahnak kha nan ngol lai i ni fa tein nan vailam kha nan i put lai i nan ka zulh lai.

JOHAN 10:27

Ka tuu nih cun ka aw kha an ngaih, annih kha ka hngalh hna i an ka zulh.

JOHAN 13:16

Biatak kan chimh hna: sal cu a bawipa nakin a ngan deuh bal lo; fialmi zong a fialtu nakin a ngan deuh bal lo.

JOHAN 14:15

“Nan ka dawt ahcun ka nawlbia kha nan zulh hna lai.

JOHAN 14:3

Cun ka va kal lai i nan ca i ka va timh dih hnuah ka ra kir ṭhan lai i ka sinah kan lak hna lai, cun ka umnak ah nannih zong nan um ve lai.

JOHAN 15:20

‘Sal cu a bawipa nakin a ngan deuh bal lo,’ tiah kan chimhmi hna kha philh hlah u. Keimah kha an ka hrem ahcun nannih zong an in hrem ve ko hna lai; ka bia kha an ngaih ahcun nan bia zong kha an ngaih ve lai.

JOHAN 17:24

“Ka Pa, na ka pekmi hna hi ka umnak ah ka sin i umter i ka sunparnak, vawlei ser hlan in na ka dawt ca i na ka pekmi kha hmu hna seh ti ka duh.

JOHAN 21:22

Jesuh nih cun, “Ka rat ṭhan tiang a nun kha ka duh a si ah, cucu nang caah zeidah a poinak a um? A zulh tu ka zul ko,” tiah a leh.

ROM 1:1

Khrih Jesuh sal le Pathian nih a Thawngṭha chim awkah a thim i a auhmi lamkaltu keimah Paul nih ca kan kuat hna.

ROM 14:18

Cu bantukin Khrih rian a ṭuanmi paoh cu Pathian nih a lawmh hna i minung nih an thangṭhat hna.

2 KORIN 4:5

Kanmah kong kha kan chimmi a si lo, kan chimmi cu Jesuh Khrih kha Bawipa a si i kannih hi Jesuh ruangah nan sal kan si, ti hi a si.

2 KORIN 5:8

Cucaah ralṭha ngaiin kan um i hi pum kan inn hi kaltak i Bawipa sin i um cu kan i thim deuh suaumau hnga.

GALATI 1:10

Hiti ka chim tikah hin minung lungtlinnak kawl ning law cu ko cu ka lo maw? Cucu ka kawlmi a si lo. Pathian lungtlinnak tu kha ka duhmi cu a si. Zapi sinin thangṭhatnak kha hmuh kaa zuammi cu a si maw? Cucu a si ahcun, Khrih sal cu ka si hnga lo.

FILIPI 1:23

Thil pahnih karlak ah kaa tenh: hi nunnak hi kaltak i Khrih he um cu ka duh hringhran, cucu a ṭha deuh suaumaumi a si;

KOLOSE 3:24

Bawipa nih nan ṭuan man an pek hna lai kha philh hlah u; a mi ca i a chiahmi laksawng kha an pek hna lai. A rian nan ṭuanmi Bawi taktak cu Khrih kha a si.

KOLOSE 4:12

Nanmah mi a simi Epafras zong nih nan kut an tlaih hna, amah cu Khrih Jesuh sal a si. Nan caah thla a cam zungzal i fek tein nan dir nakhnga le nutling patling nan si nakhnga le nan zumhmi kha fiang tein nan hngalh nakhnga le a nawl kha tling tein nan zulh khawhnak hnga Pathian cu a hal zungzal.

2 PETER 1:1

Jesuh Khrih sal le lamkaltu a simi Simon Peter nih, Kan Pathian a dinnak thawng le kan Khamhtu Jesuh Khrih thawngin kan zumhnak tlukin a sunglawimi zumhnak a hmu vemi nan sinah ca kan kuat hna.

1JOHAN 5:3

Zeicahtiah, Pathian kan dawt ti cu a nawl kan zul tinak a si ko. Cun a nawlbia cu kan caah a har tuk lo,

JUDAS 1:1

Jesuh Khrih sal le Jeim nau a simi Judas nih, Pathian kawhmi, Pathian kan Pa dawtnak chung le Jesuh Khrih huhphenhnak chungah a ummi kha, ca kan kuat hna.

BIAPHUAN 14:4

Annih cu nu he um ṭi loin thiang tein a ummi an si; nu le pa sinak a hngal lomi an si. Tuufa kha a kalnak kip ah an zulh. A tang rihmi minung hna lakin tlanhmi an si i Pathian sin le Tuufa sinah pekchanh hmasa bikmi an si.

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.