JOHAN 10:1 - Lai (Hakha) Common Language Bible 2006

¹ “Biatak kan chimh hna: tuukawm chungah innka in a lut lo i kaa dang in a kaimi cu mifir le damiah an si.

Laibaibal Thiang (BSI)

¹ “Biataktein, biataktein kan chimh hna, tuu kawm chungah innkâ in a lut lo i lamdang i a lutmi pauh mifir le damiah an si.

JOHAN 10:1 Iomraidhean Croise

JEREMIAH 14:15

Cucaah, vainam le mangṭam cu hi ram ah hin a tlung lai lo,” a titu profet hna, ka thlah hna naloin ka min in bia an chimmi kong ah cun, Bawipa nih hi bangin a ti: Cu profet hna cu vainam le mangṭam in an thi lai.

JEREMIAH 23:21

Hi profet hna hi ka thlahmi an si lo, asinain a tlik ko in an tli; Bia zeihmanh ka chim hna lo, asinain, heh tiah an chim.

JEREMIAH 23:32

Lih kha mang i a manh i a zuar ṭhan i ka mi hna kha hrokhrawl le pakpalawng in a pingah a hruaitu profet cu ka ralchanh hna, tiah Bawipa nih a ti. Annih a thlahtu hna kha keimah ka si lo, a fialtu hna zong ka si lo, cucaah hi profet hna nih hin hi mi hna hi zeihmanh an ṭhathnem hna lai lo. Mah hihi Bawipa bia hrimhrim a si.

JOEL 2:9

Khuapi kha an nam, A vampang ah khan an kai, inn chungah khan an lut, Mifir bantukin thlalangawng in an lut.

MATTHAI 7:15

“Nal profet kha i ralring hna u, nan sin an rat ah cun tuu bantukin an i umter, sihmanhsehlaw an chunglei cu cenghngia hrang an si.

JOHAN 10:7

Cucaah Jesuh nih annih cu a thawh ṭhan hna i, “Biatak kan chimh hna: Tuu luhnak kutka cu keimah hi ka si.

JOHAN 3:3

Jesuh nih cun, “Biatak tein kan chimh: Ahohmanh hrin ṭhan a si lo ahcun Pathian Pennak kha a hmu kho lai lo,” tiah a leh.

ROM 10:15

Cun lamkaltu kha an thlah hna lo ahcun zeitindah bia cu thanh a si khawh lai? Cathiang nih, “Thawngṭha a chimtu hna ke cu a vaa dawh dah,” a ti bantuk khan a si taktak.

ROM 16:18

Zeicahtiah cu bantuk rian a ṭuanmi cu kan Bawipa Khrih rian an ṭuan kha a si lo i anmah duhnak tu an tuah kha a si deuh. An hmurka ṭha le an mi hloi thiamnak in lungmawng zaran vialte kha an hlen hna.

TITAS 1:11

Kha hna pawl kha kham an hau, zeicahtiah an chim awk a si lomi thil an chimmi nih khan innchungkhar hna an dihlak in a tuaiter hna i cu zong cu ningzah awk tlak a simi thil, tangka hmuh duh men caah khan a si.

HEBRU 5:4

Ahohmanh anmah le anmah Tlangbawi Ngan ah an i thim kho lo. Aaron cu Pathian nih a kawh i Tlangbawi Ngan ah a can bantuk khan, Pathian kawhnak lawnglawng in Tlangbawi Ngan ah an cang kho.

1 PETER 1:10

Hi khamhnak kong hi profet hna nih an ruah an khahmi le an kawlmi a rak si; Pathian nih pek an duhmi hna laksawng kong hi an rak chim chungmi kha a si.

2 PETER 2:1

Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.

2 PETER 2:3

Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.

1JOHAN 4:1

Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.