JOHAN 10:16 - Lai (Hakha) Common Language Bible 2006

¹⁶ Hi tuurun chung i a um lomi ka ta a simi tuu dang an um. Annih zong kha ka ratpi ve hrimhrim hna lai; ka aw kha an ngaih lai i tuukhal pakhat tangah tuurun run khat ah an cang lai.

Laibaibal Thiang (BSI)

¹⁶ Cun hi tuukawm chung ta a si lomi, tuu dang zong ka ngei, annih zong ka ratpi hna lai, ka aw zong an theih lai i tuukhal pakhat le bukhat in an um lai.

JOHAN 10:16 Iomraidhean Croise

GENESIS 49:10

A bawifung kha a hler i a ke le a ke karlak ah a chiah; a lianhngannak cu, a ngeitu taktak a rat i, cu nih cun mi vialte a uk hna hlantiang amah nih aa chiah ko lai.

SALM 86:9

Nangmah nih na sermi miphun vialte hi an chuak lai i na hmaiah an kun lai. Na lianhngannak kha an thangṭhat lai,

PHUNGCHIMTU 12:11

Mifim mi hna bia cu tuukhal nih tuu khalhnak caah an hmanmi fung zum bantuk an si, kan dihlak in a kan zohkhenhtu Tuukhal a simi Pathian nih khan annih cu a pek hna.

ISAIAH 11:10

Siangpahrang David ciruang chungin a chuakmi siangpahrang thar cu miphun hna caah hmelchunhnak a si lai i cu a si lainak ni cu a phan lai. A siangpahrang khua chungah khan an i pum lai i upatnak an pek lai.

ISAIAH 43:6

Chaklei ram cu, thlah hna u, ka ti hna lai i thlanglei ram cu, tlai hna hlah u, ka ti hna lai. Ram hla pipi in ka mi cu kir hna seh law, vawlei cung khuazakip in kir hna seh.

ISAIAH 49:6

Bawipa nih cun a ka thawh i, “Ka sal, nangmah caah rian ngan deuh chin ka ngei; Israel mi chungin a tangmi hna kha lianhngannak ah phakter ṭhan lawng si loin, Nangmah cu miphun hna ca ceunak ah kan ser lai — cuticun vawlei dihlak nih khamhnak a hmuh lai,” a ti.

ISAIAH 52:10

Bawipa nih a thiangmi a ṭhawnnak cu a hman cang; a mi kha a khamh cang hna i cucu vawlei mi vialte nih an hmuh cang.

ISAIAH 56:8

Saltannak chungin a mi Israel mi a chuahpitu hna Bawipa Pathian nih, anmah he fonh awkah midang kha ka ratpi rih hna lai, tiah bia aa kam.

EZEKIEL 34:12

Tuukhal nih a pawngah a tuu an i ṭhek tikah anmah kawl awkah a kal bangin, ka tuu hna kawl awkah ka kal lai i khuachiat le khuadawm ni zongah siseh, khuazeihmanh ah i ṭhek hna ai kun, an i ṭheknak hmun paoh khan ka chuahpi hna lai.

EZEKIEL 34:23

Cun annih zohkhenhtu dingah tuukhal pakhat kha an cungah ka chiahpiak hna lai i cucu ka sal David kha a si lai;

EZEKIEL 34:6

Ka tuurun cu a kenkip ah an vak, fing le tlang kip ah an kal i ram chungah khan an i ṭhek dih; ahohmanh an zei a poi lo i ahohmanh nih an kawl fawn hna lo.

EZEKIEL 37:22

Ram chungah le Israel tlang hna cungah miphun pakhat ah ka ser hna lai i an dihlak in siangpahrang pakhat nih a uk hna lai i pennak pahnih ah an i cheu hrimhrim ti lai lo.

EZEKIEL 37:24

Ka sal David cu an uktu siangpahrang a si lai i tuukhal pakhat lawng an ngei lai. Ka phungbia ning khan an um lai i ka nawlbia kha an zulh hna lai i an tuah hna lai.

HOSEA 1:10

Sihmanhsehlaw Israel mi hna cu rili thetse bantukin rel cawk lo an si lai, tah cawk zong an si lai lo, rel cawk zong an si lai lo; annih cu “Ka mi an si lo,” ti an si ti lai lo i sihmanhsehlaw “A Nungmi Pathian Fa,” titu an si cang lai.

ZEKHARIAH 2:11

Khi ni ah Bawipa sinah miphun tampi an ra lai i a mi an si lai i nannih lakah amah cu a um lai.

