JOHAN 11:55 - Lai (Hakha) Common Language Bible 2006

⁵⁵ Judah mi Lanhtak Puai kha a nai i khuate khan mi tampi cu, puai hlan i thianhnak rak tuah awkah, Jerusalem khua ah khan an kal.

Laibaibal Thiang (BSI)

⁵⁵ Cun Judah mi Lanhtâk Thô a nai cang i Lanhtâk Thô hlanah i thenh dingin mi tampi khuate lei in Jerusalem ah an kal.

JOHAN 11:55 Iomraidhean Croise

GENESIS 35:2

Cucaah Jakob nih cun a innchungkhar le a sin i a ummi kha an dihlak in, “Nan i chiahmi ramdang pathian kha hlonh dih hna u; i thianh u law thil thiang i hruk u.

JOB 1:5

Cun an puai kha a dih tikah Job nih khan a auh hna i a thianh hna; zingkate in a tho i an milu tlingte khan khangh thawinak a pekchanhpiak tawn hna; zeicahtiah Job nih cun aa thawh i, “Ka fapale hna nih hin sualnak an tuah ko hnga i an lung chungin Pathian kha an vawlhpamh ko hnga,” tiah a ti. Cuticun Job nih a tuah lengmang tawn.

SALM 26:6

Maw Bawipa, ka sual lo langhnak caah ka kha kaa ṭawl i nangmah biak awkah na biakṭheng velchum ah kaa chawk.

EXODUS 19:10

Bawipa nih Moses cu, “Mi zapi sinah khin va kal law nihin le thaizing biaknak ding caah va timhlamhter hna. An thil kha su hna seh law

NAMBAR 9:10

“Israel mi cu va chim hna, nannih lak i mi pakhatkhat maw, nan tefa hna lak i pakhatkhat cu, miruak tawnghnak in a thur ahcun khual lam hla a tlawn ah maw, Bawipa sin lanhtak puai cu a ulh ṭhiamṭhiam ko lai.

NAMBAR 9:6

Cun mi zeimaw miruak a tawng i a thurmi, cucaah cu ni i lanhtak puai a ul kho lomi an um i, cu ni ah cun Moses le Aaron hmaiah an ra i,

MATTHAI 26:1

Jesuh nih hi bia vialte cu a chimh dih hna tikah a zultu pawl kha a thawh hna i,

MATTHAI 26:2

“Nan hngalh bantukin, hi hnu ni hnih ah, Lanhtak Puai kha a si cang lai, cun Mi Fapa cu vailam tahnak i khenhchih awkah tlaihter a si lai,” tiah a ti hna.

MARKA 14:1

Atu cu Lanhtak Puai le Thilnu Cawh Lo Changreu Puai kha ni hnih lawng a duh cang. Tlangbawi upa hna le Phungbia cawnpiaktu saya pawl hna kha, Jesuh cu a thli tein tlaih i thah khawhnak ding lam kha an kawl.

LUKA 22:1

Lanhtak Puai timi Thilnu Telhlo Changreu Puai kha a nai cang.

JOHAN 12:1

Lanhtak Puai hlan ni ruk ah Jesuh cu Bethani khua ah khan a kal; Bethani khua cu thihnak in a thawhtermi Lazaruh khua kha a si.

JOHAN 13:1

Atu cu Lanhtak Puai lai ni kha a si cang. Jesuh nih hi vawlei hi kaltak i a Pa sin kal caan kha a phan cang tiah a hngalh. Hi vawlei cung i a ummi a mi kha a dawt zungzal hna i annih cu a dongh tiang hrimhrim in a dawt hna.

JOHAN 18:28

Jesuh cu Kaiafas inn khan an chuahpi i Mangki bawi inn ah an kalpi. Cu caan cu zingkate a si. Judah mi cu mangki bawi inn chungah khan an lut lo, zeicahtiah phunglam lei in thian i cheh i Lanhtak Puai rawl ei khawh kha an duh.

JOHAN 2:13

Judah mi Lanhtak Puai kha a nai dengmang cang i cucaah Jesuh cu Jerusalem khua ah khan a hung kal.

JOHAN 2:6

Judah mi nih kut ṭawlnak kong ah phung an ngei i cu bantukin kut i ṭawlnak caah cun lung ralca paruk an chiah; ralca pakhat nih cun ti galan pakul le sawm thum karlak cio an tlum.

JOHAN 5:1

Cu hnuah cun Jerusalem khua ah Judah mi biaknak puai pakhat a um i cu ah cun Jesuh cu a hung kal.

JOHAN 6:4

Judah mi Lanhtak Puai kha a nai cang.

LAMKALTU 21:24

Anmah he cun va kal u law thianhnak phungphai an tuahmi kha va tuah ve law liam awk kha va liampiak hna; cun an lu kha an i met kho lai. Cuticun aho paoh nih na kong an rak chimhmi hna kha biatak aa tel lo tiah an hngalh lai i Moses Nawlbia ning tein khua a sami na si tu kha an hngalh lai.

LAMKALTU 21:26

Cucaah Paul nih khan mi kha a kalpi hna i a thaizing ah i thianhnak phungphai kha a tuahpi hna. Cun biakinn chungah khan a va lut i an i thianhnak caan a dongh tiangah ni zeizat dah a si lai i cu a dongh tikah an caah raithawinak tuah a herh cio lainak kong kha tlangbawi cu a va chimh.

LAMKALTU 24:18

Cu thil Ka tuah lioah cun biaknak inn chung i an ka hmuh hi a si i cu ah cun kan biaknak lei in i thianhnak phung kha ka tuah dih cang. Cu lioah cun ka sinah mibu zeihmanh an um lo i hnahnawhnak zeihmanh a um fawn lo.

1 KORIN 11:28

Cucaah ahohmanh nih amah le amah kha a lungthin i dap cikcek seh law cu hnuah chang cu ei seh law hrai cun ding seh.

JEIM 4:8

Pathian cu naih u law an naih ve hna lai. Misual mi hna, nan kut kha i ṭawl u. Miziathiam hna, nan lung kha i thianh u.

1 SAMUEL 16:5

Cun anih nih, “Daihnak in; Bawipa sin i raithawi awkah ka ra; nanmah kha i thianh u law, raithawinak ah cun ka sinah ra ve u,” tiah a ti hna. Cun Jesse le a fapa hna kha a thianh hna i raithawinak ah khan a sawm hna.