JOHAN 10:21 - Lai (Hakha) Common Language Bible 2006

²¹ Sihmanhsehlaw a cheu nih, “Khuachia a ngeimipa nih cun hi bantukin bia a chim kho hnga lo. Zeitindah khuachia nih cun mitcawmi mit cu a deiter khawh lai,” an ti ve.

Laibaibal Thiang (BSI)

²¹ Midang nih, “Hi bia hi khuachia tuahmi bia a si lo, khuachia nih mitcaw khua a hmuhter kho maw?” tiah an ti.

JOHAN 10:21 Iomraidhean Croise

SALM 146:8

mitcaw kha khua hmuhnak a pek hna. Ṭhumhnak a ingmi kha a cawi hna i a dingmi a mi kha a dawt hna.

SALM 94:9

Kan hna a sertu cu Pathian a si, zeitindah hna sertu Pathian nih cun thei loin a um khawh lai? Kan mit a sertu cu Pathian a si, zeitindah mit sertu nih cun hmu loin a um khawh lai?

EXODUS 4:11

Bawipa nih cun a thawh i, “Minung hi a ka cu aho nih dah a pek? Aho nih dah hnachet in a tuah i holh kho lo in a ser? Aho nih dah hmuhnak a pek i aho nih dah a mit a cawtter? Cu ti a tuahtu cu Bawipa hi ka si lo maw?

EXODUS 8:19

Camhthiam pawl nih khan Faro cu, “Hihi cu Pathian tuahmi a si,” an ti. Sihmanhsehlaw Faro cu a lung a hak ko i Bawipa nih a rak chim bantuk te khan Moses le Aaron cu an bia a ngai duh hna lo.

PHUNGTHLÛKBIA 20:12

Theihnak hna hna le hmuhnak mit hna hi Bawipa sermi an si dih.

MATTHAI 11:5

mitcaw nih khua an hmuhnak le kebei an kal khawhnak le mithinghmui an thiannak le hnachet nih khua an theihnak le mithi thawhṭhan an sinak le misifak mi hna sinah Thawngṭha chim a sinak hi va chim ko u.

MATTHAI 4:24

Amah thawng cu Siria ram zongah khan a thang dih i zawtnak a phunphun in a zawmi vialte hna le harnak a phunphun a ingmi hna kha amah sinah cun an ratpi hna: khuavang nih a tuahmi hna le mitlu a simi hna le a zengmi hna kha a damter dih hna.

JOHAN 10:22

Jerusalem khua i Biakinn Pekchanh Puai timi tuah caan kha a hung phan; cucu khuasik caan ah a si tawn.

JOHAN 9:6

Cu bia a chim dih hnuah Jesuh nih cun vawlei ah khan a cil a chak i tlak tlawmpal a ser, cu tlak cu mipa mit ah khan a nalh i