MATTHAI 17:5

Cu ti i bia a chim lioah cun a ceumi minmei nih a run zelh hna i minmei chung cun aw nih, “Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u,” tiah a ti.

LUKA 15:8

“Asiloah, tangka phar hra a ngeiminu nih pakhat kha a thlau ahcun zeidah a tuah? Meiinn a van i pei a inn kha a phiah i a hmuh hlan tiang a ken le a kawi zong kha a kawl cikcek cu.

JOHAN 10:11

“Tuukhal ṭha cu keimah hi ka si. Tuukhal ṭha cu a tuu hna caah a lu hloh kha a sian.

JOHAN 10:2

Innka in a lutmi cu tuu a zohkhenhtu tuukhal kha a si.

JOHAN 10:27

Ka tuu nih cun ka aw kha an ngaih, annih kha ka hngalh hna i an ka zulh.

JOHAN 10:3

Innka cawngtu nih khan innka cu a rak hunpiak i tuu nih khan a aw cu an theih; a tuu kha an min in a auh hna i lengah a chuahpi hna.

JOHAN 10:4

An dihlak in a chuah dih hna tikah an hmai in a kal i a aw kha an hngalh caah tuu nih cun an zulh.

JOHAN 10:5

Midang cu an zul duh hna lo, a zaam in an zaamtak lei hna, zeicahtiah an aw kha an hngal lo,” tiah a ti.

JOHAN 11:52

anmah Judah mi ca lawngah si loin Pathian fale aa ṭhekmi vialte hmunkhat i pumh dih awk zongah khan a thih cu a si lai tinak a rak chimchung kha a si.

JOHAN 17:20

“Anmah ca lawngah hin thla ka cam lo, an chimmi bia thawngin a ka zum laimi hna ca zongah ka cam.

JOHAN 6:37

Ka Pa i a ka pekmi paohpaoh cu ka sinah an ra lai i ka sin i a rami paohpaoh cu ahohmanh ka dawn hna lai lo.

LAMKALTU 15:14

Simon nih, zeitluk in dah Pathian nih Jentail mi kha an zawn a ruah hna ti cu a kan chimh cang i cu a langhnak cu anmah lakin amah min putu dingah mi aa thimmi hna hi a si.

LAMKALTU 18:10

zeicahtiah keimah nih kan umpi ko. Hi khua chung i a ummi hna lakah hin mi tampi ka minung an si caah ahohmanh nih harnak an in pe kho lai lo,” tiah a ti.

LAMKALTU 22:14

Aa thawh i, ‘Kan pupa hna Pathian nih nangmah cu a duhnak kha hngalhter awk le a dingmi a Sal kha hmuh awkah, amah aw hrim in a chimmi bia kha theih awkah an thim.

ROM 11:25

Ka u le ka nau hna, biathli pakhat nan hngalh awk i ka duhmi a um. Cu nih cun ka fim tiah i ruat loin an umter hna lai. Cu biathli cu hihi a si: Israel mi lung khohkhal i an um hi zungzal ca in a si lo, Jentail mi an dihlak in Pathian sin i an rat caan tiang ca lawng a si lai.

2 THESALON 2:13

U le nau hna, nanmah an dawtu hna Pathian kha zungzal in lawm ko u sih. Zeicahtiah nannih cu Pathian nih Thlarau ṭhawnnak thawngin Pathian mi ah an canter hna thawng le biatak nan zumhnak thawng khan, khamhnak hmuh awkah a rak in thim hna.

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

1 PETER 2:10

Hlanah cun nannih cu Pathian mi nan rak si lo, sihmanhsehlaw atu cu nan si cang; hlanah cun Pathian zaangfahnak kha nan rak hngal lo, sihmanhsehlaw a tu cu zaangfahnak kha nan hmuh cang.

1 PETER 2:25

Tuu a tlaumi bantukin nan tlau cang, sihmanhsehlaw atu cu nan nunnak Khaltu a simi le nan nunnak Cawngtu a simi leiah khan nan kir cang.

1 PETER 5:4

Cucaah Tuukhal Bawi Bik kha a rat tikah a ziam kho lomi sunparnak bawi luchin cu nan hmuh lai.

BIAPHUAN 3:20

Ngaihmanh! innka ah ka dir i ka kingh. Ahohmanh an si ah, ka aw a thei i innka a ka hunhmi cu, a inn chungah cun ka lut lai i a sinah rawl ka dum lai i amah zong ka sinah a dum ve lai.