JOHAN 11:51 - Lai (Hakha) Common Language Bible 2006

⁵¹ A ngaingai ti ahcun, hi bia hi amah lungchuak in a chimmi a si lo; cu kum cu amah kha Tlangbawi Ngan a si bantukin, Jesuh cu Judah mi hna caah a thi lai ti kha a rak chimchung bia a si;

Laibaibal Thiang (BSI)

⁵¹ Cubia cu amah lungchuak chimmi zong a si lo, tlângbawi nganbik a si kum a si, cucaah an miphun dihlak ca i Jesuh a thihnâk ding a rak chimchungnâk tu a si,

JOHAN 11:51 Iomraidhean Croise

EXODUS 28:30

Biakhiahnak ṭangbenh chungah cun camcawhnak Urim le Thummim kha na chiah hna lai i Aaron cu Bawipa umnak chung i a vung luh tikah annih cu a ṭang cungah khan an um lai. Bawipa hmaika i a um tikah Aaron nih khan a ṭang cung in, Israel mi hna ca i biakhiahnak thilri kha aa phorh zungzal lai.

DANIEL 9:26

Zarh sawm ruk le zarh hnih a dongh tikah cun chiti thuhmi kha ahohmanh a hmun rolhtu um loin thah a si lai. A hun namtu bawi i a ralkapbu hna nih cun khuapi le Biakinn cu an hrawh hna lai. Donghnak cu tilian bantukin a ra lai i ahohmanh luat khawh lomi raldohnak rawhralnak a si lai.

NAMBAR 22:28

Cu tikah Bawipa nih laa cu a holhter i Balaam sinah cun, “Na cungah zeidah ka tuah i voi thum tiang na ka tuk?” tiah a ti.

NAMBAR 24:2

Cun Balaam nih khua a hei zoh i Israel mi cu an hrin an hrinning cio in riahhmun an khuar kha a hmuh hna. Pathian thlarau nih a cungah a rung i,

MATTHAI 20:28

Cuticun pei Mi Fapa hi a si cu, rian ṭuanpiak dingah ka rat ṭung lo, mi tampi an rian ṭuanpiak awk le annih tlanhnak ca i ka nunnak pek awkah pei ka rat cu,” tiah a ti hna.

JOHAN 11:49

Cun an lak i mi pakhat, a min Kaiafas a si i cu kum cu amah Tlangbawi Ngan a si kum a simi nih khan, “Zeihmanh nan hngal lo.

JOHAN 18:13

a hmasa bik ah Annas sinah khan an kalpi. Annas cu Kaiafas nupi pa a si; Kaiafas cu, cu kum i Tlangbawi Ngan rian a ṭuanmi a si.

1 KORIN 13:2

Phungchim thiamnak laksawng ka hei ngei ko hnga i hngalhnak phun tling ka hei ngei ko hnga i biathuk vialte ka hei hngalh dih ko hna hnga; cun tlang ṭhial khawhnak zumhnak zong ka hei ngei ko hnga, sihmanhsehlaw dawtnak ka ngeih lo ahcun zeihmanh ka si lo.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

GALATI 3:13

Sihmanhsehlaw Nawlbia nih a chuahpimi chiatsernak chung khan Khrih nih a kan tlanh cang, cu a kan tlanhnak cu kan ca i chiatserhmi i a cannak thawng khan a si i chiatserhmi a hung i can cu, Cathiang nih, “Thingkung cung i thlaimi paoh cu Pathian chiatserhmi an si,” a ti caah khan a si.

1 PETER 2:24

Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.

1 PETER 3:18

zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i

1JOHAN 2:2

Cun kan sualnak ngaihthiam kan sinak cu Khrih thawng cun a si i kanmah sualnak lawng si loin mi vialte zong an sualnak kha ngaihthiam an si lai.

1 SAMUEL 23:9

David nih Saul nih ka cungah ṭhat lonak kha tuah awkah khua a khaan ti kha a hngalh; cun tlangbawi Abiathar sinah khan, “Hika ah hin tlangbawi angki kha rak pu tuah,” tiah a ti.

1 SAMUEL 28:6

Cun Saul nih Bawipa kha a hal tikah Bawipa nih mang in siseh, Urim in siseh, profet hna in siseh, a let lo.