JOHAN 11:3 - Lai (Hakha) Common Language Bible 2006

³ Cu unau pahnih hna nih cun Jesuh cu bia an hei cah i, “Bawipa, na dawtmi na hawi kha a zaw,” an ti.

Laibaibal Thiang (BSI)

³ Cucaah a far le hna nih, “Bawipa, ngaihhmanh, na dawtmi kha a zaw, tiah va chim dingin mi an thlah.

JOHAN 11:3 Iomraidhean Croise

GENESIS 22:2

Pathian nih cun a thawh i, “Na fapa, fapa pakhat lawngte na ngeihmi Isak na dawtmi kha i lak law Moriah ram ah va kal. Cuka ah cun kan hmuhsak laimi tlang cungah khangh thawinak ah na khangh lai,” a ti.

SALM 16:3

Bawipa mi, zumhawktlak a simi hna cu, zeitluk in dah an ṭhat! Anmah he um ṭi cu kaa lawmhnak ngan bik a si.

LUKA 7:13

Bawipa nih cun amah cu a hmuh tikah a zaang a fak ngaingai i, “Ṭap hlah,” tiah a ti.

JOHAN 11:1

Bethani khua i a ummi Lazaruh cu a zaw. Bethani cu Mary le a u Martha an umnak khua kha a si.

JOHAN 11:11

‘Kan hawi Lazaruh kha aa hngilh cang, sihmanhsehlaw ka va kal lai i ka va thawh lai,” a ti.

JOHAN 11:2

(Cu Mary cu Bawipa ke ah zihmui a toih i a sam in a hnawttu kha a si; a zawmi Lazaruh cu amah ṭa cu a si).

JOHAN 11:21

Martha nih khan Jesuh cu, “Bawipa hika ah hin rak um law cu, ka ṭa hi a thi hnga lo.

JOHAN 11:36

Cucaah Judah mi nih cun, “Zeitluk in dah a dawt kha zohhmanh u,” an ti.

JOHAN 11:5

Jesuh nih Martha le a naunu le Lazaruh kha a dawt hna.

JOHAN 13:13

“Nannih nih kei cu, Saya le Bawipa nan ka ti i cucu ka si taktak caah nan ka ti cu ahmaan ko.

JOHAN 13:23

Zultu lak i pakhat, Jesuh nih a dawtmi kha, Jesuh chang ah cun a ṭhu i

2TIMOTE 4:20

Erastas cu Korin khua ah a um i Trofimas cu a zawt caah Miletas ah ka kaltak.

BIAPHUAN 3:19

Ka dawtmi cu ka chimhhrin hna i dan ka tat tawn hna. Cucaah cun i biatak law na sualnak kha mertak hna.