JOHAN 10:18 - Lai (Hakha) Common Language Bible 2006

¹⁸ Ka nunnak cu aho nih an ka chuh a si lo, keimah lungtho tein pek ka sianmi a si ko. Peknak nawl kha ka ngei i lak ṭhannak nawl zong ka ngei. Cucu ka Pa nih tuah seh ti a ka duhmi cu a si,” tiah a ti.

Laibaibal Thiang (BSI)

¹⁸ Ahohmanhnih anka lâkpiak lai lo, keimah nawl in ka pêkmi a si. Pe kho ka si i la ṭhân kho zong ka si. Hi nawlpêk hi ka Pa sinin ka hmuhmi a si.

JOHAN 10:18 Iomraidhean Croise

JOHAN 10:11

“Tuukhal ṭha cu keimah hi ka si. Tuukhal ṭha cu a tuu hna caah a lu hloh kha a sian.

JOHAN 10:17

“Ka Pa nih a ka dawt cu ka nunnak kha pek ka sian caah a si, cu pek ka sian cu ka nunnak kha ka hmuh ṭhan nakhnga caah a si.

JOHAN 14:31

a si nain vawlei nih hin ka Pa ka dawt kha a hngalh khawh nakhnga ka Pa nih a ka fial bantukin ka tuah dih. “Tho u, kal u sih,” a ti hna.

JOHAN 15:10

Ka Pa nawlbia kha ka ngaih i a dawtnak chungah ka um bantukte hin ka nawlbia nan ngaih ahcun kan dawt hnanak chungah hin nan um ve lai.

JOHAN 19:11

Jesuh nih cun, “Ka cung i nawl na ngeih hi Pathian nih an pek ca lawngah a si. Cucaah nangmah kut i a ka chantupa hi a sual deuh,” tiah a ti.

JOHAN 5:26

Ka Pa hrimhrim cu nunnak hram a si bantukin a Fapa hi nunnak hram ah a ka ser cang.

JOHAN 5:30

“Keimah lawngin zeihmanh ka tuah kho lo; Pathian nih a ka chimhmi ning lawngin bia ka ceih hna; keimah nih ka duhmi kha si loin a ka thlahtu nih a duhmi kha tuah kaa zuam caah ka biakhiahnak cu ahmaanmi a si.

JOHAN 6:38

Zeicahtiah vancung in ka rung ṭum cu keimah duhnak tuah awkah khan si loin a ka thlahtu duhnak tuah awkah khan a si deuh.

LAMKALTU 2:24

Sihmanhsehlaw Pathian nih amah cu mithi hna sin khan a thawhter ṭhan, thihnak nih amah cu a tlaih peng khawhnak ding zeihmanh a um lo.

LAMKALTU 2:32

Pathian nih hi Jesuh hrimhrim hi mithi hna sin cun a thawhter i hi thil tehte a khangtu cu kanmah hi kan si.

LAMKALTU 3:15

Cucaah nunnak lam ah mi a hruaitu cu nan thah. Sihmanhsehlaw amah cu Pathian nih mithi hna sinin a thawhter i cu a thawhternak tehte cu kanmah hi kan si.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

HEBRU 2:9

A sullam cu Jesuh ah khan kan hmuh. Caan tawite chung cu vancungmi nak niam deuh ah khan a ser taktak i cucu Pathian vel thawngin mi vialte kan ca i a thihnak ding caah khan a si. Cun thihnak a inmi ruangah khan atu cu sunparnak le upatnak kha luchin ah chinh a si cang ti kha kan hmuh.