JOHAN 12:16 - Lai (Hakha) Common Language Bible 2006

¹⁶ Cu caan ah cun a zultu hna nih khan cu thil a sullam cu an hngal lo, sihmanhsehlaw sunparnak ah thawhter a si tikah khan, amah kong ah hin, hi bantukin Cathiang nih a rak chim i an tuahmi kha amah an tuahpiak a rak si, ti kha an lung a hung pem.

Laibaibal Thiang (BSI)

¹⁶ Cuthil cu a hramthawk ah a lamkaltu hna nih an theithiam lo nain Jesuh thangṭhat a si hnu ah, cu bia cu ṭial a rak si i a cungah a tlungmi a si, tiah an hun hngalh ṭhân.

JOHAN 12:16 Iomraidhean Croise

MARKA 16:19

Jesuh nih bia a ruah dih hna cun vancung ah a kai i Pathian orhlei kamah khan a hung ṭhu.

MARKA 9:32

Cu cawnpiaknak cu a sullam an hngal lo, sihmanhsehlaw an hal ngam lo.

LUKA 18:34

A zultu hna nih khan hi thil kong hi zeihmanh an hngal lo; a bia sullam kha thuhkanh an si i Jesuh nih a chimmi a sullam kha an hngal lo.

LUKA 24:25

Cun Jesuh nih cun a thawh hna i, “Nan va hrut thiam dah! Profet nih an chimmi zumh kha nan vaa harh hringhran dah.

LUKA 24:45

Cun an lungthin kha a hun pemh hna i Cathiang sullam kha an hun hngalh.

LUKA 9:45

Sihmanhsehlaw cucu a sullam zeidah a si ti kha an hngal lo. An hngalh nakhnga lo thuhkanh an si i cu kong cu amah hal kha an ngamh fawn lo.

JOHAN 12:23

Jesuh nih cun, “Mi Fapa hi sunparnak nganpi pek ka si caan a phan cang.

JOHAN 14:26

sihmanhsehlaw ka Pa nih ka min in a run thlah laimi Bawmtu, Thiang Thlarau nih cun zeizong vialte kha an cawnpiak hna lai i kan chimhmi vialte hna kha nan lung an pemter hna lai.

JOHAN 16:4

Hi bantukin nan cung i an tuah caan kha a phak tikah, nannih nih a rak kan chimh cang ti kha nan lung ah a hung pem nakhnga hi bia hi kan chimh hna,” a ti. “Keimah kha nan sin i ka rak um ko caah hi bia hi a hramthawkte khan ka rak in chim hna lo.

JOHAN 17:5

Cucaah Ka Pa, vawlei ser hlan i nangmah sin i ka rak ngeihmi sunparnak kha, atu ah hin na hmaika ah sunparnak ka pe tuah.

JOHAN 2:22

Cucaah thihnak in thawhter a si tikah a zultu hna nih khan, mah hihi a rak chimmi a si, ti kha an lung ah a hung pem; cun Cathiang nih a rak chimmi le Jesuh nih a chimmi kha an zumh.

JOHAN 7:39

Jesuh nih a chim duhmi cu Thlarau kong kha a si, cu Thlarau cu amah a zummi paoh nih an hmuh ding kha a si. Cu caan ah cun Thlarau cu pek an si rih lo, zeicahtiah Jesuh cu sunparnak in thawhter a si rih lo.

LAMKALTU 2:33

Pathian orhlei kamah khan ṭhutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.

LAMKALTU 2:36

“Israel mi vialte hna, nannih nih vailam tahnak thing cungah nan khenh chihmi Jesuh hrimhrim hi Pathian nih Bawipa ah le Messiah ah a ser cang, ti kha fiang tein hngal u,” tiah a ti.

LAMKALTU 3:13

Abraham, Isak le Jakob Pathian, kan pupa hna Pathian nih khan a sal Jesuh cu Pathian sunparnak kha a pek cang. Amah cu nawl ngeitu hna sinah khan nan chanh i Pilat nih ka luatter ko lai a ti hmanh ah khan, Pilat hmai hrimhrim ah, nan hlawt ṭhiamṭhiam.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

HEBRU 8:1

Ka chimmi chungah a biapi bik cu hihi a si: cu bantuk Tlangbawi Ngan thengte cu kan ngei i amah cu vancung i a Lian Ngan Bik orhlei kam i a ṭhumi a si.