JOHAN 10:6 - Lai (Hakha) Common Language Bible 2006

⁶ Jesuh nih hi tahchunhnak cu a chimh hna, sihmanhsehlaw a kan chimhmi hi zei a si ti awk an hngal lo.

Laibaibal Thiang (BSI)

⁶ Jesuh nih hi tahchunhnâk hi a hman, asinain zeibiadah a chim ti an hngal kho lo.

JOHAN 10:6 Iomraidhean Croise

SALM 106:7

Izipt ram i a rak ummi kan pupa hna nih khan Pathian tuahmi thil khuaruahhar kha an hngalthiam lo, an cungah a dawtnak voi tampi a langhter kha an philh i Lianngan Bik cu Rili Sen ah khan an doh.

SALM 82:5

“Nan va hrut thiam dah, nan va fim lo thiam dah! Khuamui chungah nan um i vawlei cungah hin dinnak zeihmanh a um ti lo.

PHUNGTHLÛKBIA 28:5

Miṭhalo nih biading hi zeidah a si kha an hngal lo, sihmanhsehlaw Bawipa a kawlmi hna nih cun tling tein an hngalh cikcek.

ISAIAH 56:11

A paw a kau tukmi, a za cang ti a hngal lomi uico bantuk an si. Hngalhnak ngei lo hruaitu an si. Anmahle an duhning cio paoh khan an um i anmah miaknak lam cio lawng kha an kawl.

DANIEL 12:10

Mi tampi cu an i thianh lai i an thiang lai, vaar virver in an um lai, sihmanhsehlaw miṭhalo hna nih cun an hngal lai lo i ṭhat lonak kha an tuah lengmang ko lai, hruaitu fim hna lawng nih khan an hngalh lai.

MATTHAI 13:34

Cu thil vialte cu mizapi kha a chimh hna tikah Jesuh nih cun tahchunhnak kha a hman hna; tahchunhnak hmang loin an sinah zeihmanh a chim duh lo.

MATTHAI 13:51

Jesuh nih cun, “Hi vialte hi nan hngal kho maw?” tiah a hal hna i, “Kan hngalh hna,” tiah an leh.

MARKA 4:34

Annih cu tahchunhnak hmang loin a chim hna lo, sihmanhsehlaw a zultu he lawng an um tikah cun zeizong vialte kha an sullam fiang tein a chimh hna.

JOHAN 16:25

“Atu caan tiang cu tahchunhnak bia in kan cawnpiak lengmang hna, asinain ka Pa kong kha tahchunhnak hmang ti loin biapiang in kan chimh hna lai caan a phan lai.

JOHAN 16:29

Cun a zultu nih khan an thawh i, “Atu cu tahchunhnak hmang lo tein fiang tein na kan chimh.

JOHAN 6:52

Cu nih cun Judah mi hna lakah khan bia alnak ṭhalo tein a chuahter ciammam i “Zeitindah hi pa nih hin a sa cu ei awkah a kan pek khawh lai?” an ti.

JOHAN 6:60

Cu bia cu a zultu mi tampi nih khan an theih i, “A cawnpiaknak hi a har tuk. Ahodah cu bantuk cu a ngai kho hnga?” an ti.

JOHAN 7:36

‘Nan ka kawl lai, sihmanhsehlaw nan ka hmu lai lo, ka umnak ding hmun ah cun nan ra kho lai lo,’ a ti. Zeidah a sullam chim a duhmi a si hnga?” tiah an i ceih.

JOHAN 8:27

A kan chimhmi hi Pa kong kha a si ti awk an hngal lo.

JOHAN 8:43

Zeicahdah ka chimmi hi nan hngalh khawh lo? Ka bia kha nan theih khawh lo caah a si.

1 KORIN 2:14

Sihmanhsehlaw Thlarau a ngei lomi nih cun Pathian Thlarau sinin a rami laksawng cu an hmu kho lo. Fiang in an hngal kho ngaingai hna lo; laksawng a sunning kha thlarau lei lawngin hngalh khawh a si caah annih caah cun pakpalawng men a si ko.

2 PETER 2:22

An tuahsernak nih hin, “Uico nih cun a luak a ei ṭhan,” ti le, “Vok cu kholh hnuah nawncek ah aa bual ṭhan,” timi phungthlukbia kha an hmaanter ngaingai.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.